في الحقيقه انا اسفه جدا اني اقول ان الاستفتاء ده فيه شئ من الخيال شويه يمكن ده لان كل مسيحي وقبطي في مصر وحتي خارج مصر بيتمني يشوف البلد دي وهي حالها متصلح من كل النواحي
لكن برضو انا معاكم جدا في ضروره التفكير والترتيب للمرحله الجايه اللي واضح جدا انها هاتكون صعبه جدااااااااااااا المصريين كلهم بلا استثناء مسلمين واقباط حاسين انهم في مفترق طرق
لكن اغلب نقاط الاستفتاء بتتكلم عن قوي عسكريه وطلب الحمايه من الغرب وامريكا
وعن دوله قبطيه مستقله (انا مش ضد الفكره دي ) لكن تعالوا نتكلم بشئ من المنطق هانسيب اراضينا وبيوتنا ازاي ؟؟؟؟ هانسيب اديرتنا وكنايسنا ومقدساتنا لمين؟
اعتقد اننا لو اخترنا جنوب مصر للدوله القبطيه المستقله دي فده هايكون ظلم كبييير لاقباط الشمال وكمان الكنايس واديره الشمال والاثار القبطيه الموجوده في الشمال هاتروح فين ؟؟؟؟؟؟والعكس صحيح
ده جانب الارض والممتلكات وفي الجانب الاخر
قيام دوله مستقله يلزمها العديد من الامكانيات (الاقتصاديه والسياسيه والاجتماعيه والقانونيه والحربيه الخ........)فهل الاقباط لديهم كل هذه الامكانيات؟؟؟؟؟؟؟؟؟؟؟؟
اما بالنسبه للخيار الاخر وهو الاستنجاد بامريكا ودول الغرب
اعتقد ان امريكا اتعلمت درس مهم جدا في العراق !!!!!!! ده اول جانب اما الجانب الاخر فاقتصاد امريكا حاليا لا يسمح باي مجازفه من اي نوع (حرب) حتي لمحاربه الارهاب الذي فشلت في القضاء عليه في افغانستان والعراق .!!!!
كمان اختيار ان الاقباط نفسهم يدافعوا عن نفسهم ده غير واقعي وغير متاح ومستبعد تماما
لاكثر من سبب اولا دي مش طبيعه الاقباط (حمل سلاح ) حتي للدفاع عن نفسه
ثانيا هاندافع عن نفسنا من مين بالظبط ؟؟؟؟
الحل الوحيد فعلا اللي شايفاه منطقي الي حد ما الاختيار الاول وهو انها مش فارقه مبارك زي الاخوان . (وان كنت اري بعض الاختلاف).
اعتقد اننا في حاجه ملحه جدا اننا نطالب بحقوقنا في الوقت الحالي بلا اي تاجيل وسن قوانين تضمن لنا حقوقنا وده برضو هاييجي بالضغط الخارجي علي الحكومه المصريه الحاليه . حتي لا نجد انفسنا فريسه لكل من هب ودب وخصوصا ان اول انتخابات رئاسيه كانت عباره عن مهزله (كنا اضحوكه للشعوب) اعتقد ده بجد الوقت اللي لازم كل قبطي يضم صوته وناخد موقف جدي عن طريق تقديم طلبات لمنظمات حقوق الانسان ويكون موقع من اقباط مصر كلهم (افتكروا معايا موقف سعد زغلول )
ويتبعت منه نسخه لكل من يهمه الامر وكل من يريد الوقوف بجانب بشر لا يريدون سوي حقهم في الحياه وفي والوطن وفي حريه الاعتقاد .
ودي هاتكون خطوه مهمه وعمليه جدا جدا واعتقد ان صداها هايكون عظيم جدا جدا .
الرب يبارك حياتكم ويعطيكم روح الحكمه
اعتذر للاطاله
صلوا لاجلي
لؤلؤه كثيره الثمن
