نرجع للموضوع


[QUOTE=bolbol][COLOR="Sienna"][SIZE="5"]
ممكن يكون فيه حل غير الطلاق لكن لازم يكون فيه حل

ربنا أعطانا عقل نفكر به..

مستحيل أن نتغاضي عن الشعور بمأساة أخرين تحت مسمي حفظ

الأيمان و تكون النصيحة روح غير الطائفة - قصده علي

البروتوستانت- أو روح غير دينك...

ده أحنا كده ولا الفريسيين يا ناس. المسيح وبخهم لقساوة قلوبهم

بأستخدام الطلاق عمال علي بطال. و أحنا بنقسوا علي نفسنا

[B]و بنرجع كل شئ لتعاليم المسيحية و الأنجيل[/B].[/SIZE][/COLOR][/QUOTE]

اخى العزيز بلبل

ان لم نرجع الى تعاليم المسيحية و الانجيل فالى ماذا تريدنا ان نرجع؟

طبعا كناس اخترنا المسيح يجب ان نرجع الى تعاليمه المسيحية الموجودة فى الانجيل



[QUOTE]هرجع و أقول تاني ممكن يكون فيه حل غير الطلاق لكن لازم نتكلم[/QUOTE]

على المستوى الدينى الحل موجود و هو الانفصال, لكن يوج ناس لا يحبون هذا الحل لانهم يريدون الزواج بعد الطلاق, و بالبلدى كده لو واحد ارتبط بواحدة و هو يعلم انه لن يستطيع ان يطلقها و لكنه فشل فى علاقته معها ثم غير قوانين الكنيسة (المسيحية) و طلقها ليتزوج باخرى, فكيف سيكون زواجه الثانى و هو يعلم انه ممكن ان يطلقها؟ (هذا منطق غير كامل لكنه يشرح ما اود ان اقوله)

على المستوى المدنى يوجد حل كما قال غيرى ان يتزوج الشريكين زواج مدنى خارج الكنيسة

[QUOTE]اللي مش عايز طلاق أنا متفهم موقفه لكن يشارك في إيجاد حل لكل مشاكل الاقباط قدام المحاكم.[/QUOTE]

الحل سهل, صدقنى, ممكن ينفصل و لو اراد الزواج ممكن يغير ملته, لن يستطيع احد ان يخدع الله بالقوانين المدنية,

اعتقدد انك و قعت فى خطأ كبير

فناس كثيرة تهاجم البابا لانه يتدخل فى السياسة (او هكذا يزعمون), و ها انت تريد ان تتدخل فى الدين بالسياسة.


[QUOTE]محاولات رخيصة لتغيير العقيدة أو كلام الأنجيل هو إنسان مخه[/QUOTE]

ما يجمعه الله لا يفرقه انسان


[QUOTE]أنا كل طلبي مناقشة مشاكل الناس لأن فيه ناس بتعاني و لازم نلاقي

حل غير تغيير الديانة [/QUOTE]

الكنيسة تنبه دائما على عدم الاستعجال فى اختيار شريك الحياة و عدم الاستعجال فى الزواج و لكن شباب كثير لا تفكر و تعتمد على العاطفة وحدها و تتسرع و تتزوج ثم يبكون و يقولون نريد الطلاق.

لكن لو كانت عيشتهم لا تطاق, فلماذا لا ينفصلون فقط؟ لماذا يريدون اللطلاق؟

انه عدم مسئولية من البداية و يريدون ان يحملوا المسيح و الكنيسة اللوم لعدم مسئوليتهم.

فانا مع الاخ المفدى فيما يقول لانه لا يقول رأييه لكنه يعبر عم موقف الكتاب المقدس

فمن لا يستطيع ان يتحمل المسئولية (و لو فى موضوع مهم كهذا) فعليه ان يخرج عن دائرة الروحانيات ليكملوا شهواتهم


اخاف يا اخى العزيز الذى سوف ياتى الوقت و يرفع بعض المسيحيين قضية على الكنيسة لانها ترفض ان تزوجهم من ناس خارج الايمان او لانها ترفض تزويج الشواذ.

ارجو ان تتقبل رأيى بصدر رحب

[SIZE="5"][COLOR="Sienna"]أشكرك أخي دموع التماسيح..

صدقني كلامي كان لمجرد تقليل معاناة ناس كتير جدا..

