لاحظت فى الاونة الاخيرة انتشار ظاهرة ارسال ايميلات للمسيحيين (وصلنى واحد منهم قريب) بتشكك فى العقيدة المسيحية و بتدى لينكات لمواقع العجز العلمى و طبعا الاسلوب الرخيص ده معروف مين وراه و قريته بالصدفة النهاردة هنا http://www.geocities.com/christianity_truth/caution.htm و اعتقد انه كلام احد الاخوة الاحباء هنا فى المنتدى.
وطبعا عشان مفيش قوانين حماية البريد الاكترونى من رسايل التطفل و الغتتاتة بتاعة مجاهدى الانترنت زى الدول المحترمة (امريكا و الاتحاد الاوروبى) اسمحوا لى اوجه نصيحة صغيرة لأستخدام الايميل:


اولا: استخدموا قايمة الbcc (blind carbon copy) لأنها مبتظهرش اسماء المرسل اليهم و خصوصا و ان كل واحد عنده لستة قد كدة من الاصحاب و الحبايب و بكدة تقلل عملية معرفة عناوين البريد و الbcc ممكن استخدامه فى الهوتميل و الياهو و اى بريد مجانى تانى.
ثانيا: تخصيص ايميل للجروبات و المنتديات بس و ميكونش مستخدم لأى غرض تانى بحيث لو حصل له حاجة يبقى عندك ايميل تانى سليم خاص مضمون.
ثالثا: و الحتة ده مهمة جدا لما تعملوا فروارد لرسالة شيلوا كل الايميلات اللى بتظهر فى الرسالة نفسها لأنها بتبقى طويلة جدا و بتضايق الواحد و ثانيا زى ما قلتلكم بتقلل احتمال التعرف على الايميلات.
بغض النظر برضة الكلام ده بيحميكم من الspam mail و خصوصا ان فيه cds لقوائم بريد عربية بتتباع عينى عينك فى مصر و سلملى على الخصوصية.
يا ريت تبعتوا الكلام ده للجروبات و لأصدقائكم.
سلام محبة.