|
من ساعة مادخلت الإنترنيت وأنا بأتسآل : إيه السبب إن جريدة تحط النسخة بتاعتها للمطالعة المجانية وتحرم نفسها من ثمن النسخة .. لأن كون الناس ممكن تقرأ الجريدة على الإنترنيت مش هيشتروها
ومن كام يوم جريدة الشرق الأوسط إبتدأت تحط روؤس المواضيع فقط علشان الناس تشترى الجريدة ، وده تصرف منطقى
-----------------------------------
من زمان وأنا منبهر من كلمة مثقف .. وإن كان معناها ملتبس لأنها بتستعمل مع ناس غير واضحة هوية ثقافتهم
يعنى فيه ثقافية عربية ( أدبية ) الشعر والتاريخ واللغة
وفيه ثقافية إسلامية ( قرآن وأحاديث وفقه )
وفيه ثقافة أوربية سياسية ( العلمانية والديمقراطية والحرية )
وفيه ثقافة أوربية علمية ( طب - هندسة - إلخ )
وفيه ثقافة كنسية ( الطقس والألحان )
وفيه ثقافة مسيحية ( الكتاب والحياة المسيحية )
وفيه ثقافة قبطية ( اللغة - التاريخ - الفنون )
لكن حالياً كلمة مثقف بتطلق على كل من أخذ طرفاً من مجموعة علوم وثقافات مختلفة دون أن يكون متعمقاً فى ثقافة محددة فالكلمة أصبحت تعنى وضعاً مائعاً وغير واضح
|