|
كنت بأفكر فى موضوع الإنترنيت أثناء تعطل الكمبيوتر وبعد أزمة حصلت كان فيها 3 بيهاجمونى فى وقت واحد
الإنترنيت وسيلة إتصال لكنه محدود .. يعنى فى المنتديات متوسط عدد قراء كل رسالة حوالى 10 وفى موقع قبطس الأساسى ممكن نلاقى يمكن أكبر رقم لقراءة موضوع هو 5000 ، وقرأت إن إنتشار الإنترنيت فى المنطقة العربية هو 2 % يعنى بيقولوا بوجود 18 كمبيوتر لكل 000ر10 من السكان
ولأن الإنترنيت دخوله مباح وبدون إذن فقد اصبح موطن المتطرفين ( إسلامياً أو مسيحياً أو لادينيين ) .. المتطرف لايجد شركاء له كثيرين فى المجتمع العادى ( الذى يرفض الإتجاهات المتطرفة ) فيجد المتطرف جماعنه على الإنترنيت
والشاب اللى فجر نفسه فى قطر كان بيقعد على الإنترنيت وقت طويل ، وكذلك من فجر نفسه مؤخراً فى الأزهر كان بيتصل بالإنترنيت
والتطرف .. يعنى الناس بتعتقد إنه مذموم ، لكن التطرف فى الحق والخير مطلوب لكن التطرف فى الشر والأذى هو اللى مرفوض
الحكومات يمكن مش ملتفتة قوى للإنترنيت لأنهم عارفين بمحدودية إنتشاره ، يعنى لو متطرف يكتب رسالة ويقرأها 10 .. مش مشكلة
الحكومات يهمها الوسائل المؤثرة فى الناس بقوة فتحتكرها زى التليفزيون والإذاعة فدول أكتر أجهزة مؤثرة لأنها تصل للقارىء وللأمى
وبعدين السيطرة على المدارس لأن المدارس هى معامل العقول والشخصيات فتحب الحكومات إحتكار تشكيل العقول وإتجاهات الناس وإقتناعاتهم
وبعد كده الجرائد الكبيرة اللى بتوزع مليون أو أكتر
وبيسمحوا للمعارضة بعمل جرائد محدودة التوزيع حتى يضمنوا محدودية التأثير والنفوذ ، لأن الجرائد تؤثر فى القراء فقط ولاتؤثر فى الأميين كما أن ليس كل المتعلمين يدمنون على قراءة الصحف
الخلاصة أن الحكومات تحتكر وسائل التأثير القوية والكبيرة
وتترك للمعارضة جرائد محدودة التوزيع
وتترك الإنترنيت للمتطرفين على أساس قلة متابعيه وقلة تأثيره
آخر تعديل بواسطة iwcab ، 02-05-2005 الساعة 04:12 PM
|