[انا الخاطئ]

انا من مصر و عايش فى منطقة شعبية
و انا عارف ان فى مضايقات من بعض المسلمين للمسيحين
و تصل أحيانا لحد الخناقات الشديدة
و نادرا لما تصل الى حد القتل ( الاستشهاد ) بسبب الدين
بس انا مازلت عند رآيى ان فى مسلمين محترمين فى البلد دى
و انا عارف بردوه ان مشاعر كل مسيحى اتهزت بعد شوية حوادث بسيطة مثل الكشح و حوادث الزاويا و حوادث الاسكندرية . بس انتوا زعلانين ليه بلدنا فيها مجانين كتير الحكومة بتقول كدة
كل ما واحد مسيحي يقتلوه يطلعوا و يقولوا اللى قتله مختل علقيا و غير مسئول عن افعاله
بس صدقونى بتبقى حاجات دمها خفيف أوى لما مثلا واحد فى الشارع يقولك يا مسيحى و بحدفك بطوبة ساعتها تنطبق الايه فعلا ( طوبى لكم أذا طردوكم و عايروكم ....... ) او بنت و هى ماشية فى الشارع واحد يعكسها بأسلوب اسلامى و يقولها ( انا هاسبيكى و هاتبقى جاريتى مثلا ... ) أو مثلا لما يرجموا واحدة علشان بقت مسيحية ذى ما حصل فى بور سعيد مثلا ... يا جماعة دى حاجات عادية جدا و حوادث عابرة مجرد تفريغ للكبت اللى فى الشعب الناتج عن الظروف الاقتصادية و الاجتماعية يعنى انا مش عاوزكم تشيلوا هم خلاص بأذن الله المسيحين هيفضلوا ذى الفل طول ما قوات الامن بتعمل اللى عليها و زيادة شوية
و يجى فى الاخر الدكتور يقول ( ضحينا بالام و الجنين و قتلنا الاب و الجد و الجدة ) علشان الممرضة تعيش . دا الطبيعى بتاع مصر لا جديد