[الاميره]

المشاركة الأصلية بواسطة waheedezzat

اولا موضوع الاقباط هم الاصل ده موضوع انا مش متفق معاك فية فمصر هي مصر وكلنا مصريين والمسلم اللي يجي مصر يبقي مصري واليهودي اللي يعيش في مصر يبقي مصري مصر متغيرتش وبقت جمهورية اسلامية هي لحد دلوقت مصر
ومش عايزين هجايص
انا مسلم وليا اصدقاء بعتز بيهم مسيحيين لان الشئ الحلو اللي بينا بيطغي علي الشئ الوحش
ولو فكرنا في الاشياء الوحشة اللي بينا محدش هيعيش
خلينا نفكر ولو للحظة وحدة ان احنا عايشين في بلد وحدة
وصدقني اللي حاسس بالاضطهاد ده يبقي مش عايش في مصر

لا ياوحيد( الهجايص) مش فى كلامى أنا كلامك إنت اللى فيه ( هجايص )
أولا : موضوع إنك مش متفق معايا إن الأقباط هم أهل مصر الأصليين فإن ده مش ) كثيرهرأى أنا علشان تتفق معايا فيه أو تختلف ده تاريخ مدون ومكتوب ومعروف للجميع سواء وافت أنت عليه أو لم توافق فهذه حقيقه لا خلاف عليها .. أنت مش دارس تاريخ والا ايه ؟
ثانيا : أنت بتقول ( إننا نعيش فى وطن واحد ) طيب ماهى دى مشكلتنا الحقيقيه إن إحنا عايشين فى وطننا وكأننا غرباء أو ضيوف غير مرغوب فى وجودنا وبنحلم إننا نشعر بأنه لا فرق بين هذا وذاك بسبب عقيده أو فكر وأن الكل يحيوا تحت مظله واحده
وهى مظلة العداله هذا هو الحلم الذى نحلم بيه ومش طايلينه لكن إنت كتر خيرك جيت بكلمتين حلوين صغننين خالص وجعلت الدنيا لونها بمبى وكله تمام كما تفعل حكومتك الرشيده تضع رأسها فى الرمال مثل النعامه وتتخيل إنها فى أمان وسلام .
طبعا ده إسلوب خاطئ وعمره ما يحل مشكله وطول ما أحنا بنقول مافيش مشكله يبقى أكيد مش هايكون فى حل ( ويبقى الوضع كما هو عليه ) ولكننا إذا أردنا الحل فعلا فإننا لابد أن نبدأ بالخطوه الأولى وهى أن يعترف الأخ المسلم بأن لأخيه المسيحى حقوق منقوصه بل ويطالب معه بإستردادها والمساواه بين الجميع بما أننا نعيش فى وطن واحد كما تقول أنت وحتى نستطيع أن نزيل كل الضغائن من النفوس لأنه لن تكون محبه حقيقيه ومن القلب فعلا إلا بوجود المساواه ... فعندما نعترف بوجود المشكله تكون هذه هى الخطوه الصحيحه نحو الحل ونكون إعترفنا فعلا بوجود الجرح ووضعنا يدنا عليه فنأتى له بالترياق اللذى سيطهره ويضمده ويعصبه على نظافه فيبرأ سريعا ... وقتها فقط نستطيع أن نقول إننا فعلا أصبحنا إخوه فى الإنسانيه التى سوف نحترمها جميعا وطالما ذاقت قلوبنا طعم المحبه الحقيقيه والموده والتعاطف فلن نرضى أن نرتد مره أخرى الى الخلف ونحيا كالوحوش التى يأكل القوى منها الضعيف ولا يعترف بحقه فى الحياه ولكننا سوف نحيا كبشر حقيقين ونذوب كلنا حبا فى وطن واحد يأوينا ويحمينا ويحترم كل إنسان يحيا على أرضه ويعطى لكل ذى حق حقه وقتها فقط سنضحى ومن قلوبنا فعلا بكل غالى وثمين فى سبيل رفعة هذا الوطن ونهتف جميعا .
بأن الله محبه
وفق الله الجميع لما فيه الخير وأنعم بالمحبه والتسامح على قلوبنا العطشى لهما