المهم كلامك عن الطلاق أنا مقتنع بيه جدا

بالذات أن المطلق أو المطلقة بيعامل بشكل طبيعي داخل الكنيسة

المشكلة في شريحة معينة جدا

بتتجوز بدري و بتحصل المشاكل بدري بدري

أذن المشكلة تزويج المطلق من قبل الكنيسة الارثوذكسية

بيفضلوا يعانوا و ممكن يدفعوا بقية حياتهم لخطأ كأي خطأ

فيبيروحوا مننا

الحل من وجهة نظري أن الكنيسة لازم تنشر وعي و تهتم بالأسرة

لأن خدمة الأسر فعلا رديئة جدا..

الحل التاني ولا أعرف أذا أمكن ولا لأ هو عقوبة كنسية للمطلق

بحيث أن بعدها يقدر يتجوز و أنا بصدد مناقشة الأمر معكم

أما عن أية "ما جمعه الله لا يفرقه إنسان"

طاب أه رائيك فيما لم يجمعه الله أصلا بمعني مش كل الناس

بتدخل ربنا في الموضوع عشان يكون جمعهم بأسم ربنا

فهمت قصدي..

يعني اللي جمعه الله ببركته هو و بمشيئة الناس المتطابقة مع

مشيئته بصلاة و صوم هذا ما لا يفرقه إنسان.

لكن اللي متجوز براكاوي كده ده ربنا ملوش دعوة بيه

و ده فهمي للأية و صدقني أنا أرثوذكسي مثل معظمكم لكني

تمررت مما رأيت.

بدون مبالغة الموضوع ده بين لي الكنيسة ولا كأنها مصلحة حكومية

و زي ما قلت فيه بالفعل تصاريح زواج طلعت لناس معينة

يعني حتي المعاملة مش بالمثل..

ربنا معاك

تحياتي[/COLOR][/SIZE]

الثوابت لا يوجد نقاش يها
 

السيد المسيح قال : السماء والارض تزولان ولكن كلامي لا يزول ، لي سؤال بسيط أرجو أن يكون في محله أبينا أدم عاش 930 سنة لنقل مثلا أنه عندما خلق هو وأمنا حواء كان عنده 30 سنه أي أنه عاش 900 سنه متزوج من أمنا حواء ، لنفرض أن أمنا حواء ماتت قبله ، الكتاب المقدس لم يذكر أنه تزوج من امرأه أخري غير أمنا حواء ، أي أنه في الاصل هي امرأه واحده زي ما السيد المسيح قال ، لكن المشكله دلوقتي أن فيه مسيحيين عاوزين حتي الزواج يبقي تيك أواي ، خلاص هي أو هو نفسهم ملت من زواجهم يغيروا بعض بسهوله . ربنا يرحمنا .
[QUOTE]عزيزى بلبل انا مش موفقاك فى موضوع تفسير الآيه الايه صريحة من يطلق امراته الا لعله الزنا فهو يزنى بلبل الايه مفيهاش تفسير تانى لان المسيح كان اتوجه ليه سوال واضح من يطلق امراته يعطيها كتاب فكان ده الرد فين التفسير التانى انشاء الله ولو كان فى استثناء لده كان قاله
ثانيا يا جماعة فكروا ربنا منع الطلاق ليه ؟؟؟؟؟؟؟؟؟؟؟؟؟؟؟
ارجوكم ربنا كان عايز يخلينا نعيش اسره واحدة ونعمل كنيسة فى كل بيت تخدمه وميبقاش فى مشاكل تخيلوا حجم المشاكل ائلى هتحصل بسبب الطلاق من زواج مره اخرى وتشرد اطفال وقضايا ميراث ومشاكل مالهاش حل من حقد الاخوات وكرههم لبعض وقضايا قتل الخ ............
انا مش موافقة خالص على موضوع الطلاق ولا حتى للزواج المدنى ذنب الاطفال اه ان اهاليهم غير مسئوله وعايزه ترضى شهواتها وبس
انا مش متزمته ولا متاخره بس ببص لقدام وللاطفال ائلى ملقهاش ذنب فى حاجة [/QUOTE]
أنسه baby رأيك هذا تستحق عليه
10)10 10)10 10)10 10)10 10)10 بدون مجامله .

