|
إحنا إللى جبنا دة كلة لنفسنا، قاعدين نطاطى و نفاصل و نسامح عايزين إية غير كدة؟ طول ما إحنا نايمين على الأرض لازم تدوسنا الأقدام. على أهل أسيوط أن يعتصموا فى مبنى المحافظة و هذا أضعف الإيمان، لا فصال و لا مراضية و لا وعود من محافظ أو غيرة كل واحد يتصرف كأن إبنة أو بنتة أو مراتة هى اللى إتخطفت لأن الدور علينا بكرة لو سكتنا النهاردة. أقباط المهجر عليكم و على الإعلام بس محتاجين تقرير موثوق فية علشان ما نطلعش كدابين أو مبالغين فى النهاية و نفقد مصداقيتنا، نفسى أشوف القنوات دى منظمة علشان الأفاعى يعملوا عملة يلاقوا فضيحتهم فى الدنيا كلها تانى يوم.
الأخ يوسف، ما تزعلش لكن إنت شايف الموضوع مش نقطة دردشة الأفضل تشرفنا بمشاركتك فى مواضيع أخرى. لعلم حضرتك مفيش شهر بيعدى بدون خطف أو قتل طائفى ضد الأقباط فى مصر المحروسة. أرجوا إنك و أمثالك من المسلمين المثقفين المعتدلين تعملوا على رفع الظلم عن كل مصرى و بالذات الأقليات المستهدفة من قبل الجماعات المتعصبة لأننا هدف سهل للذئاب و محتاجين صوتكم معنا و لو ماوقفناش ضدهم اليوم جبهة واحدة أؤكد ليك بكرة لما تقوى شوكتهم هيلتفتوا لأمثالك و يكفروكم و يقلبوا مصر كلها لخرابة أكتر ما هى خربانة.
|