إيه ده ؟ كل الردود دى فى يوم واحد ؟؟!!!!!!!!!
بس أنا للأسف معنديش وقت دلوقتى أقرا كل الردود
بس هرد على أخويا عماد اللى اتهمنى بعدم قراءة الكتب ( اللى بجد )
يا عم عماد أنا اعتمادى الرسمى فى التاريخ هو كتاب تاريخ الكنيسة القبطية لأبونا منسى يوحنا وأظن ان ده كتاب بجد
عموما انت لو قريت الموضوع من أوله هتعرف انى قلت ان صلاح الدين قدم الأرض اعتذارا
بيعتذر ليه؟ لأنه تقريبا دبح نص الأقباط بدون ذنب جنوه الا خوفه من ان يشتدوا ويساعدوا الغربيين فقط
ونحن لا نريد أن نغير وضع احتلال عربى بوضع احتلال غربى
فقلنا من الحكمة يبقى الوضع كما هو عليه وكالعادة لم نتدخل فى أى حرب لأننا غير محاربين ومسالمين ( أظن كده )
وصلاح الدين بعد كده غير فكره نهائى عن الأقباط بل وشجعهم على أن يكون لهم دير فى القدس وأنا بقول امتان لأنه لم يبالى بفرقة البوم الناعق التى تطالبه بذبح الأقباط لكى يدخل الجنة والراجل ادانا حتة أرض وسمح لنا نبنى فيها أدعى عليه يعنى !!!!
الدير مملوك للأقباط ومعانا مستندات أقل شيئ الأيقونات التى ما زالت داخل الدير قبطية وليست حبشية
أيوة الأحباش على ما أعتقد ما زالوا أرثوذكس أصلى معرفش عنهم حاجة من ساعة نياحة البابا كيرلس السادس
لكن انهم يترهبنوا بالدير !! قديمة ما هو دير السريان كان بتاع السريان وسابوه لينا ولو عايزين ييجوا يترهبنوا فيه أهلا وسهلا وأنا لو عايز أروح أترهبن عند الأرمن مش هيعارضوا المشكلة لما يحميهم الجيش الاسرائيلى ويطنشوا كل طلباتنا بارجاع الديرلينا
اسرائيل دولة علمانية ( تقريبا ) ولا وجه مقارنة بين محكمة اسرائيلية ومحكمة اسلامية
فالمحكمة حكمت لنا ولم تحكم علينا شوف بس الجيش مرضاش ينفذ بحجة أبعاد الوضع السياسية
وأخيرا يا عم عماد انت تحاملت علىّ أكتر من اللازم
انت مقرتش أعمال الرسل؟ ولا ازاى شاول كان معاه رسايل لرؤساء الكهنة علشان يسجنوا المسيحيين ولا ما قرتش التاريخ اللى بيقول ان يعقوب بن كلس وصاحبه موسى اليهود فى زمن المعز لدين الله كانوا عايزين يثبتوا للخليفة بطلان المسيحية ولكن الله صنع أكبر معجزة فى العالم ألا وهى نقل جبل المقطم!!!
أنا قصدت بالعصور الأولى للمسيحية بالقرن الأول والثانى الميلادى فقط للتحديد
لازم تقرا انت التاريخ علشان تعرف
وتعرف انى لما أطالب بحق لكنيستى مبقاش بباوى يا أخ عماد
الله يسامحكم يللى بتدّعوا انكم أقباط وتحاربوا مصالح كنيستكم ولا تدافعوا عن مقدساتها
أخوكم على كل حال
ساويرس عبد المسيح