27-07-2005
|
|
|
إقتباس:
|
المشاركة الأصلية بواسطة zaki
البك باشى | غلاباوى
هى لما امريكا ترد على هجوم تبقى ارهابية دا فكر الاسلام عمومآ ولا وجهة نظرك الشخصية ؟؟؟؟؟؟
حاجة نانى اسرائيل دايمآ شماعة للعرب يعلقوا عليها بلاويهم السودة
امريكا تنضرب تبقى اسرائيل اللى عملتها علشان توقع بين العرب وامريكا.
ياراجل دا ساعة ضرب فندق طابا اتهمتم اسرائيل مع ان مات لهم ناس كتير فى الحادث دا.
لاء واية كمان اسرائيل بعتت طيارات اسعاف اخدت اليهود والمصريين والاجانب يتعالجوا فى مستشفى تل ابيب .
عمرك شوفت العرب عملوا حاجة زى دى اليهود عندهم رحمة وانسانية مش عند العرب .
العرب اللى ياكلوا وينكروا على رأى المثل المصرى.
|
يا عم زكي .. روق كدة معايا ومجّد سيدك
ببساطة شديدة جدا ماما امريكا لما انضربت في 11 سيتمبر عملت اية ؟؟؟ هاجت وثارت ودخلت في رواية الحرب على الارهاب ومحور الشر والكلام دة .. والنتيجة دخلت على افغانستان بما انها معقل الارهاب والدولة التى يعيش فيها اسامة بن لادن ... تخيل عشان يجيبوا واحد يحتلوا دولة كاملة ويشيلوا نظام طالبان بحالة اللي ياما امريكا وقفت جانبة ضد الاتحاد السوفيتى زمان هل الارهاب خلص ؟؟ هل تنظيم القاعدة اتدمر ؟؟
بالعكس بقي عامل لامريكا زي عفريت العلبة .. وكل شوية يطلع من مكان ويضرب ضربتة ..
هل نظام طالبان انتهي ؟؟؟ برضة لا بدليل ان حركة طالبان قاعدة كل شوية تلعب مع امريكا هناك بنظام حروب الشوارع واضرب واهرب .... وخساير على ودنة ... واوعى تسمع كلام CNN وان كل شيء تمام والامن مستتب تعالي وانا اوريك افلام حية وصور على البلاوي اللى بتتعمل في امريكا هناك وعلى عينك يا تاجر ...........
وندخل على العراق .. وقلنا في نووي .. يقولوا لأ برضة نقول لا في نووي .. ونبعت مفتشين ويرجعوا جارين ازيال الخيبة التقيلة ان مفيش نووي ..... بس اللى فية داء مش بيبطلة .. هي بنووي او من غير نووي امريكا عايزة تحتل العراق وسيبك من شعارات انهاء النظام البعثي الديكاتوري والكلام الـعبيط دة .... واحتلت العراق وشالوا صدام .... طب وبعدين ؟؟ طلع الزرقاوي طب لو قتلوا الزروقاي في كام زرقاوي تانيين هيطلعوا ......
انا يوميا بشوف فديوهات وصور يومية طازة من قلب العراق بتوصل اول بأول على البلاوي والمجازر اللى بتحصل في الجيش الامريكي هناك ....
ياتري اية المكاسب اللي امريكا اللى مش ارهابية طبعا كسبتها بعد كل دة ؟؟؟؟؟؟؟
كل اللى نجح فية عمو جورج بوش وفشل فية كل الرؤساء قبلة .. انه يخلي الشعب الامريكي اكتر شعب مكروه في العالم .. واللى مكنش له ثأر مع امريكا بقي له ,,, واللي لا له في الطور ولا الطحين عايز يفجر نفسة في امريكا بعد ما شاف ماما امريكا بتعمل اية
معلش طولت عليكم شوية .... بس انا عارف ان فية ناس كتيرة هتغلطنى او تقول كلامي دة مش صحيح .. بس صدقوني يبقوا بتضحكوا على نفسكم لو صدقوتوا غير كدة .... ومفيش اصدق من ان الاغلبية في الشعب الامريكي بيشكك في دافع الحرب على العراق وعلى امكانية انتصار امريكا في الحرب على الارهاب بعد ان دفع الابناء الذين القوا في اتون المعارك والكمائن والمصائد ضريبة الدماء وعادوا ملفوفين في الاعلام الامريكية الغارقة بالدماء قد ازالت اي فكرة للانتصار في هذه الحرب نهائيا ..... وما اكثر هذه الاعلام يا سادة ..
تحياتي
|