[FONT="Tahoma"][SIZE="4"][COLOR="DarkSlateBlue"]مين قال ان مفيش طلاق الا لعلة الزنا؟؟؟؟؟؟؟
هى علة الزنا هى العلة الوحيدة اللى بتعمل مشاكل؟؟
الخيانة بتبقى بس لما الزوج او الزوجة يمارس الجنس مع طرف خارجى؟
الكدب مثلا و التزوير و الضرب و الاهانة مش زيه زى الزنا؟
ولا علشان عقلياتنا عقليات شرقية يبقى الزنا بس هو الخيانة ؟؟
ثم من قال ان المبدأ ثابت و غير قابل للتغيير؟؟ مالكاتوليك مثلا مش بيطلقوا خالص بقى و أسمهم ناس دارسة و عارفة ولا دول كمان هانقول عليهم مش فاهمين؟؟
لما الطلاق حرام ربنا سمح بيه ازاى لليهود فى العهد القديم؟؟ عشان قلوبهم غليظة؟؟ طيب و احنا قلوبنا أيه؟؟ ملبن؟؟

البابا شنودة قال ان مفيش قوة على الارض هاتقدر تخلينا نبيح الطلاق حلو بس قوة الحكومة هايعمل معاها ايه لما تقوله هاتطبق يعنى هاتطبق؟؟ هايقول لأ ولا هاينفذ ذى مانفذ بحرمان خلق الله من التناول لما راحوا القدس؟؟[/COLOR][/SIZE][/FONT]

[QUOTE]عزيزى بلبل انا مش موفقاك فى موضوع تفسير الآيه الايه صريحة من يطلق امراته الا لعله الزنا فهو يزنى بلبل الايه مفيهاش تفسير تانى لان المسيح كان اتوجه ليه سوال واضح من يطلق امراته يعطيها كتاب فكان ده الرد فين التفسير التانى انشاء الله ولو كان فى استثناء لده كان قاله
ثانيا يا جماعة فكروا ربنا منع الطلاق ليه ؟؟؟؟؟؟؟؟؟؟؟؟؟؟؟
ارجوكم ربنا كان عايز يخلينا نعيش اسره واحدة ونعمل كنيسة فى كل بيت تخدمه وميبقاش فى مشاكل تخيلوا حجم المشاكل ائلى هتحصل بسبب الطلاق من زواج مره اخرى وتشرد اطفال وقضايا ميراث ومشاكل مالهاش حل من حقد الاخوات وكرههم لبعض وقضايا قتل الخ ............
انا مش موافقة خالص على موضوع الطلاق ولا حتى للزواج المدنى ذنب الاطفال اه ان اهاليهم غير مسئوله وعايزه ترضى شهواتها وبس
انا مش متزمته ولا متاخره بس ببص لقدام وللاطفال ائلى ملقهاش ذنب فى حاجة [/QUOTE]

[SIZE="5"][COLOR="Sienna"]أعتقد أن Baby هي اللي قالت الكلام ده و أسف لأني مرديتش من الأول.

لكني رديت عليه لاحقأ[/COLOR][/SIZE]

[QUOTE=The_Lonley_Wolf][FONT="Tahoma"][SIZE="4"][COLOR="DarkSlateBlue"]مين قال ان مفيش طلاق الا لعلة الزنا؟؟؟؟؟؟؟
هى علة الزنا هى العلة الوحيدة اللى بتعمل مشاكل؟؟
الخيانة بتبقى بس لما الزوج او الزوجة يمارس الجنس مع طرف خارجى؟
الكدب مثلا و التزوير و الضرب و الاهانة مش زيه زى الزنا؟
ولا علشان عقلياتنا عقليات شرقية يبقى الزنا بس هو الخيانة ؟؟
ثم من قال ان المبدأ ثابت و غير قابل للتغيير؟؟ مالكاتوليك مثلا مش بيطلقوا خالص بقى و أسمهم ناس دارسة و عارفة ولا دول كمان هانقول عليهم مش فاهمين؟؟
لما الطلاق حرام ربنا سمح بيه ازاى لليهود فى العهد القديم؟؟ عشان قلوبهم غليظة؟؟ طيب و احنا قلوبنا أيه؟؟ ملبن؟؟

البابا شنودة قال ان مفيش قوة على الارض هاتقدر تخلينا نبيح الطلاق حلو بس قوة الحكومة هايعمل معاها ايه لما تقوله هاتطبق يعنى هاتطبق؟؟ هايقول لأ ولا هاينفذ ذى مانفذ بحرمان خلق الله من التناول لما راحوا القدس؟؟[/COLOR][/SIZE][/FONT][/QUOTE]

[COLOR="Sienna"][SIZE="5"]أسمع يا ولف أنا متفق مع جزء من كلامك..

