|
هو احكي لكم قصه قصيره من الي قابلته في حياتي
شاب من العريش كان معايا في الكليه وكان من اظرف الشخصيات الي عرفتها في حياتي وشكله جميل ومهندم ومحترم جدا بالاضافه الي انه كان اقرب منه للعلمانيه رغم انه كان بيصلي صلاه المسلمين
وبعد فتره من الكليه كان كل يوم يجي يفوت عليا في شقتي وانا قاعد مع اصحابي ويحكيلنا علي الي حصله انه اتبعتله في امن الدوله ومديريه امن اسكندريه وراح هناك لقي العسكري بيقوله انت جيت يا يهودي
الواد اتصدم قاله انا يهودي ؟ انا مصري
قاله انت اوسخ من اليهود
رد قاله الله يسامحك
تخيله يكون رد العسكري ايه ؟
اكله بالقلم علي وشه .... تخيل انت انسان محترم تاكل بالقلم علي وشك
ومن مين من واحد ميسواش تلاته تعريفه
فرد قاله بصوت عالي وغضب انت بتضربني ليه ؟ وبدأ يهاجمه ويزق العسكري
الواد بيحكي علي الي عمله فيه الظابط شيء يخلي الجسم يرتعش
كنا قاعدين بنسكر ويسكي ومزه وكده صحابي يعني قاعدين عندي وده دخل علينا وحكلنا !!
من الحكايه كلنا فضلنا نعيط ونشتم في مبارك والحكومه والنظام
ده قبل معرف المســـــــــــــــــــــــيح له المجد طبعا
المهم ان الولد دخل عند الظابط وهو متنرفز قاله انت جاي هنا بزعبيبك يا ابن المر المت............... وقام نزل فيه ضرب لحد ما الولد اتكسر وفضل يبكي
حققوا معاه لمده اربع ساعات وسابوه
جيه حكالنا وخليته دخل اخد شاور سخن ونام عندي وصحينا الصبح الولد عينه في الارض مننا مكسوف حاسس انه مش مننا حاسس انه مش مصري وللعلم في اتنين مسحيين كانوا من الشله قاعدين معانا
ولكن الولد حاسس انه بجد مش مصري لانه بيعامل علي انه فعلا مش مصري
وقالي كلمه بيني وبينه تاني يوم ان اخته اغتصبت في القسم وداروا علي فضيحتها
بعد ما الامن هددهم وجوزوها لابن عمه وعيت قدامي خلي دموعي تنزل غصب عني
ساعتها عرفت ان في حاجه اسمها اضطهاد في مصر وكل ده ومكنتش لسه عرفت حاجه عن البلاوي السوده الي شافوها وبيشوفها الاقباط لكن افتكر ان مينا كان قاعد معانا فضل يشتم في الحكومه ويلعن وكل المسليمن العاديين الي قاعدين فضلوا يقولوا دي حكومه معفنه والملام الي انتوا عارفينه
لكن انا اتصلت بعد ما عرفت الرب بفتره بالولد ده وكلمته علي اني مسلم عادي او محكتلوش علي حاجه
عرفت انه دخل الجيش وقالي انه فضل في الجيش لمده 8شهور وخرجوه دواعي امنيه
ولما سألته ليه قالي كل السيناويين خرجوا دواعي امنيه بعد طبعا ما اخد لفه حلوه علي مديريات الامن يتعمله فيش وتشبيه ومات من التعب خرجوه من الديش دواعي امنيه بيقولي انا فرحت انهم خرجوني من قرف الجيش حتي زيميلي كانوا فرحانين ونفسهم يخرجوا بس دواعي امنيه دي كل ما تحصل مصيبه يبعتوا يجيبيوك
ومتعرفش تخرج بره مصر ولا تعمل اي اجراءات يعني تحديد اقامه
ومن يومها ما اتاحتليش الظروف اني اكلمه لكن انا عارف انه اتبهدل في ايام تفجيرات شرم وبالذات طابا
انا ما بقولش عليهم ملائكه في من الي خرجوا دواعي امنيه كانوا دخلواغزه لما فتحوها
شويه في منهم بيغلطوا لكن مش كلهم وزي ما ك ك قال وكمان مش كلهم ملائكه ومش كلهم شياطيين
ومحدش عارف برده الصح فين لكن مهما كانوا مش من حق المصريين يعملوا فيهم كده مش من حقهم
مش من حقهم
مش من حقهم
سلام
آخر تعديل بواسطة honeyweill ، 11-05-2007 الساعة 02:48 AM
|