[صائد الذباب]

خرج الصياد من عند القاضى يوساب واغلق خلفة باب الحجرة بأحكام ثم نظر لاصدقائة الجالسين حول طاولة مستطيلة الشكل كما كان يفعل فرسان العصور الوسطة <فرسان الدائرة المستطيلة> وكانوا فعلاً يشبهون لحد بعيد روح هؤلاء الفرسان واخلاقهم وسمو نفوسهم وحبهم للخير والعدل والحق ....بل وحبهم اكثر لبعدهم بعض وحبهم الانهائى بروح الصداقة والشرف والاخلاق المسيحية الطاهرة من كل ادران الحاضر المايتة فية الاخلاق والطموح وقوة العزيمة

جلس الصياد ثم قال لفانوس و كاف كاف

الصياد : القاضى اكل ...ونام كمان .....لنكمل الحديث

نظر كاف كاف لفانوس ثم للصياد قائلاً :دلوقتى احنا انجزنا اول خطوة من الخطة وهى خطف يوساب...مع انى مش موافقكم فى موضوع الخطف دة ...

ضحك فانوس رداً على كلام كاف كاف ثم قال فى مرح لا يفشى ما بداخل نفسة من حزن وهم مكبوت طوال سنوات عدة :كاف كاف ياحبيبى بلاش افكارك الدموية دة ...مهما ان حدث بيننا فكلنا اولاد الرب يسوع ومش ممكن نلوث ادينا بدم مسيحى او اى دم حتى اعدائنا ...طلع فكرة الخلاص من القاضى بقتلة من نافوخك نهائياً

نظر الصياد لكاف كاف قائلاً لة فى هدوء : وغير كدة وكدة حتى لو احنا اقدمنا على الخطوة دة هنضيع حقوق البلد كلها وكمان هنعمل من القاضى شهيد وبدل ما نخلص من حكم جائر ونظام عفن متمسح فى المسيحية هنصنع بقتلنا للقاضى الف صنم وصنم لة وساعتها قول يعوض اللة على الكل

كاف كاف : ماشى انا معاكم ...بس أنتم فكرين بخطفة وتعريتة وتعرية نظامة هنرجع الحكم العلمانى للوطن ....ما اظنيش ....

فانوس : طب استنا لما نخلص باقى خطوات الخطة وهنشوف النتيجة اية؟؟؟

كاف كاف : انتم افكركم غريبة وبتعتمدوا على تجربة غير محمودة العواقب ....فهمونى يا ناس المحلول اللى اخترعة وركبة الصياد اكيد هيعمل مفعول فى القاضى ؟؟؟ انا خايف يكون مفعولة ضعيف او يفشل من اساسة....لان القاضى هيشرب المحلول دة وهنتركة لحال سبيلة وهنرجعوة
للمملكة ...فلوا معملش المفعول المرجوا منة خلال يوم او اقل هيوصل لينا القاضى وساعتها يبقى ضحينا بنفسنا اونطة حتى من غير ما نفيد القضية ولا الناس ولا الحرية اللى عايزنها

الصياد : كلامك يا اخى كاف كاف معقول وخوفك فى محلة ...بس دة لو انا مكنتش جربتة قبل كدة
نظر فانوس للصياد بدهشة ممزوجة بالحيرة ثم قال لة : يعنى اية ياصياد جربتة ..هو انت جربت المحلول فى حد ؟؟؟؟؟

كاف كاف : نهارك اسود ياصياد ...مين دة اللى اهلة مستغنين عنة وجربت فية محلولك لاول مرة ؟؟؟..مين ....انطق... مين ؟؟

ضحك الصياد وهو يقوم من مكانة ويأتى بقفص صغير بداخلة فأر أبيض من فأران التجارب
ثم قال لهم : دة هو المتبرع اللى وافق على التجربة

نظر فانوس لكاف كاف ثم انفجر الجميع فى ضحك هستيرى

******************************

غداً التكملة

الصياد