|
اخواتي الاعزاء
انا افضل ان اسم الموضوع يتغير لكلمة واحده فقط و هي الاستغلال
استغلال الظروف الاقتصادية, الاسرية,التكنولوجية,السياسية
نيجي لأول واحده و هي الظروف الأقتصادية
الاسعار بقت غالية و الاقتصاد في النازل مع ارتفاع نسبة البطالة و الأسرة بقت تفكر بكره ها يكون ازاي هناكول ايه النهارده ها نشتغل كام شغلانه و طبعا الاهتمام بالابناء بيقل
الكبت علي الابناء كبير زاكروا علشان تنجحوا و تخشوا الجامعه و تنجحوا فالبنات بتلجئ لفكره اني اتجوز و اتحرر في بيت جوزي و في ظرف الاقتصاد صعب الجواز لاي انسان مسيحي سوي بيشتغل في الحكومة, و في نفس الوقت يأتي الشاب الي فيه كله غني و معندهوش مشاكل و يكون فيه حاجه واحده بس صغنونه و انه مش من دينها و يصور لها ان الأمر صغير جدا وتقع المسكينة
السبب التاني و هوا الاسرة
و دا مبني علي السبب الأول و لكن فيه حاجات تضاف
الاسرة ساعات بتقلل الحنان للبنت او تكتره زياده عن اللزوم
فتربية الولد مثلا بيقولوا لازم ينشفوا عضمه و لكن البنت تكسر ليها ضلع يطلع ليها مش عارفة كام ضلع
و اسر تانية تقول ندي بنتنا كل حاجه و ندلعها
فيا اما تطلع البنت محرومة حنان و يأتي اخينا الشاب الي علي غير دينها بكل الحنان و الحب و يكسب الزبونة
او في حالة ان البنت متدلعة, بيجي الشاب و يورلها انه راجل بجد ابن بلد يقولها اعملي و ما تعمليش و يبقي قدامها الشخصية الي نفسها تكون في والدها و طبعا لبسها ها يكون اساس تاني ان الشاب يوقعها
العامل التالت التكنولوجيا و انفتاح الحدود و المسافات
فالشابة مثلا تقعد علي النيت او اي وسيلة تكنولوجيا حتي الموبايل تلاقي انسان بيكلمها عن انقطاع الحدود و العولمة و كل شئ و ان العالم الحديث لا يهتم بالديانات و الكلام المعسول و برضوا الاقتصاد فتقع المسكينه برضوا
و الأخيرة هيا الظروف السياسية
او بمعني اخر الحكومة كعامة الي بعد كل الظروف الي فوق دي كلها و عند الزواج بتسهل المهمة و تخلي الشاب يعمل عملته من قبل ما حتي يعرف اهالي المسكينة
حتي في الخارج يأتي الشاب ايضا للمساكين الاجانب بشتي الحيل
مش علشان لبسهم برضوا و لا طريقة حياتهم و لكن بيشوفوا النقص الي في حياتهم و بيحاولوا يسدوا الفراغ
من كام شهر كنت في مطار عام و كنت قاعده بتكلم في الموبايل مع اخويا و كنت بقوله و اهزر معاه و اقوله انزل مصر علشان تخش الجيش, بعد المكالمة جه شاب جلس جنمبي و قالي حضرتك عربية قلتله ايه انا مصرية, فقالي انا سمعت المكالمة و انا اعرف شركة تطلع اخوكي من الجيش قلتله الشركة دي تبع هنا و لا هناك
فقام من جنمبي
بيحبوا يشوفوا اي ثغرة و يدخلوا ليها
الموضوع مش في مصر بس بل في كل الدول مع استغلالات اكثر
مريم
|