[yaweeka]

المشاركة الأصلية بواسطة lovealleg

العروبة ليست بحد زاتها الاسلام
فالعروبة بحد زاتها جنسك واصلاك
حينما تخرج الى باقى البلاد كبنان وغيرها تجد المسيحين يفتخرون بعروبتهم
اما فى مصر فنجد مسيحيوا الداخل على عكس الخارج
حينما تقول انا لست عربى امنت تهين نفسك امام الغربى الذى هو معتز باروبيتة
تمسكوا بعروبتكم ولا تكونوا تابعين
لا يونانين
ولا رومان فقط عرب
وليهديكم الرب

شلولح يا عزيزى
بصراحة عنوان موضوعك ده عم لى كالو فى دماغى
"امتة تقولها بجد انا عربى "
قعدت فترة عشان اعرف انت عايز تقول ايه فى العنوان قبل ما ادخل ع الموضوع
الأول قلت : يعنى ايه "امته" تقول انا عربى؟

"أمته" يعنى خادمته؟

ام امته يعنى الأمة التابعة له؟

ثم ركزت لاقيتها تاء مربوطة
قلت تتقرى ازاى دي؟

ورحت متصل بواحدة صاحبتى فلسطينية تعمل مدرسة لغة عربية فى امريكا

تهجيت الكلمة لها وقلت لها ممكن تقريها ازاى دى والنبى؟ فقالت : شو هايدة يا زلمة؟ عربى؟ مخربط انت ولا ( انا سمعتها مخربط قلت يمكن قصدها ملخبط)

قلت لها وانا مالى انا بأة؟ الرجل واضح عليه من كتاباته انه معتز بعروبته وكتب الكلمة دى ونفسى اعرف عايز يقول ايه.
ولما مالاقيتش فايدة وقعدت تتريق على او تتمسخر على قلت ربنا يخرب بيتك ياللى فى بالى ، ضحكت الاجانب علينا
قلت ما بدهاش بأة، نقرا الموضوع ونشوف عايز ايه
لاقيت شوية اخطاء املائية قلت بس...لاقيت الحل
اكيد كتبها غلط...وساعتها على طول عرفت ان قصدك تقول
"متى" او "إمتى" او when بلغة الكفار

انا مش باكتب عشان احرجك ، بالعكس
عايز اقول لك يعنى اكتب عربى كويس قبل ان تقول انك عربي عشان مافيش حد يتمسخر عليك