لكن الأكيد اللي مش هتفق معاك فيه هو أن البابا ينصاع لأمر محكمة من قاضي جاهل مبيفهمش. زي ما قال البابا لا توجد قوة علي الأرض تستطيع أن تغير تعاليم المسيح. لو كان رد البابا جه مغاير عن كده أنا كنت هعترض. المشكلة هنا في الناس اللي بتروح مننا من قديم الأزل لقسوتنا. يعني الهدف الناس التعبانة الحيرانة الكفرانة اللي أحنا بنتفرج عليها و بنقولوهم لو عايزين تترحموا روحوا أسلموا.

لكن البابا كان رائع في رده علي حكم المحكمة اللي المفروض يبلوه و يشربوا ميته أو يعملوه قرطاس و ..... ولا بلاش.[/SIZE][/COLOR]

[b]سؤال صغير

واحد /واحده اتجوزوا.... الحياه فشلت.... او حد خان التانى..... اتطلقوا ..... وبمباركه الكنيسه (عله الزنا)

مين بقى عبيط وتحفه يحصله كل ده ويجيلوا نفس يتجوز مرة تانيه !!!!!!!!

هو حد يعملها ويفشل ويجيله نفس يكررها ؟؟؟؟؟؟؟؟؟؟

وكلامى جد مش هزار

اصل لما نبقى كل همنا نجوز حد طلق خارج الكنيسه يبقى الصراحه استعباط لان مهما كان سبب الطلاق .. زنا ضرب اهانه شتايم سرقه .... الخ

هل طبيعى حد صادف كل ده وبالذات لو عنده اطفال حيفكر يكررها تانى ؟؟؟؟

حد يرد عليا[/b]

عزيزتي مداممانا حر
تحية،
لي تعليق على سبيل الدعابة على قولك، هو حد يعملها ويفشل ويجوز ثاني، وحاضيفلك وحتى لو نجح، فالزواج ده ينطبق عليه أغنية عبد الحليم حافظك "لو أني أعرف خاتمتي ماكنت بدأت".
أو اغنية اخرى في فيلم الحموات الفاتنات، وهي بوريه بوريه وكمان بوريه..أنا كنت ياناس باتجوز ليه؟؟؟؟ أرجو تقبل الدعابة، ولقد قصدت بها تخفيف توتر المناقشة بينكم، لإن شايفكم متوترين، وفي نفس الوقت المناقشة تخص تعاليم دينكم، ولا يصح ان اتدخل فيها.
ماجد

[B][FONT="Arial"][SIZE="4"]الإخوة الأحباء

سلام ونعمة للجميع

فى حقيقة الأمر فأنا أرى أن هناك عدم فهم كامل لموضوع الزواج والطلاق لدينا بشكل عام
هناك نقاط أساسية يجب أن نفهمها لأننى أرى أنه لا احد يعلم عنها شيئا

1- بالنسبة للزواج، فالإنسان يختار بكامل حريته، وعليه تحمل نتيجة إختياره
وفى حالة إثبات أنه تعرض للإكراه فى الزواج يقع الطلاق (أرى أن كثيرا منكم لا يعرف ذلك)

إذا، فأنت من يختار بحريتك الكاملة لذا فعليك أن تتحمل نتيجة إختيارك الحر
ومن ذلك مثلا كما لنا الأستاذ بلبل (لكن اللي متجوز براكاوي كده ده ربنا ملوش دعوة بيه)
ومن أجبرك على الزواج بركاوي
ومن أجبر الطرف الأخر الذى قبل بالزواج بركاوي على القبول

