يا أخ عماد أنا معاك فى معظم اللى قلته ما عدا التنازل عن حقنا فى الدير
وبعدين انت كررت موضوع أسلحة فى الدير ممكن أعرف تقصد ايه؟
ثورة البشمريين تأتى من أن عبد الملك بن مروان ( مش فاكر اذا كان اسمه كده ولا واحد تانى ) حجز البابا وبهدله فانضمينا للمقاومة ( البشموريين ) بس علشان نأدبه
أما احتلال مصر اللى تم فى عهد عمرو بن العاص فده ممكن تسأل لو ما احتلهاش كان حصل ايه للأقباط الأرثوذكس وكام سنة كان البابا بنيامين هربان من العالم دى
عموما كله كان احتلال وقهر وذل من أول اليونانيين لحد العرب المسلمين
بمعنى آخر جلدنا نحّس وبقينا متعودين على الاهانات بشكل مريع
نعم مازلنا محتلين ونطالب بقوميتنا ولغتنا القبطية ومدارسنا القبطية وأوقافنا التى لم تسلم لنا حتى الآن
والشهداء اللى ماتوا شهداء وفى مكان تمنى الاستشهاد لنصل اليه راجع رد الملك البار قسطنطين على والى الاسكندرية عندما قام الوثنين بمذبحة تجاه المسيحيين
على فكرة محدش فتح موضوع مدارسنا القبطية دى لحد دلوقتى
أما ردا على الأخ العزيز جدا يوساب
فأنا لما أقول لينا الحق فى امتلاك الدير مش معناه أنى أقول أنا ضد الاسرائيليين الصهاينة وأتوحد مع اخوتنا العرب المسلمين
لأ أقول ان الاسرائيليين خطفوا دير زى ما المسلمين الارهابيين وحكومتهم خطفت حقوقنا وأهدرتها
لازم نبقى ضد اغتصاب حقوقنا مش نقول يا سلام مش مشكلة الدير ده المهم اللى فى مصر
لا نقول احنا عايزين الدير وعايزين حقوقنا اللى فى مصر كمان ونطالب بيها كأقباط
نوقف البعزقة فى كرامتنا شوية لو سمحتم