ممكن اعرف منك بس ياأستاذ غلاباوى الفصيح ماذا تعنى كلمة مواطن من الدرجة الثانية؟
يعنى ايه يعنى ؟ بيخلوهم يناموا تحت السلم يعنى ولا بيمنعوا عنهم الأكل النضيف ويدوهم الأكل اللى بيترمى فى الزبالة ولا بيضربوهم بالكرباج ولا ايه بالظبط ؟
ياعمى دول بيعاملوا الحيوانات عندهم احسن من بلدك ما بتعامل البنى أدمين اللى عندها وأنت تقولى مواطن درجة تانية !! ولا انتوا حفظتوها كدا زى ما قالوهالكوا من غير ماتفهموا معنى الكلمة ايه؟
ياأخى المحترم فى الخارج وطبعا انا اقصد خارج اى دولة غير أسلامية الواحد بيشتغل ويتعب اه بس على قد تعبة بياخد واللى مش بيجتهد ويتعب مش هيلاقى حاجة ، بغض النظر بقا عن الجنس او اللون او العرق - انتوا بس اللى عاوزين تطلعوا القطط الفطسانه فى الحتت دى عشان هيا مش واخدة الشرف العظيم فى تبعياتها للأسلام.
ياأخوتى, الهجرة والسفر هما شىء جميل عندما تذهبون الى بلاد تقدر تعب الأنسان ومجهودة فإذا كان اللى بيتكلم واحد متعود ينام فى بيتهم بالعشرين ساعة ويشتغل اربع ساعات مثلا فى اليوم طبيعى انه يلاقى الحياة برة صعبة وقاسية عشان طبعا صحة حضرته ماتستحملش التعب دا كله ، لكن الأنسان اللى يفهم ويعرف انه مش هياخد الا على قد تعبه وكل ما يتعب كل ما يلاقى دا الأنسان اللى هيقول لأ ياجماعة الفرق بينا وبينهم اننا مش عاوزين نتعب وهما بيقدروا قيمة كل حاجة العمل والوقت والجهد والراحة لأن لكل حاجة وقتها.
والأخ الشمعة الحزينة على شبابها، انت مين قالك المعلومات دى ؟ مين قالك انهم بيشوفونا كدا ولا بيتكلموا معانا كدا ؟!!! أوعى تكون بتتكلم على السعودية ولا الكويت ولا العراق احنا بنتكلم على دول الخارج (أمريكا ، اوربا ، كندا ، استراليا....) يعنى الدول دى علمائها بيجوا يدرسوا حضارتنا واثاراتنا وبيعرفوا عن حضارتنا اكتر مننا احنا. ولو كانوا زى ما بتقول كدا ماكانوش يبقوا من اعظم الدول و 90% من شباب المسلمين قبل المسيحيين يتمنون الهجرة اليها والحياة فيها ، ولا هو قصر ديل يعنى وخلاص.
|