[papanoiel]

المشاركة الأصلية بواسطة ameer_c2001

اخي العزيز PAPANAOIEL سلامي لك ولكل من اهتم بموضوعي .

لا تعتقد اننا اقباط الناصره لا نعرف ما يدور في مصر من اضطهادات فنحن نرى التميز عبر التلفزيون او عبر الاباء الكهنه او المصريين الموجودين في اسرائيل .
ولا ننسى ابداً الموقع القبطي الذي نحن موجودون به والمساهمه الكبيره والجهود التي يصنعها الاخ الرفيق الكلي الاحترام مايكل منير ورفاقه .... بدونهم لما سمعنا عن كل هذه الخروقات والمضايقات , واقولها لك ولغيرك اصابع الايدين مش زي بعض , الكثير من الاقباط احياء بالجسد ولكن احياء في الروح . اعلمك اني لا يمر يوم تقريباً ولا ادخل الى هذا الموقع , اتصفح المقالات واقلبها الى رايات , ولا يمر يوم إلا واعلم كل من اراه من قبطي , كاثلوكي , رومي , يهودي , درزي , شيوعي , كافر , محافض والخ من طوائف واديان . بما يحصل لنا من اضطهاد واذلال في ارضنا المغتصبه .
لننهض من الجمود الذي نحن فيه يتوجب علينا ان نضع حد للخونه بيننا وان نطهر انفسنا من الداخل , لا تستغرب ولكن هناك العديد من الفساد الداخلي الذي يجب ان نكافحه .للاسف لن استطيع ان اعطيك معلومات اكثر من هذا ذلك لانه لا اريد ان انشر غسيلنا الوسخ بين الاعداء اما اذا اردت ان تعرف فممكن ان اخبرك ما هي مشاكلنا الداخليه .
اعلم ان اخوتنا في مصر يعانون كثير وليس بمقدورهم ان يتنمردوا على الوضع الموجود , وأنا لا اطلب منهم ان يتنمردوا في هذا الوقت , ولكن اطلب لكل قبطي مهجر ان يقوم بالدعايه الصادقه بين الناس لصالح القضيه القبطيه .
ولنبدأ بانشاء لجنه توعنى بتسيير الشعب القبطي في كل العالم , فمثلاً لا يمكن التظاهر في مصر ولكن ممكن التظاهر خارج مصر . وكسب تأييد عالمي لقضيتنا .

ارحب بالمداخلات والمراسلات عبر الـ MASSENGER

اعاننا الله وظلل علينا بروح حكمه , له المجد الى الابد آمين

أخوكم الخاطئ
ابو القبطي - الناصره

انا اوافقك فى كل ما قلت و موافق عليه... لكن محور مشاركتى كانت بتسال سوال واحد " ازاى"... لو حصل اى شئ من اللى انت قلته ح تبقى سنة سودا و الدم ح يبقى للركب...اللى انت بتفكر فيه دا لا يمكن يحصل فى دولة اسلامية... يمكن يحصل فى اسرائيل لكن مش فى مصر...فيه فى مصر تهم جاهزة تلغى اى تفكير فردى او جماعى او توجه القانون و القضاء
مثلا تهمة التامر... اذا ذكرت كلمة مؤامرة لا احد يفكر ما الادلة او الاهداف و ما هى المؤامرة ذاتها بالظبط... و الصحف النيرونية تفضل تهبهب زى المجانين... و التلفزيون و الكتاب الاستراتيجيين و الافلام و المسلسلات .... و محدش بيبقى فاهم ايه الموضوع بالظبط... لكن كله بيبقى ماشى فى الزفة و ممنوع على اى حد انه يغارض تصريح رئاسى والا تحول الى معارض للرئيس شخصيا... يعنى بعد اى مصيبة يطلع الرئيس المصرى و يقول انه لا يفرق بين مسلم و مسيحى... اللى شاطر بقى يعارض و يقول ان فيه تفرقة... تهمة اخرى اسمها التخابر...التهمة دى معناها انك يا عم ضد امن الدولة نفسها... عارف يعنى ايه امن الدولة... يعنى المحاكمة بتاعتك ح يكون الحكم فيها سياسى ... حتى لو جبت اتخن الادلة و الاثباتات...بتقول تعمل مظاهرات خارج مصر... كويس جدا... لكن الاقباط داخل مصر يتم التعامل معهم بعد ذلك على انهم رهائن... يعنى يا الى برة يسكتوا ياللى جوه يستحملوا الفتنة الطائفية التى لا يعلم مداها سوى الله... فاهم ما احاول ان اقوله... ساعتها بقى العلم عقبال ما يتحرك يكون المسلمين مصمصوا المسيحيين....اكبر دليل على ما اقول ان البابا شنودة يرسل الاساقفة الى بلادالهجر و خاصة امريكا لاسكات الاقباط هناك قبل اى زيارة للرئيس المصرى لامريكا... انا مش عارف دا بيبقى بتعليمات رسمية من الدولة ولا شئ لا يحتاج البابا الى " اشارة" من الدولة لعمله... السادات لما الفلسطينيين حدفوه بالطماطم فى امريكا ايام اتفاقيات السلام مع اسرائيل رجع مصر ينتقم من الاقباط و يعض فيهم و تصادم مع البابا شنودة فى مسلسل انتهى باحداث 1981 ...مش عارف اقوللك اية لكن التحركات الغير مدروسة ممكن ينتج عنها مصائب خاصة ان الدول الاسلامية لا تراعى اى قوانين او اعراف دولية او اخلاقية... وقتها ح يقولوا دى حرب على الاسلام و فى الحرب كل الاسلحة مشروعة...الخ هذا على عكس اسرائيل فهى تحاول قدر الامكان ان تضبط نفسها و تلتزم بالقانون الدولى ... اسرائيل يستطيع الفلسطينيين فيها ان يشتموا رئيس الوزراء علنا فى الكنيست دون اى تردد... يستطيعوا ان يقولوا انهم فلسطينيين داخل الكنيست نفسه... يستطيعوا ان يطالبوا بتفتيش المنشات النووية الاسرائيلية داخل الكنيسيت نفسه... عارف لو عندنا واحد قال ان يطلب استجواب لوزير الداخلية عن احاث تعذيب المسيحيين فى الكشح1 مثلا ايه اللى يحصل ... كل مجلس الشعب ح يتقدم بطلب اسقاط الجنسية عن هذا المتامر على الحدة الوطنية لانة مخلب قط لامريكا!!!!مع انكار لوجود اى شئ فى الكشح1 غير عادى- يعنى التعذيب شئ عادى- و الشرطة قامت بواجبها... تعرف ان احد الكتاب المصريين طالب بتوجيه اعتذار رسمى مع مكافات لرجال الامن فى الكشح1...عارف لية... علشان يستعيدوا ثقتهم بانفسهم بعد حملة التشويه التى شنت عليهم - يا حرام-...عايز اقول ان اذا كانت هذة الامور هى العادية... يبقى اى تهور ح ينتج عنه ضحايا كثيرين... و ف النهاية العالم محتاج مصر علشان هى بتلعب دور فى تليين عملية السلام و الا تفركش المحادثات بين الاسرائيليين و الفلسطينيين و تخللى الجماعات الاسلامية تفضل تفجر البنى ادمين و يقولوا الاحتلال الاسرائيلى سبب تفجر الارهاب فى العالم...ساعتها العالم مش ح يكون فاضى للاقباط و لا غيرهم... و ح يكون صوت الحرب يغطى على ما يحدث داخل كل الدول العربية للمسيحيين ...فاهم انا قصدى اية؟؟؟؟!!!!