طالما قبلت وأنت حر، فعليك تحمل نتيجة إختيارك

2- هناك طرفان يمكن أن يختلفا، طرف منهم يسيير مع الكتاب المقدس وتعاليمه (الطرف الصابر على البلوى) وطرف أخر غير صابر ولا يلقى بالا لتعاليم الكتاب المقدس
يقوم الطرف الغير متمسك بتعاليم كتابة المقدس برفع دعوى طلاق، ومن ثم الحصول عليه بأى طريقه، ومن ثم يتزوج مدنيا بعد ذلك ويعيش حياته
الطرف الثانى الذى وجد نفسه مطلق مدنيا ولم يترك عقيدته، يمكن له فى هذه الحالة الحصول على طلاق كنسى صحيح، حيث أن الأخر قد تزوج مدنيا لذلك فهو فى حالة زنى
ويمكن له أيضا الحصول على تصريح زواج مرة أخرى وكل ذلك بطريق سليم وصحيح تقره الكنيسة

3- هناك حالات أخرى للطلاق غير الزنى، تقر بها الكنيسة، مثل حالات الإعتداء بالضرب المؤذى أو عدم وجود أحد الزوجين لفترة طويله (لا أعرف هذه الفترة بالضبط وسأحاول البحث عنها) أو تعريض حياة الطرف الأخر للخطر
بل وهناك أيضا شئ يوجب التطليق، وهو من أجمل ما سمعت فى حياتى، ويدل على تعاليم سامية جدا
إذا كانت حياة أحد الزوجين فى خطر، ولم يؤدى الطرف الأخر ما هو فى إمكانه لإنقاذ حياته، يمكن أن يقع الطلاق أيضا
كل هذه حالات توقع الطلاق فى الكنيسة القبطية الأورثوذوكسية

4- الإنفصال
وهو يحدث فى حالة إستحالة العشرة بين الطرفين (مش طايقين بعض) وهذا أمر تقره الكنيسة ولا تجرمه
إذا فموضوع إستحالة العشرة موجود له حل، والمشكلة ليست فى الحل بل فى الطرف الذى يريد أن (يعيش حياته أمال الواحد حيتمتع إمتى)، وعليه أن يكون صريحا مع نفسه، أيريد متعه جسده أم حياته الأبدية

5- فى جميع أحوال الطلاق، لا يحصل الطرف المخطئ على تصريح زواج مرة أخرى

لا أرى أن الكنيسة منعت حقا من أحد، ولكنها أعطته حرية الإختيار، وحملته مسؤلية إختياره الحر، ووضعت ضوابط ليكون الإثنان جسدا واحدا بمعنى الكلمة، والطرف الذى يشق هذا الجسد الواحد يستبعد ولا يعطى حق لتكوين جسد واحد مع إنسان أخر، أما الطرف الذى لم يشق هذا الجسد ووجد نفسه ضحية، فمن حقه أن يكون جسدا واحدا مرة أخرى

سلام المسيح مع الجميع
hapbirth:) [/SIZE][/FONT][/B]

[SIZE="5"]

[url]http://www.copts-united.com/wr/go1.php?subaction=showfull&id=1142857925&ucat=66&archive=[/url]

20/03/2006


المستشار/ نجيب جبرائيل يقيم أول طعن أستشكالاً ضد وزير العدل بصفته ووزير الداخلية بصفته
ومن صدر لصالحه هذا الحكم
في الحكم الصادر بإلزام البابا بتزويج المطلقات

