[elmafdy]

نكته قديمه قريب ها تصبح حقيقه . . .

واحد صعيدى لسه راجع من الحج , المذيعه قابلته فى المطار و بتسأله عن الأخبار , قال لها : الحمد لله الحج كان كويس و النظام كان ممتاز و كل حاجه متوفره و المواصلات مريحه و الحج عموما كان هايل , و انا من مكانى هنا بأنصح اى واحد عاوز يروح يحج انه ما يروحش غير السعوديه .

كانت نكته قديمه و بنضحك عليها على اعتبار ان عم الحاج الصعيدى بيتكلم عن الحج كأنه مصيف او رحله ممكن تكون فى اى مكان .

بس الظاهر قريب ها نسمع كده بجد

خصوصا ان سمعت ان مصر كمان بتفكر تعمل كعبه فى سيناء , بعد العريش و انت جاى من طابا على ايدك الشمال , ورا بنزينة موبيل اللى هناك .

بيقولوا ها يعملوا أتنين , واحده هايله خمس نجوم و فيها بيسين , و التانيه رخيصه و بسيطه للفقراء والغلابه اللى مش معاهم فلوس يروحوا السعوديه .

ربنا هو الشافى

المفدى