[maam_85_maam]

الاستاذ جوزيف انا سبق وقولت لحضرتك ان معلوماتي ضئيله جدا ومقدرش اقولك الحديث دا صحيح ولا مش صحيح لكن بحب اقول لحضرتك اني مش هلتزم بأي نص حد يجيبه مكونش اتاكدت منه بنفسي عشان مفتيش في الي معرفش فيه
دا غير ان انت مش مقتنع بالقران كتاب اصلا
الاستاذ كرم حضرتك هنا فاهمكلمة النكاح على انها ايه بالزبط لكن انا هشرحلك معنى الايه من معلوماتي البسيطه الايه هنا بتتكلم عن الأمه الفتاه الغير حره والمعروف ان العبيد كانوا موجودين على ايام الحبيب المصطفى وهنا معناها انها ملك يمينه يعني محلله له من غير زواج لكن بالنسبه للاجر فهي ملكه اصلا ومش بيديها اجر على اي حاجه وعشان مفتيش زي ما قولت دي معلوماتي البسيطه عن الايه دي
اما عن كوني ارضى بدا فلا طبعا لاني حره والحره تنكح يعني بتتجوز وفي حاله جوزي جابلي ضره او بفرض اني من 1400 سنه وله جاريه ملك يمينه وانا مش حابه ان غيره يشاركني فيه بطلب الطلاق والاسلام امره ان يسرحني باحسان يعني يطلقني بالحسنى انفصال من غير مشاكل وباخد حقوقي المترتبه عليه
هنا مش هطلع عن الموضوع بس استكمالا لنقاشك حضرتك بتقول انا ليه مؤمنه بالتشريع من دون نقاش طيب مانا سمعت زميله ليا بتقول انا متقدملي واحد وخايفه لاني معرفوش صح وخايفه اقع في مشكله اختي ومقدرش انفصل يعني انا هنا مش هقولك ان عدم طلاق المراه من راجل خاين او بخيل او بيسيء معمالتها لانه مفيش طلاق في الدين انتهاك لحريتي لان دا تشريعك وانت مؤمن بيه ومبسوط بيه انت حر وانا مش ملزمه اؤمن بيه
نرجع تاني للمسلمه لو رضيت ان جوزها يتجوز عليها هي حره مريضيتش لها حق الطلاق وانت كغير مسلم من حقك متعجبكش الشريعه دي ومتلتزمش بيها زي تمام وهنا بتيجي الحريه الي بتكلم عليها
الاستاذ نادي ابدا مقولتش انكم بتجبروا حد على الدخول في دينكم لاني من مكاني هنا عمري ما شوفت اي عمليه اجبار وبالتالي مقدرش اقول انا سمعت من فلان رغم اني سمعت فعلا بس انا ليا في الي شوفته
الاستاذ نادي والاستاذه هنا بيقولوا ان كل من اسلم اجبر على دا ونا قولتلك انا مرحتش شفت البنات الي قولتم انهم انخطفوا والي قيل انهم اسلموا بمزاجهم فعلم دا عند ربنا وحده بس انا بقولك على نموذج السيده الي اسلمت هي وبناتها دي شوفتاه بعيني من غير اكراه
ونموذج تاني لطبيب كان بيعالج جدتي اسلم هو وزوجته من غير اجبار ولا خطف ولا تهديد دي النماذج الي شوفتها ولمستها عشان كده بقول بس ان فيه ناس اسلمت بمزاجها
الاستاذه هنا حضرتك بتقولي ان في باكستان فتاه ضريت حتى التشويه لدرجه انها فقدت البصر باحدى عينيها وانا بقولك هنا ان شخص زي دا لو كانت البنت دي في حالها وهو عمل كده فبيطبق عليه حد العين بالعين بس انا مش هجيبلك حديث او ايه بتنبهنا على ضرورة احسان معاملة اهل الكتاب لان حضرتك غير مؤمنه بالقران ولا يصحلي الاستشهاد بكتاب انتي غير مؤمنه بيه اصلا
الاستاذ عبد المسيح هنا انا بقولك كمسلمه من يعتدي بالقول على الحبيب المضطفى انا بعتبره بيعتدي عليا شخصيا وابالنسبه لزميلتي فهي بتحترم الرول المصطفى وعمرنا ماتناقشنا في اي موضوع له صبغه دينيه وسمعتها بتقول اي كلام عن الاسلام او الحبيب المصطفى من الي بسمعه هنا ومن هنا كنت بسال هي الناس الي بتكتب هنا هي نفس الناس الي بنقابلها في الشارع وبيحترموا دينا
حضرتك خوفا علينا عاوز تحررنا من تعاليم الاسلام الي بتحولنا للصفات الي ذكرتها بس انا مثلا مش هقولك انا كمسلمه شايفه ان عقيدتك غلط واني لازم احررك منها لاني مليش دعوى مثلا الهندوس بيعبدوا البقر ومرتضين دا انا مالي هما احرار ومن هنا بقولك ان عقيده وتشاريع الاسلام هي الاقرب لقلبي ومن منطلق الحريه والتسامح يبقى انا حره في الي اخترته ومع احترامي الشديد لحضرتك ومش قصدي اي اساءه فأنا مطلبتش من اي حد يحررني من افكاري لانها ملائمه ليا
بردو هنرجع للاحاديث والايات الي حضرتك استعنت بيها فأنا فتحت المصحف وتاكدت من الايتين عشان كده هناقشك فيهم لكن الاحاديث معنديش مرجع عشان اشوف بعيني
بالنسبه لايتين معناهم انا مؤمنه باللله ورسوله الكريم واكرهت على ترك ديني مش لدين محدد لكن هناك ظالم عاوزني اترك ديني بغض النظر الظالم دا ديانته ايه وبتعرض لتعذيب او هددت بقتل اهلي وخلافه من وسائل الاجبار هنا الاسلام بيسمحلي اني اقولهم خلاص انا تركت ديني لحد مربنا يكف اذاهم عني او اسيب المكان دا والجا للامان وقلبي من الداخل مطمئن بالاسلام لان الايمان في القلب مش في الكلام
لكن بالنسبالي لو الامر متعلق بيا لوحدي ومش هيلحق الاذى باي حد من اهلي او اي حد بحبه هفضل على اسلامي وبفضل الشهاده على ترك الاسلام
بشكر حضرتك على الصفات الي منحتهالي بس انا زعلت من حضرتك على قولك اني معرفش الاسلام صح انا فعلا موصلتش للدرجه الكافيه من العلم وزي مقولت معلوماتي بسيطه بس صدقني في كل يوم بعرف عن الاسلام حاجه بتزيد قناعتي بيه ممكن حضرتك تقول دي معتوهه او مبتفهمش بس انا حره في موقفي دا
في الاخر شكرا لكل من رد واتكلم واتناقش في الموضوع وهدانا الله جميعا