[fadios]

بجد حرام علينا اللى بنعمله فى نفسنا يعنى بالذمه لما شيخ الازهر يصلى عندنا بعد الافطار اللى بيتعمله فى رمضان يبقى حلال و لما اخوتنا فى المسيحيه يصلوا عندنا هو دا اللى يبقى حرام بجد انا هطلع من هدومى مع احترامى الشديد لنيافة الانبا بيشوى دا المثل البلدى بيقول (انا و اخوايا على ابن عمى و انا و ابن عمى على الغريب )

سؤال موجه لأعضاء المجمع المقدس عامة و الى نيافة الانبا بيشوى خاصة .... يا ترى زى ما انتوا بتاخدوا هذه القرارات الحاسمه للاحتراس من التعاليم الغريبه عن الكنيسه الارثوذكسيه ليه مبتخدوش موقف من التعاليم الاسلاميه المفروضه على ابناء الكنيسه فى المدارس و الجامعات و جميع المراحل التعليميه؟؟؟؟؟؟؟
.... ليه مش بتاخدوا مواقف من الاضصهاد الموجه لابناء الكنيسه فى هذه البلد ( بدل ما تعملولهم موائد الرحمن كل رمضان ) ؟؟؟؟؟؟؟؟
.... ليه مش بتاخدوا موقف من الاعلام المصرى الذى يجرح فى معتقداتنا و فيه هجوم صريح لكنيستنا الارثوذكسيه ؟؟؟؟؟؟
ليه و ليه و ليه و مليون ليه يا اصحاب الرعيه؟؟؟؟؟؟؟؟؟؟؟؟؟؟
يا ريت تنشغلوا بالرعيه شويه بدل ما انتوا مشغولين بمحاربة بعضكم داخل الكنيسه الارثوذكسيه و محاربه الطوائف الاخرى

ارجو الحل من نيافتكم على هذه الاستفسارت الموجهه لنيافتكم و افيد علم نيافتكم اننى من ابناء الكنيسه الارثوذكسيه و لكننى تعلمت بهذه الكنيسه الصراحه و عدم تغييب العقل فا رجوا الاجابه التى تحترم عقلى دون سماع كلمه ( لا حل و لا بركه ) التى اصبحت كقطعه العلكه فى افواه احد الاساقفه المشهورين و المعروف عنه ذلك من قبل كثيرين