بداية غير موفقة تماما يا مدام .. وكنت افضل ان اتناقش معك في موضوع من المواضيع المثارة بالمنتدي عامة ولكن يبدو انك كشفتى اوراقك مبكرا جدا وظهر الوجه القبيح للاسلوب الحواري المتحضر ...

بداية انا مش ابنك ... على الاقل فارق السن بينى وبينك مش لصالحك ابدا .. ممكن انتى كبيرة المقام والاحترام لكن مستحيل كبيرة السن ... دة اولا

ثانيا اشمعنى انا استفزيتك وخليتك تدخلي المنتدي .. اشمعنى غلاباوي بالذات .. هل عشان كلامة صح ؟؟ ولا كلامة غلط ؟؟ ولا عشان اية ؟؟ متهيألي لو غلباوي مجرد مسلم داخل يتكلم كلام عبيط وخلاص محدش هيلتفت له نهائي ودة شيء منطقي تماما .. لكن مين اللى عمرة سأل على الاسلوب المنطقي في الكلام هنا في المنتدي

ثالثا .. بدأتي اول كلامك بعبارة مش زي البهايم .. وواضح للعيان طبعا انتى بتقصدي مين .. ودة اعتبرة شخصيا ( اول القصيدة كفر ) لكن مقدرش ارد عليكي في الكلمة دي ولو ان المفروض ان الادمن يحذفها .. بس لا حياة لمن تنادي ...

رابعا ودة الاهم .. حاولي تقري شوية في مواضيعي السابقة وردودي يمكن تقدري تفهمي موقفي من امريكا حكومة وشعبا وسياسة ... ولو مقدرتيش توصلي لحاجة ممكن انا حر يبقي يفهمك ويبقي كسب ثواب عشان تقدري تتعاملي مع اللى استفزك ودخلك المنتدي ...
اة .. قبل ما انسى ... امريكا بتاعتك دي انا رايحها بفلوسي مش صدقة ولا احسان منهم .. يمكن هما ناس زوق وفي حاجات كتيرة مش بتتشري بالفلوس زي الترحيب او الابتسامة الصافية او الاحترام المتبادل لكن اولا واخيرا انا مكنتش في امريكا في رحلة تبع مركز الايتام .. انا كنت هناك على نفقتى الشخصية ... ومحدش له فضل عليا في كدة والحمد لله ..

اما باقي كلامك فأعذرينى مالوش عندي اي ردود .. لانه بصراحة - واعتذر للفظ - خالي تماما من اي معنى او هف او قيمة ... اسف مرة اخري ...

ارجو محاولة التحاور بشكل افضل في المستقبل يا اختنا العزيزة وزوجة اخينا العزيز ...
والا بعد ذلك لن يكون الكلام معكي وسنستعيد مقولة ( ليكي راجل يترد علية ) الشهيرة

تحياتي وتقديري