سمعت قصة وانا صغير من أبونا في الكنيسة بتقول ان مرة كان واحد اتحاصر بمياه كثيرة في وسط فيضان واتعلق بشجرة وهيموت ولا محالة لانقاذه وهو بيصلي بيطلب من ربنا انه ينقذه جاله مركب وطلبوا منه انه ينزل عشان ينقذوه رفض وقال ربنا هينقذني ، جاتله هيلكوبتر وقالوا له تعالى هننقذك رفض وقال ربنا اللي هينقذني ، ولما مات غرقان سأل ربنا : يا رب انت ما انقذتنيش ليه؟!! ، ربنا قال له : انا بعتلك المركب والهيلكوبتر!!

ليه ما نستخدمش منظمات حقوق الانسان والدول المتحضرة اللي منتظرين اننا نرفع صوتنا ونعلن عن الظلم؟!! ونعتبرهم يد الله القادمة لانقاذنا؟؟؟
غريب قوي الاخوة اللي بيقولوا نصلي وبس !! احنا مش ملايكة عشان نصلي وبس لازم مع الصلاة عمل والا نحن غير مستحقين لأي شيء
بيفكروني بأحد الأباء القديسين لما طلب من أحد الرهبان انه يعمل معهم في ضفر الخوص ، استكبر وقال أنا راهب أنا أصلي فقط ، وحينما جاء وقت الطعام ، لم يقدموا له شيء ، سأل لماذا؟ أجابه الأب القديس : اذا كنت تصلي فقط فأنت من الملائكة ولا تحتاج للطعام الذي يحتاجه البشر مثلنا!!
حقوقنا مش هتيجي على طبق من الفضة بالصلاة بس لازم نعمل ونرفع شكوانا الى قيصر لأنه ترتيب موضوع من الله لفائدتنا .
ربنا معانا كلنا
ساويرس