26-03-2006
|
|
|
المسيح هو الحل
إقتباس:
|
المشاركة الأصلية بواسطة سقراط
عزيزي الراعي
ألست ترى معي أن كلامك مثالي أكثر من اللزوم
ومين فينا يقدر يعيش الحياة المسيحية بحذافيرها ؟؟
|
معاك حق يا سقراط
أنا متفق مع كلامك 100/100 بدون أدنى شك
لأن مفيش إنسان على الأرض يقدر يعيش الحياة المسيحية بحذافيرها
الحياة المسيحية صعبة جداً على كل إنسان بيحاول من تلقاء ذاته إنه يعيشها
فيه شخص واحد فقط على الأرض هو اللي قدر يعيش الحياة دي
الشخص ده هو المسيح نفسه
اللي وقف وقدر يقول قدام الكل
من منكم يبكتني على خطية ( يو 8 : 46 )
أنا متفق معك تماماً إن الإنسان باستمرار فاشل في علاقته مع ربنا
والكتاب المقدس نفسه بيشهد عن كدة
الجميع زاغوا و فسدوا معا ليس من يعمل صلاحا ليس و لا واحد ( رو 3 : 12 )
يعني بالبلدي مفيش فايدة في الإنسان مهما حاول يوصل لربنا
لكــــــــــــن
الله في رحمته لما شاف الإنسان عاجز عن الوصول ليه
أخد هو المبادرة ووصل للإنسان من خلال عمل الفداء بالصليب
يعني كل المطلوب من حضرتك
إنك تعترف إنك إنسان خاطي ومستحق العقوبة
وتؤمن وتصدق إن المسيح دفع فيك دمه على الصليب
علشان يفديك ويعطيك مش بس حياة أبدية في السما
لكن كمان حياة أفضل على الأرض
أما أنا فقد أتيت لتكون لهم حياة وليكون لهم أفضل
( يو 10 : 10 )
طيب من الآخر يعني إيه المطلوب ؟؟
إنك تصلي بصدق وتسمح للمسيح يدخل حياتك وينور قلبك
لما المسيح يدخل حياتك ساعتها بس ممكن تعيش الحياة المسيحية
وده لأن المسيح هو اللي هايعطيك القدرة انك تعيشها بالطريقة الصح
زي ما قال الرسول بولس
مع المسيح صلبت فاحيا لا انا بل المسيح يحيا في
فما احياه الان في الجسد فانما احياه في الايمان
ايمان ابن الله الذي احبني و اسلم نفسه لاجلي
( غلا 2 : 20 )
صدقني الموضوع بسيط وسهل جداً
بس أهم شيء يكون فيه رغبة حقيقية من القلب أني أتبع ربنا
الله يعطينا نعمة علشان نرجع إليه ونلجأ له في هذه الأيام الصعبة
الراعــي
|