فى الإنترنيت
 

يعتبر الإنترنيت إختراقاً للحصار الإسلامى ضدنا ، والناس اللى بتكتب وتتكلم فى الإنترنيت يمكن إفتكروا إن ما يكتبونه بحرية يعتبر حل للمشكلة الإسلامية ، فالإنترنيت عامل إختراق ولكنه ليس إختراقاً كبيراً لأن الإنترنيت لا يصل إلا لشريحة قليلة من المجتمع ، فمعتادى الإنترنيت شعروا بالغضب من حادثة بطمس لأنها اعطت إشارة إن ما يكتب فى الإنترنيت لا يؤثر فيما يحدث على الأرض ، وأن الكتابة والنشر عن الحوادث ، والحوار المتفوق مع المسلمين لا يؤدوا إلى توقف الإضطهاد وأعمال العنف
لو كان الإنترنيت بيعمل تأثير كبير فى المجتمع لكانت الحكومة فرضت عليه الرقابة ، ولكانت أنشأت آلاف المواقع لتدعو لنفسها فيها
ومن جهة أخرى فما يكتب هنا يمكن أن يحدث أثراً تراكمياً يمكن فى حالة توسيعه ( يعنى نفس الكلام اللى بيتقال هنا يتقال فى جرائد وإذاعات وتليفزيونات وفى كتب وأفلام ) أن يؤدى للتغيير لكن بعد زمن طويل

إستطاع المسلمون السيطرة على المواقع الأجنبية باللغة العربية ومنها البى بى سى ، ولايسمحوا بنشر آراء تتعارض مع آرائهم ، وفى موقع البى بى سى عنوان بيقول : مساحة حرة للتعبير عن آراءك والصحيح إنها مساحة تحت الرقابة للتعبير عن آراء تشابه آراء المشرفين على الموقع

كتبت فى الموضوع ده قبل كده ، وهو إننا مضطرين نقرأ ( تقريباً كل حاجة ) بأقلام مسلمين ونتعرف بإستمرار على وجهة نظرهم ، ونقرأ مايوردونه من معلومات ، بسبب عدم وجود مواقع مسيحية تهتم بالشأن العام ، والنتيجة إننا نقرأ مثلاً كل يوم 10 صفحات .. 8 منهم كذب
-------------
الموضوع التانى وهو بعض المواقع - بيعملوها تقيلة قوى ومليانة صور ومنها موقع
[url]http://www.amcoptic.com/[/url]
وموقع جريدة مرايا ( ممكن تأخذ فكرة عنه )
[url]http://www.almaraya.net/[/url]
فياريت مصممى المواقع يرحمونا ويخففوا شوية لأن المواقع التقيلة دى بتعمل شلل للكمبيوتر
--------------------
حسين كروم عامل تقرير النهارده - جيد - فى جريدة القدس العربى

س : مش ملاحظ إن كل المواقع باللغة العربية سواء كانت عربية أو إنجليزية أو أمريكية أو سويسرية إلخ أصبحت ذات مضمون واحد ؟
ص : فعلاً الفرق بقى بسيط جداً ، المختلف بس هو موقع قبطس
س : موقع قبطس مختلف بس غالبية الرسائل الموجودة فيه هى لمناقشة الإسلام مش لمناقشة ما يحدث فعلياً على أرض الواقع
ص : إحنا فعلاً محتاجين موقع لنقل الحقيقة عما يحدث ، بس المشكلة فى الإهتمام والتمويل
س : مش المشكلة هى الإهتمام والتمويل وبس لكن الموقع كمان .. يعنى لو إنت فى الشرق تقدر تقول الحقيقة على الغرب لكن ما تقدرش تقول الحقيقة عن الشرق ، ولو إنت فى الغرب تقدر تقول الحقيقة عن الشرق لكن ماتقدرش تقول الحقيقة عن الغرب
-------------------------------
س : فرحت لما عرفت إن حسنى مبارك ما راحش دافوس علشان إرتفاع أسعار الإقامة
ص : هوه إيه دافوس ده ؟ عمالين نسمع : دافوس دافوس ، ومش عارفين هوه إيه بالظبط
س : هوه مؤتمر إقتصادى واللى بيشترك بيدفع مبلغ كبير
ص : طيب إيه فايدته ؟ وإيه إهدافه ؟
س : الله أعلم
ص : النهارده بأقرأ القدس العربى لقيت جمال مبارك مشارك فى دافوس .. إتصدمت - يعنى حسنى مبارك ماعندوش فلوس وجمال عنده ؟
س : يمكن التوريث تم وجمال دلوقتى هوه الرئيس ، ومبارك بقى الرئيس السابق
ص : دول لسه إمبارح بيقولوا التوريث إشاعة !!
س : آه يابلد .. ماحدش عارف فين الحقيقة من الكذب