[RittA]

المشاركة الأصلية بواسطة avamina30

الموضوع كله متفبرك لسبب ان فعلا لو فيه بنات رضيوا انهم ياخذوا 400 جنيه لتصويرهن بهذا الشكل المهين هم فعلا كذلك....
وبعدين دى مش اول مره تتهاجم من قبل الصحف والفضائيات لانها ظهرت فى حلقات على دريم تتحدث عن العادات السريه لدى الشباب واحضرت شيوخ مسلمين للاستوديو وكانت فضيحتهم بجلاجل وهاجموها بعدها ........
معتقدش ان شخصيه ناجحه زى دى تفبرك حلقه من الممكن تمحو اسمها تماما.....
وبعدين بتوع المحور مش معاهم اى دليل وايه يعنى البنات اللى معاهم دول !!!!!!
هل اصبحت شهاداتهم ذات قيمه !!!!!

أنا برضه من ساعة الموضوع دا ما سمعته وانا بقول وبسأل نفسى . إيه اللى يخلى بنات محترمة تقبل انها تطلع ويقولوا على انفسهم انهم بنات ليل حتى ولو كانوا هيدوهم 10000 جنية كمان ..

ياجماعة الدمعتين اللى طلعوا دمعوهم امام الشاشة دول هما اللى يجعلوهم كاذبين مش هالة سرحان .. لأنهم لو هما بنات شريفات فعلاً ماكانوش يقبلوا على انفسهم اللقب دا - دا بنات الليل انفسهم اعتقد ما يحبوش يسمعوا اللقب دا ولا يحبوا الناس تقول عليهم كدا إيش حال بقى بنات عفيفات شريفات حتى ولو كانوا اقنعوهم انهم هيداروا وشوشهم عن الشاشة .. يعنى هما الأهالى ما بيعرفوش بناتهم من صوتهم حتى .. ؟؟

وبرضه انا أويد كلام avamina جداً فى كلامة .. هالة سرحان فعلاً ياما كان ليها مواضيع ساخنة وجريئة جداً ويمكن أكثر من هذا . وحاجات حتى فى الدين الإسلامى نفسة مثل موضوع رضاعة الكبير .. واتكلمت بجراءة فيها .. ليه ساعتها ما اتعملش حواليها الشووو دا كله ؟؟

أه أه . نسيت . اصلها فى المواضيع دى ما جابتش سيرة الشرطة ..

المشاركة الأصلية بواسطة The_Lonley_Wolf

بما ان هالة فضحت الدور القيادى الذى تلعبه الشرطة المصرية فى شبكات الدعارة
تم تهديد الفتيات و اهلهم بالقيام بما أدعوه ضد هالة سرحان
ثم أطلقت السلطات المصرية كـلابها المتمثلين فى سيد على الصحفى فى الأهرام و بشير حسن معد برنامج 90 دقيقة فى قناة المحور و مؤخرا مصطفى بقرة
كدعاية اعلامية لما "قامت" به هالة تجاه هؤلاء الفتيات

و فى هذا تضرب اجهزة امن الدولة عصفورين بحجر واحد:
1- تنتقم من هالة سرحان
2- ترعب اى اعلامى من فضح اجهزة الامن

و التحليل ده يتفق مع سلوك الحكومات المصرية منذ عام 1952 من قمع و ارهاب و تنكيل و اذلال و تعذيب و اغتصاب للشعب المصرى

فعلاً الشرطة المصرية بما وصلت اليه من إنحدار وانحطاط وتدنى فى المستوى . وبعد ان اتفضحوا بما يفعله رجال الشرطة داخل اقسام البوليس وفى مراكز الأمن من تعذيبات وانتهاكات للمواطنين . خلاااص مش عارفين يلموا انفسهم ولا يعملوا كنترول على رأى الناس فيهم . وطبعاً كان لازم يسخنوا من اللى قالوه البنات على التليفزيون فى برنامج هالة . لأنه بكدا تبقى كملت خالص باللى اتذاع عنهم دا .

فاكان لازم يردوا بأى شكل . وطبعاً إحنا عارفين ان الشرطة لو حبت تخلى حد يعترف بحاجة هتخليه يعترف بيها حتى ولو كان هيقول على نفسة انه سفاح بورسعيد وكان شريك ريا وسكينة فى كل جرايمهم كمان هيخلوه يقولها .. عااادى يعنى ..

وجتلهم الفرصة الذهبية على طبق من ذهب فى هذا البرنامج اللى اتجرأ وذكر سيرتهم بس . فا يعملوا ايه ؟ يعملوا ايه ؟ يضربوا عصفورين بحجر . اول حجر يكذبوا هذه التهمة الجديدة اللى تنضاف لملفات جرائمهم وتانى حجر انهم يخرسوا أى لسان يجيب سيرة الشرطة والبوليس ويفكر يفضح أفعالهم الدنيئة من الناحية التانية ..

وكلنا نعرف ما هى وسائل الشرطة المصرية فى نزع الإعترافات من المواطنين حتى ولو كانوا أبرياء ولا ليهم فى التور ولا الطحين ..

مش بعيد فعلاً بل يمكن يكون من المؤكد كمان زى ما قال الزميل لونلى وولف إن يكون ردهم انهم يهددوا البنات بفضحهم أو بأهاليهم او بأى شىء اخر عشان يطلعوا يقولوا دا كل الكلام اللى قولناة دا كان تأليف ومافيش منة حاجة صحيحة واحنا بنات شرفاء ويعيطوا ويدمعولهم دمعتين عشان الحبكة الدرامية . وكــــــــل دا عشان يوصلوا لتوصيل معلومة هامة للناس بإن الشرطة ياعينى مظلومة والناس بتفترى عليها وهما الحملان الوديعة المظلومين دايماً ..

الشرطة ياجماعة لــــــم تجد رداً أبلغ من هذا الرد على اللى اتذاع عنها وبعد ما اتفضحوا . لأن بسكوتهم لكل من يتجرأ عليهم بالطريقة دى كانت هتبقى هيصة بقى وكل من هب ودب يقول الشرطة الشرطة .. كان لازم يقفوا وينطحوا . قال يعنى عشان يثبتوا انهم ابرياء من كل الاتهامات اللى ياحرررررام بنفترى بيها عليهم ..

عالم عاوزة الدبـــح والأعدام حــــرقاً ..