مؤتمرات و ندوات و فنادق فى زيورخ و مواقع و صراااخ
أستفدت انا منها إيه ولا حااااااااااااااااجة
أنا مواطن قبطى بسيط معرفش لا أقرأ و لا أكتب و حتى لو أعرف معنديش انترنيت
هستفاد إيه و حتى لو عندى أنترنيت هدخل و أصرخ و أقفل الجهاز و أروح انام و انا بحلم بوظيفة أو انهم يعطونى حقى فى الكلية و أصحى أتخانق مع أبويا علشان فاتورة التليفون جات غالية علشان البيه " اللى هو انا " بيدخل يتدلع على النت مش هم دول معظم أخواتنا الأقباط
------
علمنا إيه ؟؟
-----
* مفيش دعم سياسى من اقباط المهجر لأى عمل سياسى حقيقى فى مصر و يرفضوا التعاون مع اى حزب حتى لو كان متوافق مع أيديولوجية و مصالح الأقباط
* لا يوجد أى تمويل حقيقى لفقراء الأقباط الذين يتوجهون الى الأسلام حتى يستطيعوا ان يستروا اجسادهم و يسدوا جوعهم " ملحوظة أصلى الأباء الكهنة مش فاضيين اليومين دول بيحتفلوا بعيد جلوس البابا "
* لا يوجد أى نية فى إقامة مشاريع أستثمارية ضخمة من قبل أقباط المهجر بالتعاون مع مستثمرين أجانب مثلا لتشغيل الأقباط و تحسين مستواهم المعيشى
* لا يوجد اى دعم تعليمى من أقباط المهجر فكم مدرسة أفتتحها أقباط المهجر فى مصر او حتى صعيد مصر ؟؟ و ماذا عن إقامة جامعة مصرية بتمويل من أقباط المهجر تضم كل الأكاديميين و المجتهدين الأقباط الذى تم طردهم او عدم قبولهم فى الجامعات المصرية ؟؟
*لا يوجد حتى الان فضائية قبطية !! و كان من الأولى أنهم يعملوا لنا حتى إزاعة عرجة بدل كل المؤتمرات دى
-------------------------------
إحنا لسه بدرى علينا و المفروض اقباط الداخل مينتظروش أقباط الخارج اللى إيده فى الميه مش زى اللى إيده فى النار و يا أقباط الخارج أقول لكم :
تعاطفك وحده مو كفاية 
__________________
مصر بلاد المصريين
|