|
نعم يا إنجى ؟؟
تسامحى مين ؟؟!!!!
وعار إيه اللى إنتى بتتكلمى عليه ؟؟
إيرين دى فى عمر أختى الصغيرة ، وعمرى ما كنت هاتعامل مع أختى بالطريقة دى مهما كان الأمر ...
ماليش دعوة بتقاليد عيلته ... يروحوا كلهم فى ستين داهية ... إنتى عارفه يعنى إيه بنت عندها 13 سنه تتقتل ؟؟؟
طيب ... حطى نفسك مكانها ... كنتى ترضى يتعمل فيكى كده ؟؟!!!...
البنت دى لو كانت عايشه فى بلد بتحترم حقوق الإنسان كان أخوها ده إتسجن مدى الحياة ..
لكن للأسف ... إيرين إتولدت وعاشت فى بلد إسمها مصر ...
بلد فيها ناس عندها إستعداد تسامح واحد قتل طفلة صغيرة علشان حملت من غير زواج ...
وبعدين ... إيه اللى إنتى بتقوليه عن زواج المسيحية من غير المسيحى ؟؟؟
بصى يا إنجى ...
لو عايزين - كأقباط - تاخدوا حقوقكم .. لازم تنسوا إنكم مسيحيين لما تتطلعوا من باب الكنيسة ..
الجواز والطلاق دى أمور مدنية ...
زى أى معاملات تانيه ...
وما لكيش حق تربطيها بأى شريعة دينية ...
أما لو كنتم عايزين الدنيا تولع أكتر وتقوم حروب أهلية وتلاقوا نفسكم مضطرين تهاجروا فإتعلموا من المسلمين وتطرفوا زيهم ...
يقولوا المرتد يتقتل ... قلدوهم ... زى الأخ أبو دم خفيف اللى كتب التعليق الأولانى عايزكم تعملوا ...
يقولوا ما ينفعش واحدة مسلمة تتجوز واحد مش مسلم ... إعملوا زيهم ...
يعتدوا عليكم ... بهدلوهم ...
بس ياريت بعد كده ما تيجوش تشتكوا للناس اللى بره وتقولوا إن إنتم مضطهدين لأنكم فى الوقت ده هتبقوا أمام العالم كله طرف فى صراع ... وهو ده اللى المتطرفين الإسلاميين عايزين يوصلوله ...
قلدوهم علشان تختفوا زى ماليهود إختفوا من مصر ...
آخر تعديل بواسطة الخواجه ، 26-03-2007 الساعة 02:14 AM
|