|
طب هاردّ عليك أقول إيه ياعزيزى makakola
إذا كنت اعتبرت إن عدم اعتناقى لنظرة أخينا عيسى قلّة علم بدينى !!
طب ليه ماتعتبرشى إن اللى كتبه هوّه قلّة علم منّه بدينه أو بحقيقة دينه؟
لو أنا قعدت من هنا للسنة الجايه أقول وأهتف وأجيب أدلّه على إن الإسلام بيقول إنى أتعامل مع المسيحيين وأصحاب الديانات الأخرى عادى وزىّ ماباعامل المسلمين إلا إذا بدؤونى بالعداوة , هتصدّقنى؟
وللا أى حدّ هنا فى المنتدى هيصدّق إن دى حقيقة الإسلام؟
إذا كنت متّهم قبل ماأقول أى حاجه ؟
ولو اتعاملت كويّس يبقى بادارى حقيقتى علشان أهى لى مسيحيين وللا تلاته أكسب فيهم ثواب!!!
إنت تعرف إنّى أنا كمسلم فيه ناس مسلمين برضه بيعتبرونى كافر ؟!
وفيه جماعات تانيه بتعتبرنى عاصى .
علشان برضه النظرة الضيّقة الأنانيه اللى بيبصّ بيها كلّ عنصرى ومتعصّب لرأيه ولدينه
-ماباتكلّمش عنّك طبعا أو عن حدّ بالذات -
أما عن عزيزنا عيسى فأنا الحقيقة ماباعتبروش متعصّب أو متطرّف أكتر من إخوة مسيحيين هنا فى المنتدى بيقولوا عنا كمسلمين أكتر من الشويّة اللى كتبهم والشويّة اللى بيقولوهم بعض الجماعات والمذاهب الإسلاميه برضه !
وتعليق أخير على علمائنا المسلمين ...
أنا كمسلم غير ملزم باتباع مايكتبه علماء الدين الكبار القدامى منهم أو المحدثون .
أنا كمسلم لدىّ القرآن والأحاديث الصحيحه أفهمها وأتبعها على حسب ماأفهم
قد أتفّق مع تفسير شيخ ما لآيه أو لحديث وقد أختلف
الثابت بالنسبه لى كمسلم - وده باقوله من باب العلم بالشىء بسّ لبعض إخواننا هنا - هو القرآن
وإنما تفيدنى كتب الشيوخ أو الفقهاء فى محاولة الوصول لفهم صحيح .
|