[honeyweill]

سر اختيار الحزب الجمهوري لمايكل
حسن معوض: سيد مايكل يعني السنوات التي مضت عليك منذ انضمامك للحزب الجمهوري يعني نفهم بأنك انضممت إليه عام 1998 من القرن الماضي يعني في عمر الزمن هي فترة قصيرة، هل تعتقد بأن مثل هذه الفترة القصيرة في عمر الزمن قد أهلتك لمعرفة المشهد السياسي المحلي الأميركي على الأقل؟مايكل منير: هو زي ما قلت لحضرتك عشان تترشح في حاجة محلية لازم تشتغل، فأنا كنت عضو فعال في الحزب وكلمة عضو فعال معناها إني أنا كنت بحضر اجتماعات الحزب، كنت بساعد المرشحين في الحزب في خلال السبع سنوات اللي فاتت دول أنهم هم ينتخبوا، كنت بطلع أشترك معهم في حملات انتخابية، كنت أتعامل مع الجمهور في الشارع وده حاجة مالهاش دعوة بالقضية القبطية خالص زي ما حضرتك عارف، لأن ده حاجة الناس يهمها هنا الضرايب، طريقة حياتها، الجرائم، الحاجات اللي هي لوكل (محلية) يعني.حسن معوض: طيب ولكن في المقابل سيد مايكل ما يقال في الواقع بأن شهرتك ربما في الأوساط العربية أو حتى في الأوساط الأميركية ترجع في الواقع إلى دفاعك عن قضايا الأقباط في مصر بالدرجة الأولى، هل توافق على ذلك؟مايكل منير: ى بالطبع ده حاجة أنا فخور بها، لكن ده مش هيّ اللي خلتني أخذت الترشيح، اللي خلاني خذت الترشيح إني أنا الأيدلوجي بتاعتي، الأفكار بتاعتي بتتماشى مع الحزب الجمهوري، والحزب الجمهوري لاقى أنه هو عنده فرصة أن شخص ناجح وصل أميركا أثبت نفسه في مجال العمل العام، وأثبت نفسه في مجال العمل الشخصي، لأني أنا رجل أعمال وبشكر ربنا بالنجاح اللي أنا بعمله، ما لهاش دخل بالشهرة بتاعتي والعمل بمجال الأقباط. حسن معوض: طيب، ولكن سيد مايكل هناك من يقولون بأن أيديولوجيتك الخارجية أو أيديولوجية الحزب في الواقع ربما تتفقان يعني أنت تحكي عن قضية يعني أناس في دولة خارجية قضية الأقباط، وأيضاً على ما يفهم بأن الحكومة الجمهورية في نهاية المطاف أو يعني المؤسسة الجمهورية تنظر نفس النظرة هل هناك اتفاق في الرؤى ربما جعلهم يعني يختاروك مثلاً حتى لقضية محلية هل توافق؟مايكل منير: هو طبعاً فيه اتفاق في الأيديولوجية ده ما فيش خلاف وإلا ما كنتش نزلت رشحت نفسي مع الحزب الجمهوري، كنت رشحت نفسي مع الحزب الديمقراطي مثلاً، لكن هل هم اختاروني عشان كده، لا أعتقد زي ما قلت لحضرتك الثلاث أسباب اللي هما يختاروا شخص عليهم هم كالآتي: هل الشخص ده شخصية ناجحة في مجال عمله حيث أنه يقدر يعطي مثال كويس للناخبين؟ هل لبق؟ هل الشخص ده يقدر يلم فلوس أو يتبرع بفلوسه الشخصية للحملة الانتخابية؟ حسن معوض: سنأتي سيد مايكل إلى قضية الفلوس أو النقود على أية حال، أريد أن أسألك في الواقع هل ستوظف يعني في حالة نجاحك في هذا المسعى في الانتخابات القادمة في فرجينيا - هل من شأنك بالإضافة إلى القضايا المحلية أن توظف هذا الموقع للحديث عن القضية التي تشغلك كما نلاحظ كثيراً وهي قضية الأقباط في مصر مثلاً؟ أم أنك ستحكي عن قضية مصر ككل الدولة؟مايكل منير: أنا عايز يعني أوضح فكرة لحضرتك إني أنا قضية مصر ككل كدولة هي القضية اللي تشغلني مش بس الأقباط، بالطبع القضية القبطية هي في مقدمة عملي لكن القضية القبطية ما هي إلا جزء من قضية مصر ولو تلاقي إني أنا بتكلم دائماً أنا بتكلم عن الديمقراطية، بتكلم عن الحرية، بتكلم عن عدم وجود حرية أو مساحة في العمل السياسي، كل ده حاجات قضايا في مصر، الصحافة المصرية تكتب من طريقة معينة، وهي إني أنا بتكلم بس عن قضية الأقباط بس لو فيه ديمقراطية في مصر فده كويس للمسلمين والمسيحيين. حسن معوض: ولكن المطلع على مواقعك على الإنترنت سيد مايكل يعني لن يخفى عليه بأنك فعلاً يعني همك الرئيسي هو الأقباط، أليس كذلك؟