[Kyrillos]

المشاركة الأصلية بواسطة avamina30

يا استاذ كيرلس انا متفق مع حضرتك خلاص نفسى مهم لكن عوائق خلاص النفس كترت واللى يحزن اكتر ان العائق نفسه ممكن تكون سلطه روحيه
بص حضرتك لمحاكم التفتيش او مذبحه ليله القديس برثلماوس او حريق ساحرات سالم
او الفساد اللى انتشر بين الفرسان الهيكلين اللى اتنقلو من الجنود الفقراء للمسيح
الى جنود مهتمين بالمال والسلطه.
الغريب ان البعض بيهاجم الغير بضراوه ويصرف النظر عن بلاوينا ومشاكلنا
على سبيل المثال انا بعترض على اسلوب ابونا زكريا بطرس اللى كانت اغلبيه حلقاته تركز على الجنس والنكاح وغيره من الامور المخجله ولا افهم كيف يساهم ذلك فى خلاص المسلمين !! او أسلوب ابونا مرقص عزيز انا مش بقول ان احنا نستخبى ومنحاورش
بس قارن بين اسلوب الشخصين دول وبين شخص رائع زى ابونا بسيط او شخص رائع مثل ابونا مكارى
عرفت قصدى
الكنيسه نفسها ملهاش موقف فى القضايا دى خالص وغالبا بتسيب الناس تعض فى بعضها ومش عارف ليه !
وهرجع واقول فيه أباء كهنه ربنا يبارك فى خدمتهم بجد عشان الناس متزعلش
للاسف الاقباط يميلون احيانا لتأليه الاكليروس

لما بأسيب نفسى أفكر فى الأمور دى بأتعب أكتر منك ..
يعنى مثلاً النموذج المشرق اللى بتتكلم عنه وهو أبونا مكارى أنا ليا تحفظات عليه أكتر من تحفظاتك على أبونا مرقس وأبونا زكريا .. مثل الشو اللى بيحصل بتاع اخراج الشياطين وتصوير المرضى وفضحهم على الانترنت كل أسبوع.

المشكلة مش فى الناس دول ، المشكلة انى أنا اللى وحش وبأفكر كتير ، علشان كده قررت أنى أمشى بنظام ربنا يسهل لعبيده وإنى أنا أضعف من كل هؤلاء وليس لى أن أتجاسر وأنقدهم وخللينى فى صلواتى وقداسى واعترافى وقراءاتى الروحية وربنا يعيننى على آداء واجباتى الروحية الأول قبل ما نشطح لبره لأنى شايف فعلاً ان الوقت مقصر جداً.