[bemoi]

Servant 5
http://copts.net/forum/showthread.php?t=6155&page=4

وجدت هذا الموضوع يتكلم عن عمل ما هو ايجابى للمجتمع فوضعت رد أدعو الناس للتبرع للـ"للغلابة من الأقباط الذين يعانون الظلم والإضطهاد ويعيشون فى القرى والنجوع" فوجدت ادارة المنتدى تحذف هذا الرد. فهل هذا من منطق؟

سيدى الفاضل أنا و لا مولود فى بقى معلقة دهب و لا حاجة و كلامك "لذلك لاترى ولا تسمع ولاتعانى مايعانيه هؤلاء الغلابة" ضايقنى فأنا أقوم بخدمة هؤلاء الناس بصورة دورية (حى الزبالين - المنيا - بولاق أبو العلا) و لقد رأت عيناى و سمعت أذناى ما هو حتى أكبر بكثير مما يقال فى هذا المنتدى من ظلم و اضطهاد و لكننى رأيت المسيح يتمجد فى الناس الغلابة دول و قد ايه لما بيسمعوا عن القديس أبانوب اللى لما كان صغير و اتعذب كل ده و مع ذلك فضل فى قلب حب و سلام المسيح بيكونوا نفسهم يبقوا زيه (فيهم نفس السلام الداخلى اللى كان جواه وقت الأزمات) أنا عشت مع واحد كان ينام هو و البقرة فى حجرة واحدة لأن ليس لديه حظيرة يضعها فيها، و كان أول حاجة يعملها الصبح يصلى صلاته المعتادة "أشكرك فى كل حال و من أجل كل حال و على كل حال"

ما تفتكرش انى عايش بعيد عن اللى بتتكلموا عنه، على العكس جداً جداً

بس الخدمة مع الناس دى هيا اللى علمتنى أقول "اننى أعمل من أجل مجد المسيح و ليس من أجل مجد أى شئ آخر، لا سعياً للسلطة و لا الشهرة و لا منصب و لا وظيفة، مجد المسيح هو هدف أى مسيحى"
و صدقونى يا جماعة لما أقول أن البكاء على اللبن المسكوب مش هيرجعه تانى، خلينا عمليين، جايز جه الوقت اللى ربنا بيوصنا فيه رسالة بتقول "روح أخدم بإسمى، و لا تخف فإنى معك" لأن الكلام و الكتابة مش هيجيبوا فايدة من غير عمل ايجابى مننا احنا مش من مسئولين. نبتدى بنفسنا و مين أدرى جايز بعملك البسيط مع أحد الأشخاص توصله رسالة أكبر و أقيم بكتير من أى موضوع يقراه"
يا جماعة ده اللى أنا عايشه و بشوف الناس بتعيشه، مئات و مئات من الشباب بيروحوا خدمات فى ملاجئ و دار مسنين و حى الزبالين و القرى و حتى السودان، الموضوع مختلف قوى، أنا شخصياً بحس بسلام داخلى رائع لما بأشوف ابتسامة على وجه أحد الأيتام نتيجة لعبة لعبها أو نكتة سمعها، و هوا ده سلام الرب المسيح "سلام الرب أمنحكم، سلام الرب أعطيكم"

سلام الرب يكون مع جميعكم
آمين.