[afanous]

المشاركة الأصلية بواسطة Mrs 2ana 7or

ممكن سؤال

المسيحيون من بلد مثل الاردن وجذورهم من تلك البلد .... مش عرب ؟؟

لانى سالت احدهم وقال ان جذورنا من شبه الجزيرة العربيه

ارجو تاكيد او نفى المعلوما رجاءا

نوفري تامنريت تينيف أنا حر،
1. أولا مفيش حاجه اسمها "جذورهم من الأردن" لأن زي ما مدرس العلوم السياسية بتاعي في الجامعة كان بيقول:
Jordan is the most artificial country in the world
بمعنى أن الأردن ديه مش أكتر من حتة أرض جم البريطانييم من أقل من 100 سنة وراحوا رسمينها على الخريطة وعاملينها دولة وأدوها لواحد صاحبهم كان ساعدهم في حربهم ضد الأتراك.
2. بعض من مسيحيي الأردن أصلهم من عرب الأنباط، وتسمية عرب هنا معناها بدو مش معناها من الجزيرة العربية. والكتير من مسيحيي الأردن أصلهم من مسيحيي فلسطين وسوريا، ومنهم كمان مسيحيين أصلهم من مدن رومانية زي بترا (تقع داخل حدود الأردن حاليا). وده بالظبط زي بدو الصحراء الشرقية وبدو الصحراء الغربية وبدو سيناء اللي موجودين في مصر من آلاف السنين واللي معروفين في تاريخ المسيحية باسم "البربر" أو "العرب" ومش معنى كده أنهم عرب من الجزيرة العربية، لأن بدو الصحراء الغربية حاميين افريقيين زينا وامتداد لأمازيغ ليبيا وشمال افريقيا، وبدو الصحراء الشرقية امتداد لبدو سيناء، وبدو سيناء معظمهم ساميين لكن ليس لهم علاقة ببدو الجزيرة العربية (طبعا كلامي من منظور ما قبل الاحتلال الإسلامي لمصر، لأن بعض عرب الجزيرة العربية استوطنوا مصر مع دخول الإسلام واختلطوا بالبدو اللي كانوا موجودين أصلا في صحراوات مصر).
3. للأسف الكتير من مسيحيي العراق والأردن وسوريا ولبنان واسرائيل/فلسطين وبعض من مسيحيي مصر لا يجدون غضاضة في تسمية نفسهم "عرب" وذلك لاعتبارات لغوية ولالتباسات تاريخية، وده اللي أنا بحاربه. يعني اللي يقول "طالما يتتكلم عربي يبقى أنت عربي!" طبعا بالمنطق ده يبقى أنا كمان فرنساوي عشان اتربيت على تكلم الفرنسية، وتبقى سودا صاحبتي برضه فرنساويه مش سنغالية، وتبقى كاترين صاحبتي ألمانية مش نمساويه، ويبقى خوليو صاحبي من اسبانبا مش من كوستاريكا! يعني منطق معوج!
وللأسف "رواد الوحدة العربية" في آخر قرنين كانوا من مسيحيي الشام وفلسطين، وبالنسبة لهم الموضوع مش حساس قوي لأنهم ساميين زي العرب واليهود ولأن لغاتهم الأصلية (السريانية والأرامية الخ) لغات سامية شبيهة باللغات العربية والعبرية، عشان كده بالنسبة لهم موضوع عربي ده مدعاه للفخر وسبيل للانتماء لمحيط سياسي وجغرافي أوسع، وده قي رأيي جهل مدقع بتاريخ نضال جدودهم ضد العروبة والاسلام.
أما احنا كأقباط فاحنا مصريين أفارقة ولسنا ساميين. قد يكون دخل فينا دم سامي أو اوروبي، ولكننا نبقى في النهاية اثنيا ولغويا وتاريخيا وثقافيا مصريين ذوي أصول افريقية، وأنا لا أقبل أن يتم مسح قرون من حضارتنا لصالح شعب لم يوجد في التاريخ إلا بعد 3000 سنة على الأقل من التاريخ المدون لمصر.
علالا يكون كلامي يشجع على تعلم اللغة القبطية عشان نستعيد مصرنا ومصريتنا.
اوجاي خين ابشويس.