|
اولا : كلمة طز دى مين اللى قالها؟
قالها مرشد الاخوان المسلمين فى مصر والمدعو "مهدي عاكف" ... اذن ما الغريب فى ذلك؟
يقولون "لو خرجت العيبة من أهل العيب، ماتبقاش عيب"
ثانيا: لو برنامج محترم استضاف احد الضيوف المحترمين واثناء النقاش قال كلمة "طز" يبقى ايه الوضع؟ طبعا هانقول إما ان البرنامج ده كوميدى او ان الضيف ده مختل عقليا او انه لايعى مايقول وده فعلا اللى حصل ... لما يجى ضيف ويقول "طز" فى البلد اللى تحميه وتأويه يبقى قليل الادب وغير جدير بالجنسية التى يحملها او انه كان شارب حاجة وكان مبسوط شويتين وعموما اذا كان ده مستوى تفكير من يدعى انه "مرشد جماعة الاخوان المسلمين" يبقى ايه حال باقى الاخوان؟ واذا كان مرشد الاخوان لايرى اى عيب فى ان يحكمه اندونيسى او فلبينى فلماذا يحاربون ويتقاتلون للوصول الى الحكم؟ وبعدين ايه حكاية الجنسية الاسلامية دى؟؟؟ لا والله جديدة.
اما مبدأ قتل "من يقول طز فى مصر" فهذا ليس بغريب لانهم يحكمون بالقتل بنفس الطريقة التى يحكم فيها الحكم فى ماتش كورة فحياة الانسان ليس لها قيمة عندهم والمثال هو هؤلاء الارهابيين الذين شاهدنا اشلائهم فى الجرائد فحياتهم لاتهمهم وليس لها اى قيمة فما بالك بحياة الاخرين؟؟ وما بالك فى قيمة مصر بالنسبة لهم؟؟ اذن لاغريب ان يقول زعيم الذقون المتخلفين "طز" بدون ادنى حياء او خجل.
|