مايكل منير: هو ده حاجة أنا فخور.. لا بالضبط ده حاجة أنا فخور بها لأني أنا تقريباً حياتي كلها مكرّسها للعمل القبطي وده حاجة أما فخور بها لأن القضية ده هي قضيتي وقضية أجدادي.حسن معوض: سيد مايكل منير، أريد أن أعود إلى النقطة التي ذكرتها فيما يتعلق بالقدرة على جمع الأموال، في الواقع يقال بأنك ربما كنت ثاني شخص ضمن يعني صحيح أنني كنت على خطأ ضمن الحزب الجمهوري في الواقع، يعني جمعت كمية من المال فيما يتعلق قضية انتخابية، يعني من أين هذا المال؟مايكل منير: كلهم من الأصدقاء يعني، الأصدقاء والعائلة، ومعظم الفلوس كلها يمكن لغاية ده الوقت جايه من أقباط في أميركا وده حاجة لو هيّ بتدل على أي حاجة أنها تدل على تشجيع الشعب القبطي كله في أميركا ليّ، وده طبعاً ضد اللي يُقال في الجرائد المصرية أن المنظمات القبطية ده أو الأشخاص الأقباط هم أشخاص يشتغلوا لوحدهم وما عندهم تشجيع من العالم القبطي بل بالعكس أثبتت الحملة الانتخابية ده من غير أن حد كان عايز أو يدرك تشجيع الشعب القبطي فكافة نواحيه في أميركا، وبقولك أن فيه عندنا تقرير ثاني رح نعمله عن الحالة المالية بتاعة الانتخابات رح نعمله الشهر ده وأعتقد.. حسن معوض: ولكن سيد مايكل يعني أريد أن أسال يعني هل حدث مثلاً وحاولت أن تجمع أو تجبي مثلاً أموالاً كما يفعل الكثيرون من المرشحين من جهات مصرية عربية غير قبطية؟مايكل منير: أولاً ما قدرش أخذ فلوس من أي حد برّه أميركا..حسن معوض: أتكلم داخل أميركا.مايكل منير: داخل أميركا أنا أي حد عايز يتبرع يتبرع، وبعدين لسّه إحنا في الحملة الانتخابية فما زلنا نلم فلوس والموضوع يأخذ وقت يعني نبتدي دائماً لعلم علم جمع الأموال في الانتخابات بقولك إنك تبتدي الأول بالأشخاص المقربين لك، أنت عارف إنه هم مش رح يقولوا: لأ ورح يساعدوك الأول بعدين تستخدم الأموال ده إنك تجمع أموال ثاني من الأشخاص اللي هم أبعد شوية.حسن معوض: سيد مايكل يعني مرة أخرى في الواقع هناك من يقولون ونحن ننقل وليس هذا رأينا يعني، هناك من يقولون بأن ربما المصريين من غير الأقباط في ضوء يعني مواقفك ومثلاً مناداتك ببعض المواقف التي سنتحدث عليها لاحقاً تدخل خارجي وما إلى ذلك فيه نظر ربما لن يكونوا سنداً لك في هذه الانتخابات لو كنت تحتاج إليهم، كيف ترد؟مايكل منير: أنا أولاً أقول لحضرتك الانتخابات ده ما لهاش دعوة لأن الدائرة بتاعتي كلها ما فيهاش يمكن عائلتين ما يتعدوش على الإيد حتى الواحدة، يمكن عائلتين أو ثلاثة مصريين بصفة عامة، فالانتخابات ده ما لهاش دخل، مش محتاج فيها تشجيع حد، وإن كان اللي حب أقوله لك أني ألاقي تشجيع كبير جداً من الجالية المصرية بصفة عامة هنا في واشنطن وفي فرجينيا مسلمين ومسيحيين.حسن معوض: طيب سيد مايكل قبل الفاصل يعني في عجالة أنت تحدثت مثلاً عن النقود وإمكانية الطائفة القبطية أو المجموعة القبطية أن تجمع مبالغ هائلة لو أحبت مثلاً في الولايات المتحدة، هل حدث وأن أحد من هؤلاء الأقباط استثمر أمواله في بلده الأصلي مصر؟مايكل منير: كثير أنا واحد من الناس دول, ما هوّ في حاجات الناس ما تعرفهاش وناس تتهمنا بها. حسن معوض: بماذا استثمرت حتى نعرف الناس؟مايكل منير: لأن ده بلدي وبلد أهلي، بعدين أنا إخواتي عايشين في مصر، مامتي عايشة في مصر. حسن معوض: تقول: أنت استثمرت، ما الذي استثمرته؟ أين استثمرت يعني بمصر؟مايكل منير: استثمرت في محافظتي، محافظة المنية وعندي شركة حتى باسمي اسمها شركة مايكل، فلماذا استثمرت لأن ده بلدي وأنا أحب أشوف مصر.. اللي أنا بعمله ده في أميركا ما هو إلا لمصلحة مصر.حسن معوض: إذن هذه في الواقع نقطة وصلت سيد مايكل منير، إذن نتوقف هنيهة مع فاصل قصير ثم نعود بعده إليكم مشاهدينا الكرام