تنظر محكمة القاهرة للأمور المستعجلة في الثامن عشر من شهر أبريل المقبل أول طعن مقدم من المستشار نجيب جبرائيل أستشكالاً في الحكم رقم 6025 لسنة58 ق الصادر بإلزام الكنيسة بتزويج المطلقين وجاء هذا الأستشكال في الحكم منعاً لتنفيذه حتى يتم الفصل في الطعن أمام المحكمة الإدارية العليا وأستند هذا الأستشكال:-
1- أنه إذا كان هذا الزواج حق كفله الدستور المصري إلا أن هذا الحق مقيد بحماية وكفالة واحترام العقيدة الدينية وهو عدم المساس بها طالما أن القانون قد ينأى بجهات القضاء التدخل أو البحث فيها.
2- أن الزواج في المسيحة هو نظام ديني بحت وهو أحد الأسرار المقدسة وهو من صميم العقيدة الدينية التي كان على جهة القضاء ألا تبحث وتتغلغل في هذا الأمر الديني وأنما لها فقط أن تبحث في المظاهر الخارجية الرسمية بمعنى تبحث فقط في شروط وشكل أتمام هذا الزواج وعما إذا كان موثقاً وقد أجريت له المراسم الدينية من عدمه بأعتبار أن الزواج يكون باطلاً إذ خلا من المراسيم الدينية.
3- أن هذا الحكم قد صدر باطلاً ومن جهة ليس لها أي ولاية قانونية على نظر أمور الكنيسة إذ ما قد نظرتة محكمة القضاء الإداري أمر يدخل في صميم العمل الروحي والكنسي ولا يدخل في مراقبة القضاء.
4- أن من صدر ضده الحكم وهو قداسة البابا شنودة وأن كان يصدر بتعيينه قراراً جمهورياً وهو قرار إداري إلا أن هذا القرار في جوهره ما هو إلا تصديق لإرادة الناخبين الأقباط والمجمع المقدس فهو قرار كاشف ومقرر وليس منشئ.
5- أن البابا بأعتباره رئيس الكنيسة في حالة امتناعه عن أعطاء تصريح زواج إذ كان حكم التطليق يخالف ما ورد في الكتاب المقدس ( الزنا وأختلاف الدين ) فأن ما يصدر عنه في هذا الشأن أنما لا يصدر عنه باعتبار أن لقداسته سلطة إدارية وأنما باعتباره يمثل الهيئة الدينية الروحية للكنيسة فلا يعتبر أمتناعه عن هذا القرار إدارياً سلبياً يخضع للطعن عليه ومن ثم تعرض للقضاء الإداري تعرض لا ولاية له إذاً أن أمتناع البابا ليس أمتناعاً صادراً في موضوع إداري مثل الأوقاف أو قرارات تنظيمية إدارية تخضع لرقابة القضاء.
6- أن تنفيذ هذا الحكم يمثل أعتداء خطير وأفتئات على السلطة الروحية الكنيسة في سابقة لم تحدث من قبل سيما وأن هناك أحكام قضائية ومبادئ قانونية أرستها محكمة النقض المصرية مستقرة على أن لا يجوز لجهات القضاء التدخل في أعمال السلطة الدينية وسبق أن نشرنا تلك الأحكام.
7- أن الغرض من هذا الأستشكال هو وقف تنفيذ هذا الحكم لأنه في تنفيذه أخطار وأمور لا يمكن تداركها فيما إذا صرح لمن حصل عليه بالزواج وتزوج مرة ثانية بأخرى ثم فسخ عقد الزواج في حالة ألغاء هذا الحكم في المحكمة الإدارية العليا فما هو مصير هذا الزواج ولمن يكون ولمن ينسب ما يثمر عنه الزواج من أولاد.
8- أن في تنفيذ هذا الحكم يفتح الباب لكل من تسول له نفسه أو من يريد النيل من الكنيسة لسبب أو من غير سبب أن يقيم مثل هذه الدعاوى التي تتعرض للعقيدة المسيحية فيمكن على سبيل المثال أن يخرج علينا من الغلا والمعارضين للكنيسة فيطالبون فيها مثلاً بتقليل مدة الأصوام أو إلغاء القداس أو تزويج الرهبان والأساقفة
9- أن المطالبة بتنفيذ هذه الأحكام والقول بأمتناع البابا عن تنفيذه وهو ما صرح به قداسته بأن ليس لأي جهة سلطة أن تجبرنا على تنفيذ ما يخالف تعاليم الأنجيل وعلى ذلك فأن الأصرار على تنفيذه فيه مساس وأهدار لكرامة البابا ووضعه في صورة من لا يحترم أحكاماً القضاء وهو الرجل الوطني الذي ينال الأحترام من الكافة.
10- أن في تنفيذ هذا الحكم ومساس بمشاعر كافة المسحيين على مستوى الكرازة وبرمزهم الأعلى وهو قداسة البابا وتدخلاً في عقيدتهم وهو ما يحظره الدستور والقانون
بنــاءً عليــــه
يطالب المدعى ( الدكتور نجيب جبرائيل ) بأعتباره أنه قبطي وله مصلحة في هذه الدعوى وهي متمثلة في عدم المساس بعقيدته ورئاسته الروحية يطالب بوقف تنفيذ هذا الحكم مؤقتاً لحين الفصل في الطعن عليه في المحكمة الإدارية العليا.
وهذا الأستشكال مرفوع ضد وزير العدل بصفته ووزير الداخلية بصفته ومن صدر لصالحه هذا الحكم
الدكتور نجيب جبرائيل
[email]ngilco1@hotmail.com[/email] [/SIZE]