[yaweeka]

المشاركة الأصلية بواسطة iwcab

بصراحة المناقشة معاكم عاملة زى مناقشة مسيحيين مع مسلمين .. لف ودوران ولافيه فايدة ولاعايدة
ربنا خلقنا علشان نعرفه ونمجده ، ومرحلة حياتنا على الارض مرحلة تجهيزية وإمتحانات لتحديد من سيستحق السماء ومن سيستحق العذاب
وكتبت قبل كده إن هدف العلمانية هو إزالة الإسلام والمسيحية معاً والحكم بالخرافة المسماة الإنسان
علشان كده واحد زى حالاتك عامل موقع للهجوم على الإسلام دون ذكر دواء الإسلام وهو المسيح والمسيحية
لأن الهدف هو إزالة الإسلام وليس خلاص الناس بالإيمان بالمسيح
وبالتالى الأهداف بتكون اهداف أنانية ذاتية وملذات وحفلات وإلى آخره

بص يا يوساب
انت لك طريقتك ، خليك ماشى وراها وابقى قل لى خلصت كام واحد مسلم وحصلت على تصريح كام كنيسة وانتزعت حق كام قبطى من فم الاسد ، وصدقنى ها ابقى مبسوط لو عملت حاجة بطريقتك دى
سيب الناس التانية تعبر عن وجهة نظرها الاخرى خاصة ان طريقتك فى الاستكانة جابتنا ورا وخلتنا اقلية فى بلدنا
اما عن الموقع فانت اول مسيحى ينتقده !خلاص يا عم ، الموقع كخة ، ورينا انت الموقع بتاعك

المسيحية أولها : إنكر نفسك وإحمل صليبك ، وحمل الصليب يعنى تيجىء على نفسك ، مش إن هدف حياتنا هو حقوقنا وذواتنا

فهمك للمسيحية ليس انكار للذات بل واحد عايز ياخد فوق دماغه ويقول ادينى تانى ، ده مرض نفسى بعيد عنك ، حاجة كدة ناس عيانة بيها اسمها التلذذ بالألم ، اما المسيحية التى أعرفها فهى فرح وانتصار على ابليس وأعوانه وان تدوس الحيات والعقارب والا تترك لابليس فرصة ان يقتنص ارضك منك. أن تقول لرسول هيرودس : اذهب وقل لهذا الثعلب.... فهمت ولا ما فيش فايدة؟
يعنى لما واحد ما يكونش عايز حقه ولا يحقق ذاته ده بصراحة يستاهل ان اى مسلم ييجى ياخد بيته ومراته وأولاده واملاكه ويسيبه جنب الحيط يشحت اكله عشان ينكر ذاته للآخر

انا لم اجد مسيحيا فى العالم يؤمن بنفس نظرتك المازوخية هذه ، يا عم لو هى دى المسيحية مش عايزها ، دى مسيحية اللى بياخدوا على قفاهم ويقولوا عايز تانى ، دى لا مسيحية شفتها فى الانجيل ولا فى حياة السيد المسيح ، بل مسيحية اخترعها مرضى نفسانيين آن لنا ان نضعهم فى المستشفى الروحى (او فى القفص ينكروا ذاتهم ع الآخر ويتنازلوا عن حقهم وذواتهم) عشان ما يقضوش على ما بقى من أمل فى شعبنا ويعدوهم بالمرض الوحش ده