[Gregory]

باسم الآب و الابن و الروح القدس
الاله الواحد
أمين

الأخت العزيزة jesus_4_us

أختيار قداسة البابا من عند ربنا
مفيش مشكلة
و أختيار الأساقفة من عند ربنا برضه
و أختيار الكهنة من عند ربنا برضه
الشعب بيرشح الشخص بس
لكن ربنا هو اللى بيختار بتدبيره و أرادته
+ و لا يأخذ أحد هذه الوظيفة بنفسه بل المدعو من الله كما هرون أيضا (العبرانيين 5 : 4)
الوظيفة هى الكهنوت
فالكهنوت من عند ربنا فعلا

أما أعضاء ادارة الكنيسة فيتم أختيارهم من الشعب و أكيد برضه بارادة ربنا و سماحه

لكن أختيار ربنا للشخص لا يعطى عصمة لهذا الشخص
مفيش عصمة أبدا الا لربنا فقط
ما تنسيش أن ربنا برضه أختار شاول الملك فى العهد القديم
و أكتر من كده أن ربنا بنفسه أختار يهوذا الأسخريوطى ضمن تلاميذه
( و الأنجيل بيقول أن التلاميذ كانوا بيبشروا و بيخرجوا شياطين و أكيد من ضمنهم كان الأسخريوطى )

ان اعترض أحد على أختيار البابا الذى تم بالقرعة الهيكلية فهذا أعتراض على ارادة ربنا
لكن ان أختلف أحد مع قداسة البابا فهذا ليس أعتراض على ارادة ربنا
أمال ايه لازمة حاجة اسمها المجمع المقدس ؟ ؟ ؟

أختلاف البعض مع قداسة البابا هو أختلاف محبة بين أبن و أبوه
هل من الغلط أن واحد يعاتب أبوه ؟ ؟ ؟
الابن شايف حاجة غلط و بيستفسر من أبوه عليها
هل دى حاجة تزعل الأب ؟ ؟ ؟
لأ طبعا

قداسة البابا له عظة بعنوان " حوار مع الله " و كان بيعاتب ربنا عتاب محبة
و محدش غلط قداسة البابا فى العظة دى

كل هذا لا يمنع أن العتاب يكون بطريقة مسيحية حقيقية و خالى من الكلام غير اللائق
كل هذا لا يمنع أننا جميعا نحب قداسة البابا و نعلم تماما أنه يعمل و يصلى من أجلنا
قداسة البابا شنودة هو أبونا كلنا و راعينا و ربنا يحافظ عليه لأجلنا و لأجل الكنيسة