[kittyy]

لأ لأ لأ مسخرة حكاية ان العلاقات الزوجية عبادة كالصلاة والزكاة دى .. النكتة تشى جتشديدة..

طب ما على رأى اللمبى بقى . نجيبله موبايل وديفودي ونجيبلة صوفيا لورين تصيف عند المساجين أهو تعمل شوية رطوبة فى السجن ..
طب ماهو كدا هيبقى السجين مبسوط ومتكيف وواخد راحتة 24 قيراط ومش ناقصة غير ان كل اسبوع ياخد العيال وامهم يوديهم القناطر ويعزمهم على درة مقلى لزوم الواجبات الأبوية ..
وهذه هى الفتوى القادمة بإذن اللات تعالى -- يعنى هما العيال مالهومش نفس يشوفوا ابوهم ويقعدوا معاه وياخدوا منه النصائح الأبوية ؟ ولا يعنى يرضيكوا العيال تطلع فى اسرة مشتته الأم فى ناحية والأب فى السجن ؟؟؟
صراحة صراحة . فتاوى عسسسسسل ..

وبالنسبة لرأيك عزيزى god save us
فا معلش انا مختلفة معاه جذرياً . صحيح كلامك عن ان المسجون يجب ان تتم مساعدتة لإعادة تأهيلة مرة اخرى دا كلام سليم واننا ونحن بعد مات المسيح لأجلنا ونحن خطاه . وكلنا بنغلط كل دا كلام ماعليهوش اختلاف بين اتنين.
لكن فيه فرق ياعزيزى بين انك تساعد المسجون علشان يتم اعادة تأهيلة وبين انك تعطيه كامل حقوقة وخصوصاً الجنسية وهو داخل السجن يُعاقب على جريمة ارتكبها فى حق المجتمع ..
انا أسفة ماتجيش حضرتك تقولى إن واحد مجرم قتل انسان أو مُغتصب أغتصب أطفال وإتحكم عليه بالسجن نجيبله مراته علشان يفرغ معها شهواته حتى وهو فى مرحلة العقاب داخل السجن . هنبقى كدا مش بنعمل حاجة ..
إعادة التأهيل دا بيتم نفسياً فى هذه الفترة . عن طريق تقريب الإنسان من ربه وتدريبة على الصيام عن الشهوة حتى يُكفر عن ذنبه الذى إرتكبه ويحصل على الصفح والغفران من عند الله قبل ان يحصل عليهم من المجتمع ..
وممكن يُسمح للمساجين ببعض التسهيلات فى امور اخرى مثل تسهيل زيارة اهل المسجون له فى اى وقت . رؤية زوجتة واولادة وابوية مثلا (دى لوحدها قد ايه ممكن تأثر عليه لو هو انسان عنده دم يعنى وهيشعر بالندم انة مش عايش فى وسط اولادة ومع زوجته فى هذا الوقت) ..

أومال احنا عندنا فيه حاجة اسمها صيام ليه ؟ وعند المسلمين كمان فيه صيام . يعنى اعتقد محمد رسول الإسلام قال فى حديث من احاديثة من لم يستطيع الزواج فعليه بالصيام ..!
انا اقصد هنا ان الإنسان اللى بيقضى عقوبة فى السجن مش لازم تكون الدنيا عنده سهلة والحياة مش فارقة كتير جوه عن بره السجن علشان يشعر بعد كدا بقيمة الحرية بعد ما يخرج ويكون ساعتها إتربى وذاق طعم الحرمان الحقيقى اللى هيخليه ما يقدرش يستحمل يرجعله تانى ..

ومعلش يعنى . فيه بره السجن ناس كتير مش لاقية مادياً تتجوز .. بنفس هذا المنطق نقدر نصرحلهم بممارسة البغاء لأنهم ياعينى مش قادرين يستحملوا ضعفهم !!! لأ طبعاً دا السجن بيقولوا عليه تهذيب وتأديب وإصلاح . مفروض يتعملوا بقى جوه السجن انهم يتحكموا فى شهواتهم لأن فى حرمانهم من هذا الموضوع بالذات هو العقاب الأكبر فى وجودهم بالسجن وإلا لما اصبح للسجن معنى إذا اصبح مباح فيه العلاقات الجنسية كمان ..

أنا معكى عزيزتى الحمامة الحسنة فى كلامك . فى ان موضوع الحقوق الزوجية للسجين هذا سيفتح النارعلى الفساد داخل السجون ومعه ينتشر الرشوة والمحسوبية والإبتزاز والهرجلة والتسيب وهتبقى هيصة . وهتلاقى المسجون من دول يدى قرشين للسجانين ويدخلوا اى واحدة بقى على اساس انها مراته وهيبقى بيت دعارة مُرخص رسمى ..

هذا الموضوع إذا حدث ستقل نسبة الشذوذ إحتمال .. ولكن لن تقل نسبة الإصابة بالإيدز نهائياً بين المساجين لأن نسبة الدعارة والسفاح وتسهيل ممارسة الرزيلة ستزيد داخل السجون وبهذا لن تقل الإصابة بأمراض الإيدز كما يظنون..