[Mrs 2ana 7or]

الاخ المفدى الحقيقه انت من القلائل الذين احترم ارائهم فى المنتدى هنا لاتسامك بالهدوء فى ردودك ولهذا اسمح لى اصلح بعض مما لم تتفهمه من كلامى انت وزكى

المشاركة الأصلية بواسطة elmafdy

أولا : اتفق معك يا عزيزى زكى فى كل ما قلته , و اشاركك الرأى فى ان أراء اخوتى اقباط المهجر هى اراء من وسع لا تتفق مع الطرق الذى سلكوه هاربين من مصر , اذا كانت مصر جميله خالص كده ما فضلتوش فيها ليه ؟؟؟؟


الاخ العزيز المفدى الحقيقه انت ولا زكى قدرتم تفهموا القصد صح خلينى ارد عليك الان وبعدين على زكى اولا مين قالك انى من اقباط المهجر ؟؟؟؟؟؟ بالعكس انا ولا حتى سعيت للهجرة مش علشان الفكرة سيئه بس يمكن لان الظروف لم تتاح ثانيا مين قالك انى مش وسط النار زي اللى بمصر ويمكن اكتر ؟؟؟
ومين قال اننا مفضلناش بمصر بسبب اى شيئ غير السعى للرزق الافضل بعد ان سدت فى وشنا كير من ابوابه ... اذا لا تفترض ما لا تعلمه جيدا



ثانيا و هو الاهم : انا ها اتفق مع اللى بيقولوا ان الدنيا مش سوده و ان الحياه مش بشعه و اننا مش بنتعرض للقتل و السلب والنهب , دى حقايق فعلا


مين هنا قال ان مصر مش بيحصل فى مصر كل اللى بتقول عليه ومتنساش ان اهلنا فى مصر مكويين بالنار دى محدش انكر القرف فى مصر واللى ينكرة يبقى اعمى يا سيدى الفاضل



, و انا زى ما قلت من قبل قادر اعيش فى مصر كده , لكن كل ما اتخيل انى عايش فى مجتمع كله من الاقباط زيى , ها يكون رائع الحقيقه , يوم الاحد الصبح - اللى ها يكون يوم الاجازه طبعا - ها نلاقى البلد كلها فى الكنايس , و فى الصيامات ها نلاقى البلد كلها صايمه , ها تمشى فى الشوارع تسمع اجراس الكنايس و اصوات التسبيح و الترنيم بدل ما تسمع صلاة الجمعه و شتيتمتنا بوداننا , ولادك ها يتعلموا فى المدرسه تعاليم المسيح و الدين الصحيح بدل ما يبقوا مضطرين يحفظوا سور قرانيه و احاديث , نسبة المتعلمين و المثقفين و رجال الاعمال و الغنياء فى المسيحيين اكبر من المسلمين , يعنى ها تكون البلد دى متعلمه بنسبه اكبر كتير من مصر حاليا , ها يكون فيها دكاتره و مهندسين و باحثين و مفكرين كتير جدا بالنسبه لأجمالى العدد , ها يكون فيها فلوس و ثروه كبيره جدا بالنسبه لعدد الشعب و بالتالى ها يكون مستوى المعيشه مرتفع و مثالى , الثروه بالنسبه للتعداد ها تكون حاجه كده تشبه الامارات او الكويت , انا متخيل انها ممكن تكون حياه مثاليه .



لا يمكن تكون هناك حياه مثاليه كل ما تحلم به رائع وجميل ماشلى بس ارجوك هاتلى مكان بالعالم واحد كده كل الناس فيه من دين واحد والدنيا لونها بمبى اوى كده واليوم لو بنفكر اننا نبقى لوحدنا كده بكرة يطلع اللى يقول مصر بلد للاغلبيه الارثوذكسيه مثلا مثلا والباقى يطلع براها او نوديهم فى الواحات مثلا بعيد عنا يا سيدى اجمل شيئ ان تعيش مع من هو مختلف عنك بالمحبه او بالقانون ايه الفضل لينا لو مواجهناش صعوبات صدقنى داخل البيت الواحد بيحصل مشاكل اذن حتى لو مصر بقت كده برده حتحصل مشاكل مداتم المبدا مفقود وهو كيف نعلمهم ان يعيشوا معنا بسلام ولاحظ قلت نعلمهم هم لاننا نعرف كيف نعيش مع الشيطان نفسه بحكم التجارب المريرة



و اللى نفسى فيه بجد ان الطرفين يقتنعوا ان ده مش انقلاب او فيه ضرر لأى طرف من الاتنين , بالعكس ها يكون فيه علاقات وديه جدا بين الاتنين و ها يكونوا جيران , و اعتقد ان دولة القبط دى بحكم تعاليم المسيح ها تكون على علاقه وديه بين كل شعوب الارض و محبوبه من الجميع و اعتقد انها ممكن تعيد مجد الفراعنه او ممكن تبقى فى نجاح النمور الاسيويه و تحضر الدول الاوروبيه .

ده مجرد تخيل و مش عارف ممكن يتحقق و لا لا


ماتمناش يتحقق لانى حقى فى مصر من اولها لاخرها وبالبلدى كده .......
لا عاش ولا كان اللى يجبرنى اتزنق فى عشر بلدى واسيبه هو يبرطع فى الباقى من الاخر طظ فيهم

و الرب يبارك ويهدى الجميع
المفدى