[honeyweill]

يالله كلامك رائع يا جون اتمني اننا نكون صحاب اكتر عجبني بجد
كلامك كله مفهوم وصل
ولكن هقدم تعقيب بسيط في كلامك شفته بشكل عام وده من حقك تعمله
وهو نظره كبيره من التشاؤم
وزي مقلتلك معاك حق فيها وكان نفسي متبقاش مدايق كده

طيب
انت قلت اني بتكلم بالعاميه : السبب لاني بكره اللغه العربيه الفصحه وبحب ان تكون الاحاديث بالعاميه المصريه المهذبه
الاعلام المصري : انت كل الي قلته صح بس تاكد ان ماسبيرو لو اصبح يحكمه وهابين زي منتا قلت كانت بقت مصيبه لان الحجاب اصلا ممنوع في التلفزيون
ولو كان الاسلام المعتدل في رايك كل الي انت قلته تبقي كارثه
باثتثناء عمرو اديب هذا البقره الضاحكه الي مبنعتبروش من الاعلام المصري لان دي قناه خاصه
فعلا القنوات المصريه مبتقتربش من المسيحين غير في الاعياد ودي من النواقص الموجوده فعلا كلامك تمام جدا في دي
فيلم بحب السيما شفته ورغم انه مكروه من المسيحين والمسلمين العادين بيتفرجوا عليه كدا وخلاص
لكن ده ملوش دعوه بالاعلام ده له دعوه بالسينما ورغم انه فيلم وقح الا ان في افلام تانيه كتير بتظهر المسيحيه بالخير
وصدقني رغم ان الفيلم كده لكن ربه ضاره نافعه .. عمل حاله من الحوار والجدل خرجت كلام كتير وعرفت الناس لا ده في مسيحين هيرفضوا وان مصر مش مسلمين بس
الاغاني الكليب الدينيه ... فعلا اصبحت موضوه عند كل المغنين المسلمين منهم بس السبب في ده ان مصر مفيهاش مطربين مسيحين
التقصير مش من المسلمين
التقصير مسيحي صدقني يعني 12 مليون مفيش واحد فيهم عايز يغني ويبقي مطرب ويدعم دينه باغنيه ولو كل كام سنه
المنتجين مفيش منتج مسيحي يعمل فيلم يظهر فيه المسيحيه يعني يوسف بك شاهين مفكرش يعمل فيلم كده يساعد بيه في اظهار صوره الشعب المصري المسيحي
يا جون افهمني المسلمين منهم معتدلين وغير كده او الوسط الفني الي اغلبوا مسلمين ( بالاسم زي كتير) مش هيستنوا لما المسحين يقدموا عمل علشاشن يقدموا هما كمان ( القطار لاينتظر )
مايكل منير ربنا يحفظهولي ولكل الي بيحبه قالها احنا عايزين نخلي المسيحين يشتركوا عايزين نحركهم نقربهم من السياسه والعمل في بلدهم بدل مهما منكبين علي الاقتصاد فقط فيما معني كلامه يعني