شعر عاوز له ملحن !!
http://kimit-sagi.blogspot.com/
الموقع "بلوج" السياسى الثقافى للحزب المصرى الليبرالى
يــا قـلـبـى
يا قلبى يا للى أنكوى فى عز الصبا بأحزان
عاوز تطول النجوم بعد ما فات الأوان !
شايف السما بتزول و مجد كان يا ماكان
شمسك تغرق فى نيل و ليل غشيم و جبان
***
يا قلبى يا تايه وسط بلاد فارس
لا ليك عزوة تسندك و لا حارس
و تشوف الخريف بعنيك فى عز مارس
هما يقولوا بخ و أنت تقول حابس !
***
يا قلبى يا تايه وسط بلاد الروم
جابو لك ريح و يا سحاب و غيوم
و عنيك وسط الضلمة تحلم بالنجوم
تتمنى رب السما يرفع عنا هموم !
***
يا قلبى يا تايه وسط بلاد العروبة
تشوف النار و الحطب فى عز طوبة
من كتر الدم اللى سال قعادك دا أعجوبة
حالك عدل يا قلبى فى دنيا شقلوبة !
***
وسط الرمال و عايش ميت فى غيبوبة
ضحكوا عليك بصبية عجوزة كركوبة
فى الحب خيبانه و فى مص الدم لهلوبة
يا قلبى يا محبوس وسط بلاد العروبة !
مهندس : شادى أنسى حليم عجوة
عضو مؤسس بالحزب المصرى الليبرالى – مدينة أسيوط
shadyonseyagwa@yahoo.com
__________________
مصر بلاد المصريين
|