[elmafdy]

واحد كان بيزور مستشفى المجانين , قام لقى واحد عمال يخبط راسه فى الحيط , سأل الدكتور " ماله الراجل ده " , الدكتور قال له " من الحزن و الالم اللى هوه فيه , اصله كان بيحب واحده و ما اتجوزهاش " , اتمشوا شويه و دخل عنبر تانى لقى واحد عمال يشيل من التراب اللى فى الارض و يحط على دماغه , سأل الدكتور " و ده ماله ده الاخر ؟ " , الدكتور قال له " ده بقى اللى اتجوزها "

اخى ايزاك و باقى اخوتى الذين يعانون من نفس المشكله , ليست هناك مصيبه اكبر من ان تفقد حبيبتك الا ان تتزوجها , ده مش كلام مواساه او تشجيع , لكن دى خبرات حياتيه حقيقيه , حد طايل انه يعيش حر يا عم أنت و هوه , اديك خلصت من واحده و قدامك البنات ما فيش اكتر منهم , ما تتخيلش ان أنا انسان فلتان و ما عنديش احاسيس و لا مشاعر , بس صدقنى انا زمان عشت المراحل دى كلها و اتألمت زى ما انت بتتألم و اكتر كمان , و اكتشفت فى الاخر انى كنت مبالغ جدا فى احاسيسى دى , أولا ما حدش قال انها احسن انسانه فى الدنيا , و ما حدش قال انك مش ها تلاقى واحده تانيه احسن منها , و ما حدش قال انها مناسبه لك تماما , البنات يا عزيزى اكتر من الهم على القلب , و هيه نفسها وارد جدا ترجع لك تانى و تفضل تتمسح زى القطه فيك علشان ترجعوا لبعض , بس الجدعنه ساعتها انك ما تحنش و ما ترجعلهاش , و على فكره , البنات كلهم كده , مخلوقات طماعه انانيه داخلين معركة الحياه و هدفهم انهم يحققوا منها اعلى مكاسب ممكنه , بيفضلوا يهبشوا من اليمين و من الشمال علشان ينتشوا اكتر حاجه ممكن ايديهم تطولها , و أنت لما تحقق نفسك و حالتك الماديه تبقى احسن من كده ها تلاقى الف بنت بتجرى وراك , و ها تشوف البنات لما يرسموا على حد و لما يرموا شباكهم عليه و ها تلاقيهم بيعملوا لك عجين الفلاحه , على فكره ده شعور ممتع جدا , و علشان كده انسى و اقفل الصفحه دى و ركز انك تكون نفسك و تتجح فى حياتك و تعلى لفوق و ساعتها هما ها يتلموا عليك زى الدبان و ها تبقى مش عارف تهش مين و لا مين .

روق يا بطل و ارشم الصليب كده

المفدى