|
بصوا بقه ...
الناس اللى بيتكلموا عن الزنا والعلاقات الغير مشروعة والبنت المخطئة وإنها هتخش جهنم ... وتوعدهم ليها بالعذاب ... الخ ... عايزهم يسمعونى شوية ...
مجتمعنا مافيهوش ثقافة جنسية سليمة ...
الجنس حاجة بشرية ... زى الأكل والشرب ... لو كبتها هتتعب ...
الجنس سلاح ذو حدين .... متعة ... ومسؤلية ...
وبما إننا بشر ... عندنا عقل ... أو المفروض إن إحنا عندنا عقل نستخدمه ... توصلنا لأساليب تجعلنا لا نتحمل مسؤلية جراء الفعل الجنسى إلا إذا أردنا ذالك ...
بمعنى ... أننا يمكننا أن نعيش حياتنا بحرية ونمارس الجنس مع من نجد توافق معهم فى مرحلة معينة من حياتنا دون أن نتحمل بالضرورة مسؤلية نتيجة ممارسة هذا الفعل .. إن أردنا ذالك ..
وبما إننا عايشين فى مجتمع متخلف ... بيبص للجنس على إنه وسيلة لزيادة النسل وتعمير الأرض وخلفة العيال اللى مش هيلاقوا فرصة حياة كريمة بسبب إن إحنا بنحب نبقى كتير .... حرمنا الجنس خارج إطار وضعنا أنفسنا فيه هو إطار المشروعية الإجتماعية ... أى حرمنا الجنس خارج إطار الزواج .... وفرضنا على كل إمرأة غير متزوجة أن تكبت رغباتها الطبيعية .. حتى يطرق إبن الحرام ( الزوج ) بابها ويشتريها بفلوسه من أهلها .... بغاء مقنع يعنى ...
إيرين ... فتاة مراهقة ... إنساقت وراء رغبتها الجسدية الطبيعية التى لا يحق لى أن ألومها عليها .... ولكنها كانت ضحية لهذا المجتمع المتخلف الذى لم يعلمها كيف تمارس الجنس بطريقة آمنة ولا تتحمل أية تبعات ناتجة عن ذالك ...
ولو أتيحت لإيرين الفرصة لدراسة مادة التربية الجنسية فى المدرسة ... والتى إعترض عليها من يتشدقون بالدفاع عن شرف المجتمع الذكورى العربى المنهار ... لما حدث لها ما حدث ... ولما حملت من غير زواج ... ولما أثيرت كل هذه الضجة ...
لوموا أنفسكم وإبعدوا الدين عن حياتكم .... لإنكم بكده بتحطوه فى مكان غير لائق بيه ...
لو كنتم عايزين تحافظوا على قداسة دينكم بجد ... فخلوه فى قلوبكم ... مش هاقولكم ما تؤمنوش بأى كائن وهمى .... لكن خلوا إيمانكم داخل قلوبكم مش مجرد مظاهر تتفاخرون بها أمام بعضكم البعض ...
آه صحيح ... بالنسبة لأختى علشان أقفل بق كل واحد بيتكلم عنى على مزاجه .... أنا لو فتحت باب حجرة ولقيت أختى نايمه مع واحد صديقها ... هاعتذرلهم وهاقفل باب الحجرة تانى لإنى دخلت من غير إذن ... وهاعتبر مافيش حاجه حصلت .... لإنى مارضاش إن حد يعترض على سلوكى الجنسى علشان أعترض على السلوك الجنسى للآخرين ....
وما لا أرضاه لنفسى ... لا أرضاه لغيرى ...
هكذا يكون الإنصاف ! .
تحياتى للجميع ..
آخر تعديل بواسطة الخواجه ، 27-07-2006 الساعة 01:28 AM
|