|
الموضوع شدني جدا
قبل أي شئ أنتم وحشتوني جدا
أنا مع و ضد الأختلاط في الكنيسة .. أزاي ؟؟
الموضوع كله متوقف علي حسب البيئة اللي جاي منها الأنسان..
أديكم مثل من مصر
في كنائس زي مار جرجس هليوبليس و كثير من كنائس المناطق الراقية في القاهرة و الأسكندرية (زي مار مينا بفلمنج) فيه (كبلز) ثنائيات أمام عيون الأباء الكهنة و مش معترضين ليه؟؟
لأن معظم البنات و الولاد دول متربيين في مدارس محترمة تربية راقية و بيوتهم كمان محترمة و فاهمين المعني الحقيقي للأختلاط و أحترام الجنس الأخر و هنا مفيش مشكلة..
لكن في منطقة شعبية زي حلوان أو كرموز
و قول يا أختلاط ..ماينفعش ليه
عشان الشباب و الشبات معظمهم عندهم كبت و متربيين تربية واطية اللهم إلا القليل
فلما نقول يا أختلاط نلاقي الشباب اللي طول النهار قاعدين علي القهوة بقدرة قادر قاعدين في الكنيسة
و طبعا مش عشان ربنا
أنا بقول الكلام ده من واقع خدمتي
لأني خدمت في كنيستين و احدة في منطقة راقية و أخري في منطقة خربانة
في الكنيسة الأولي الولاد و البنات قلب واحد بيخافوا علب بعض و بيطلعوا رحلات مع بعض .. مثقفيين و روحانيين و لهم دراية كبيرة بعلوم الكنيسة و كتير منهم لما قرر يتجوز أختار بنفسه من بنات كنيستهم اللي أتربوا معاهم مش زي المناطق الشعبية يروحوا يشوفوا خطبة..
مرة كنا في مهرجان من حوالي سنتين كان معايا 30ولد و بنت و 4 خدام 7 خادمات
تتصوروا ألاقي الخادمات اللي معايا بتتعاكس من خدام أحد الكنائس اللي بسميها في مناطق شعبية
بلاش ديه خدوا الأكبر
أولاد و بنات صغيرين من كنائس أخري يجوا لنا (الخدام ) روح كلم تاسوني فلانة عاوزاك و أحنا لا نعرف فلانة و لا علانة المهم حتي تاسونات المناطق الشعبية مش جايين خدمة جايين يعلقوا عريس..
موقف تاني من أحد أجتماعات الشباب في منطقة شعبية
رحت أفتقد شاب أنا و خادم زميلي و عرفت أنه بيروح يحضر في أجتماع بعيد عن الكنيسة و لما سألت عن السبب الولد طلع صريح قال أنه عشان الأجتماع مشترك و البنات هناك حلوة
ما ينفعش أجيب واحد مسلم يحمل في خانة الديانة لقب مسيحي و أقوله له أختلاط
أكيد حيستغل الظروف غلط
أضف علي ذلك أن الكثير من الكهنة و الخدام بيفكروا بعقلية الرهبان (لأن كثير منهم كانوا يبتغون الرهبنة و لما لم يقدروا عليها توجهوا للعمل الرعوي)
و طبعا عارفين نظرة الرهبنة للأختلاط بمعني أختلاط الراهب بالمرأة و هنا أركز علي علاقة الراهب و ليس الأنسان العادي.
تاني حاجة أشمعني ركزتم علي موضوع الأختلاط بالذات.. صحيح شعب بيفكر في نصفه الأسفل علي رأي د. خالد منتصر
فيه مواضيع كثير تانية منها التأثير علي الأنتاج الأدبي الروحي
أحنا لسة عايشين علي تراث الأباء من القرن الأول للخامس..
لكن أنظروا علي الأنتاج الروحي لل14 قرن بتوع غزو الأسلام نلاقي النتيجة أقتربت من صفر و لو فيه حاجة أتكتبت فغالبا سخيفة أو تجميع لأباء ما قبل القرن السادس
فيه كتاب أصدرة الأنبا صموئيل المتنيح عن مخطوطات الأديرة أسمه الطب الروحاني من القرن ال14 لو قرأته تحس أنك بتقرأ لأبن تميمة
لو عملت كذا تصوم كذا و لو عملت أيه تدفع أيه زي الأسلام بالضبط
و أشار لهذا مجدي خليل أن فصل الكنيسة القبطية عن الفكر اليوناني و الكنيسة اليونانية قد أطمس الفكر القبطي
أن أبشع ما فعله الفكر الأسلامي في العقلية القبطية هو تغيير نظرتها نحو خالقها من صديق محبوب عاش و تألم مثلنا ألي علاقة سيد بعبده يطالب السيد عبده بدمه المسفوك و فقدنا دفئ العلاقة الحميمة مع الرب يسوع..
الحل أن نبدأ من حيث وقفنا من 14 قرن بمد جسور العلاقة بين الأقباط و الكنائس الأرثوذكسية علي مستوي العالم و قد قام الكثير من الكهنة و الأساقفة و الخدام المتفتحين مثل الأنبا متاؤوس و أبونا تادرس يعقوب و د. نصحي عبد الشهيدبترجمة فكر الأباء اليونانين القدامي و الحاليين مثل الأب أنتوني كونياريس و كاهن يوناني في مينابوليس يعمل في مجال خدمة الشباب
أن الصحوة تبدأ بأتباع فكر جديد وليس غريب و أن نبدأ من حيث توقفنا .
تحياتي و محبتي
__________________
IN GOD WE TRUST
" فأمـست جالية غربـاء و غريبة للمولدين فــيها و أبناؤها هجروهها ." ( ســـــــــــــــفر المكابيين الأول38:1 ).
فينك
|