[honeyweill]

اسم البرنامج: نقطة نظاممقدم البرنامج: حسن معوضتاريخ الحلقة: الجمعة 1/7/2005



ضيف الحلقة: مايكل منير (مرشح الحزب الجمهوري – ولاية فرجينيا)
حسن معوض: مشاهدينا الكرام سلام من الله عليكم ورحمة منه وبركات. مرشح قبطي لبرلمان ولاية فرجينيا الأميركية يُعرف بدينه وليس بقوميتيه، من يدعمه داخل الحزب الجمهوري الأميركي؟ أوَليس نشاطه في مجال قضايا الأقباط هو الذي قربه من صانعي القرار الجمهوريين؟ وهل سيوظف موقعه الجديد في خدمة قضايا الأقباط أم القضايا المصرية بمجملها؟ وأخيراً هل ما زال يعتقد بأن تدخل الخارجي يمكن أن يحل قضية محلية؟ هذه الأسئلة وغيرها إذن نطرحها على مايكل منير رئيس منظمة أقباط الولايات المتحدة الأميركية، سيد مايكل بداية يعني في كل الإشارات إليك في سياق ترشيحك لبرلمان فرجينيا يقال القبطي فلان والقبطي كذا وما إلى ذلك لم يشر إليك كمصري أو عربي، هل هذا مقصود؟



هل القبطي تعني المصري مسلم ومسيحي؟

مايكل منير: أنا مش عارف حضرتك مين اللي أشار إليّ كقبطي، لكن لو تشوف الكلام اللي كُتب في وطني مثلاً أو الكلام اللي كُتب في إيلاف أو الكلام اللي كُتب في الجرايد حتى هنا في الولايات المتحدة، كله يقول أول مصري، ما بقولش أول قبطي، وأنا اسمح لي إني أنا أختلف مع المقدمة بتاع حضرتك إني أنا بعرف ديني، مش بقوميتي، أولاً كلمة قبطي معناها مصري ملهاش أي معنى ثاني، فإذا كنت بعرف بالقومية أو بكلمة فهي كلمة أجدادي، وأعتقد ثلاث أرباع في الأماكن كل المصريين يتفقوا أن كلمة قبطي تمثل كله مسلمين ومسيحيين.حسن معوض: طيب ولكن هل توافق بأن الترجيح في كلمة قبطي هو للتمييز عن المسلمين في مصر، أليس كذلك؟مايكل منير: ده الوقت الاستخدام بتاع كلمة قبطي من بعض الناس هو يفرق أن دول اللي هم المصريين المسيحيين من المصريين المسلمين، لكن المعنى بتاع الكلمة ما هو إلا أنه المصري كلمة قبطي مش معناها أي حاجة غير أنها هي مصري. حسن معوض: طيب سيد مايكل يقال بأنك على علاقة وثيقة في الواقع بعدد من كبار رجال الحزب الجمهوري الأميركي وحتى القادة القدامى، من مِن بينهم يعني خصك بالدعم والإسناد لهذا الترشيح؟مايكل منير: أنا عايز أقول لحضرتك حاجة، السياسة في أميركا ماهياش زي في الدول العربية، مش أنك أنت تعرف مين؟ علشان كده تبقى إيه؟ خصوصاً في الانتخابات، لأنه الانتخابات دائماً بيقولوها أنها هيه والترشيحات يقولوا أنها هي انتخابات محلية وليست ناشونال يعني، فحتى إذا كنت أعرف رئيس الجمهورية ورئيس الجمهورية كان عايزني أترشح مش رح يقدر يقول للحزب بتاع فرجينيا أنه هو لازم يرشحني، ده تيجي من الشعب نفسه، فأنا ترشيحي ما جاش لأني أعرف قيادات بارزة في الحزب، ده صح إني أعرف قيادات بارزة في الحزب وده مش حاجة عيب يعني بالعكس إحنا نتمنى كل الإخوة المصريين اللي هم لهم معارف بالقيادات البارزة في الأحزاب المختلفة، بس ترشيحي جاء بناء على كذا نقطة مهمة، أول حاجة كفاءتي الشخصية، إنما يدورا الحزب علشان يرشح أحد يبقوا يختاروا حد لبق، حد يقدر يقنع الناخبين بالبرنامج الانتخابي، لأن الحزب مش عايز يرشح حد يسقط في الانتخابات؟حسن معوض: طيب، ولكن سيد مايكل، هل توافق مع من يقولون في الواقع بأن الحزب الجمهوري الذي رشّحك لخوض هذه المعركة الانتخابية في الواقع ربما اختار لك مهمة مستحيلة، ما يقال بأن يعني السيدة التي سوف تتنافس معها في فيان واتس في ولاية فرجينيا في الواقع يعني حتى الحزب الجمهوري لم يجرؤ في الماضي على أن يقدم مرشحاً ضدها لأن المقعد مضمون لها أولم يُوكَل إليك مهمة مستحيلة الحزب الجمهوري؟مايكل منير: لا أعتقد ده كانت معلومة خاطئة، لكن فيه محامي سابق ترشح قدامها مرتين في الدائرتين الانتخابيتين اللي فاتوا، وعمل مجهود كويس وهي كسبت بحوالي 2% بس من الأصوات، بالنسبة اللي هي وضعها، هي طبعاً وضعها كبير لأن هيّ كانت وزيرة المواصلات، وأنو هيّ لها في الحزب في المقعد بتاعها عشر سنين، بس ده مش معناه أنها هيّ مستحيل أن هيّ تُهزم بل بالعكس الانتخابات كلها هنا في أميركا مليانة صاعدين كثار غلبوا الموجودين.