[Mirage Guardian]

أنا أصدق الخبر عندما يقبله عقلى..

هذا الخبر بصيغته المنتشرة يشبه بالنسبة لى حكايات إشهار الاسلام المزيفة.. تستطيع اكتشافها لو فكرت قليلاً فتجدها غير منطقية..

- دخول الشرطة الكنيسة ودوسها على الحمل ده كفيل بإشعال فتنه ولازم تحصل حوادث قتل واستشهاد لأنه لن يسكت كل مسيحيو الكنيسة وجسد المسيح تدوسه الأقدام حتى ولو قدام مليون مدفع رشاش..

- شعب أسيوط تحديداً صعايده.. يعنى مش بتاع تجمهر لحماية الكنيسة.. يعنى بتاع أخد حقى بإيدى.. لو حدث مثل هذا الخبر المشتعل لما استطاعت الشرطة السيطرة على الوضع وأسيوط سابقاً فى قرية "ساحل سليم" لم تستطع الشرطة السيطرة على الوضع فقام الجيش المصرى بقصفها بالطيران ثم دخولها بفرق القوات الخاصة.. خبر زى ده كنت هاتلاقى الأسايطه تانى يوم حارقين نص جوامع أسيوط.. وإذا كانت الحكومة بتسكت على خبر كنيسة مش هاتسكت على خبر جامع أو حتى زاوية

- شخصيات الحادث التى من المستحيل ان تجعله يمر بهدوء كالنسيم مثل الأنبا ميخائيل ومصطفى توفيق

تلك أشياء لا يقبلها عقلى حتى لو اجتمع الانس والجن أن يأتوا بمثلها

ناهيك عما سمعته من الزملاء العقلاء بأن صاحب الخبر ليس من الأعضاء القدامى بل سجل خصيصا وبياناته مضروبه.. هذا بخلاف صمت الأحداث وعدم موافاة المنتدى بالجديد فى هذا الموضوع.. وعندما طلبنا مزيد من التفاصيل لقيت كوبى/بيست.. ولما المعارضة عليت طلع الخبر سليم بس الحته دى مش مظبوطه.. لا استنوا شوية في هنا حته كمان لكن الباقى سليم

هوه سؤال ورد غطاه...

حد هنا من الإداره أو السادة الزملاء شاف حاجة بعينه أو يعرف حد شاف حاجة؟؟

طيب بلاش دى..

حد هنا متحمل مسئولية الخبر ده رسميا (ويكون من مصر مش من الخارج ومستوفى الأهلية) يدينى اسمه وعنوانه وبيناته ويقابلنى وأنا فى خلال 24 ساعة هاوصله بأمن دولة أسيوط (الشعبة)

من الآخر... مش عايز كلام فى الوسع لأن مافيش حاجة جايبانا ورا غير "لعبة التليفون الخربان" دى.. إما أقول ايوه شفت أو أعرف واحد شاف أو يقول أنا متحمل المسئولية رسمياً وتبعية البلاغ الكاذب وإزعاج السلطات

أرجو ألا أضطر للرد على هذا الموضوع مرة أخرى
تحياتى