[afanous]

فعلا أنا اتعصبت وأنا أسف على كده، ودي الأسباب اللي خلتني أخرج عن شعوري:
1. ixos رد رد مؤدب في اعتقادي ولا يستحق الكلام الآتي من انطون رفعت:

المشاركة الأصلية بواسطة antoon refaat

"انا ممكن اتصرف مع اللي زيك تصرفات مهينه ليك"
"لو هتقدر تفيدني فيدولو مش هتقدر ياريت لو تقعد ساكت "

أنا شايف أن الكلام ده أقل ما يوصف به هو البلطجة. أنا مش شايف أن ixos غلط عشان الكلام ده يتوجه له. ولو رجعتم لردود بقية الأعضاء هتلاقوا أن الكتير منهم حتى شك في كون انطون مسيحي بسبب أسلوبه. وأنا بصراحة متفرقش معايا مسيحي أو مسلم، طالما الشخص بيتكلم باحترام يبقى على عيني وعلى راسي.

2. فعلا زي ما KK قال، أنا موضوع العرب ده بيستفزني. الكنيسة العربية دي لما يبقى فيه عرب مسيحيين. أنما أن مصريين وأقباط ينتموا لشئ عربي فأنا عندي حساسية مفرطة من كده. أحنا مصريين مش عرب وكان الأولى بيهم يسموها الكنيسة المصرية أو الكنيسة الشرق أوسطية أو الكنيسة الناطقة بالعربية. طبعا ده لا يمنع كون المنتدى بتاعهم محترم وكل حاجة، لكن التسمية بصراحة استفزتني.
أما بخصوص رأي حبيبنا نيومان فأنا سوف أقتبس نفس ما قاله مع تغيير بسيط في لون الآيات:

المشاركة الأصلية بواسطة NEW_MAN

5 وكان يهود رجال اتقياء من كل امة تحت السماء ساكنين في اورشليم‎ . 6 ‎فلما صار هذا الصوت اجتمع الجمهور وتحيّروا لان كل واحد كان يسمعهم يتكلمون بلغته‎ . 7 ‎فبهت الجميع وتعجبوا قائلين بعضهم لبعض أترى ليس جميع هؤلاء المتكلمين جليليين. 8 ‎فكيف نسمع نحن كل واحد منا لغته التي ولد فيها‎ . 9 ‎فرتيون وماديون وعيلاميون والساكنون ما بين النهرين واليهودية وكبدوكية وبنتس واسيا 10 وفريجية وبمفيلية ومصر ونواحي ليبية التي نحو القيروان والرومانيون المستوطنون يهود ودخلاء 11 كريتيون وعرب نسمعهم يتكلمون بألسنتنا بعظائم الله‎ . 12 ‎فتحيّر الجميع وارتابوا قائلين بعضهم لبعض ما عسى ان يكون هذا‎ . 13 ‎وكان آخرون يستهزئون قائلين انهم قد امتلأوا سلافة
(اعمال 2 : 5 - 13 )

يا نيومان يا حبيبي فيه فرق بين مصري وعربي، زي ماهو واضح في الآيات. طبعا الروح القدس ممكن يعطي موهبة التكلم بالعربية لكن هل هذا يجعلنا كمصريين عربا؟

على العموم أنا أسف لكم كلكم على نبرة الاحتداد في مداخلتي السابقة.
أنا أسف يا انطون رفعت ومحقوق لك.
اوجاي خين ابشويس.