[Tarnema]

المشاركة الأصلية بواسطة princepino

سلام ونعمة

اولا الموضوع ممتاز بس فعلا يبقى السؤال نبدأ منين وده اللى يستحق النقاش قبل اى تصويت


سلام ونعمه Tarnema

لم تقم بعرض فكرتك او اقتراحك على كيفيه البدايه وكيفيه تفعيل الفكره على ارض الواقع
الرب يبارك حياتك اتمنى من الجميع مناقشه الفكره مع الاصدقاء والاقارب والمعارف وان يكتبوا لنا كافه الافكار لنستفيد منها الرب يبارك حياتكم امين

سلام ونعمة عذرا للتأخير فى الرد يا برنس

اظن ان موضوع التعصب فى العمل الان استشرى فى مصر ببشاعة وزى ما قال الاخ بولس هناك عديد من الشركات التى تحظر علينا كمسيحين العمل واحب اضيف عليهم
** مطاعم جاد فى الاسكندرية
** سوبر ماركت اولاد رجب بجميع فروعه كان لهم حادث شهير مع الفتيات المسيحيات
** سوبر ماركت المحمل
**محلان السلام شوبنج سنتر
**محلات ( التوحيد والنور) مش متاكده من الاسم صراحة بمصر الجديدة

اعتقد لو خدنا فعلا خطوة المقاطعة كخطوة اولى يبقى ماشيين فالطريق الصح
بس نصمد لان على سبيل المثال محلات مؤمن بتفقع لما بشوف واحد مسيحى بيطلب من عنده وتلاقى ردود سلبيه يقولك يا ستى خلاص يعنى هى جت عليا انا يعنى وهكذا اعتقد لو المقاطعة خدت شكل عام حيكون ليها تأثير فعلا

بالنسبة لتحكم الكهنة فى الشعب
سامحنى بس هنا انا اقول العيب مش على الكاهن العيب على اللى اداله مساحة تدخل كبيرة فى اموره الشخصية
يا عزيزى بقى طبيعى دلوقتى نلاقى ناس تعتمد فى اختيار العريس او العروسة عالكاهن !! ونلاقى بيتاخد رايهم فى كل كبيرة وصغيرة وحتى الامور الشخصية جدا وده مش صح وبامانه ومحدش يزعل حاسة اننا بقينا بنقلب على اسلوب المسلمين اللى حتى دخول الحمام مدخلين فيه دينهم وفتاوى شيوخهم فيه
الكاهن مهمته رعوية ايوة وكلنا بنحتاج مشورتهم من حين لاخر بس مش كده مش للدرجة دى...

بالنسبة للمسيحين اللى مش بيمدوا ايد المساعده لاخواتهم
خلينا واقعيين شوية ونقسم الموضوع
فى مسيحين جبناء فعلا ويخاف يساعد قبطى زيه يقولك ده متعصب للمسيحين وينضر فممكن يتعمد يئذى القبطى قال بقى يعنى الواد محايد!! ودول انسى ايدك منهم والارض لان جبنهم حاكمهم ومش بيتشطروا غير على الضعيف اللى زيهم
وفى شركات ماسكها مسيحين ودول بيحكمهم البيزنس بس يعنى اللى مصلحته معاه انشالله يكون بيعبد حمار مش مشكلته
ولو جاله قبطى بشهادته وغيره بشهادة احسن منه مش حيراعيه عشان ده قبطى ودول ناس عمليه ومقتنعين بان السوق ومتطلباته مالهاش علاقه بالدين ودول منقدرش نوبخهم او نقول انهم غلط !
وناس تانيه رجال اعمل يوم ميحتاجوا شغل يجروا على الكنيسة ويحطوا اعلان بوظائف خاليه ودول طبعا ليهم كل الشكر ونتمنى يزيد عددهم
اظن يا برنس كوننا نحط رجلنا على الارض ونبطل نحلم حيساعد كتير فى تقبلنا للامر الواقع
واعتقد الفئه الاخيرة لو بتشوف تشجيع من الكنيسة ممكن نلاقى اعدادهم تزيد وتكتر وكله لمصلحة الشباب القبطى اللى طالع عينه من الاضطهاد فى بلده

دى مشاركة بسيطة وحتابع الموضوع للتعليق اكثر

وربنا يكون معاكم كلكم