الأخ الحبيب وليد... صدق أو لأ ...

[sammy]

الأخ الحبيب وليد... صدق أو لأ ... أنت طبعا حر... لكن أنا هاتكلم عن نفسى وعن رأيى... أنا باحب المسلمين زى المسيحيين, وعمرى ما كرهت واحد عشان دينه.. ولا حبيت واحد عشان دينه... طب ليه الشتيمة اللى على الرسول وعلى الإسلام؟
أولا الشتيمة هنا فى موقغ المنتدى العربى قليلة مش زى مثلا حوار الأديان وتلاقى مشاركاتى فى حوار الأديان قليلة جدا جدا وحتى لما أخونا عنتر مرة أشترك قلت له ياعم ابعد عن الجماعة دول وخليك هنا فى المنتدى العربى... هل الجماعة اللى بيكتبوا فى حوارات الأديان مثلا غلطانين فى شتيمة الإسلام وتتبع ما يعتبرونه نقائص فى الرسول وسيرته؟؟؟ طب حط نفسك مكان واحد منهم اعتبر نفسك مثلا مثلا يعنى مسيحى وحاول تحس بإحساسهم... إيه رأيك فى أنهم مثلا عشرة فى الماية من الشعب وفى أنهم عايشين فى أرض أجدادهم آلاف السنين وبيتعاملوا معاملة أهل ذمة وجزية وشتيمة عينى عينك فى التلفزيون والإذاعة والجوامع والقهاوى وكل تجمع إسلامى ينظر اليهم على أنهم مسخرة وضالين؟ حط نفسك مكان واحد فيهم اتاكل حقك فى تعيين عشان انت مسيحى... حط نفسك مكان واحد فيهم وبنتك مثلا اللى عندها سبع أو ثمان سنين تيجى لك البيت من المدرسة معيطة عشان صاحبتحها مرضتش تلعب معاها عشان هى كافرة؟ حط نفسك مكان واحد فيهم لما تلاقى بنتك اللى عندها خمسة عشر أو ستة عشر عاما معزولة فى المدرسة والجامعة عشان مسيحية وبعدين تسلم عشان ولد ضحك عليها أو ماضحكش مثلا حبها بصحيح وهى اتخيلت انها بتحبه عشان 15 او 16 سنة لسه ماتعرفش الحب... وبعدين استسلمت وهربت معاه والعيلة بتاعة الولد والشرطة والحكومة تضحك منك وانت بتعيط ويعملوك مسخرة...

[sammy]

الأخ الحبيب وليد... صدق أو لا
صدقنى ياأخ وليد أنا عن نفسى باحب المسلمين وعمرى مافرقت بين المسلم والمسيحى إلا طبعا لو هو عمل فرق...
فعلا فى شتيمة قاسية على نفسك فى منتدى حوارات الأديان... لكن كل حوارات الأديان فيها إنتقاص بوجه أو بآخر فى أحد الأديان...
طب ليه مافيش إحترام لمشاعر المسلمين مثلا فى حوارات الأديان؟ هى حوارات الأديان كده واحد يقول للتانى دينك غلط عشان كذا وكذا ورسولك عمل وسوى... والتانى يقوله لا دينك بيأمر بكده وبيقول كده وده محرف وكذب... شتيمة من هنا ومن هناك هى دى حوارات الأديان واللى مش بيحب الكلام ده يخليه هنا مش لازم يحرق دمه...
فكر لو انت مسيحى وعايش فى أرض أجدادك وأجداد أجدادك وبتسمع شتيمة فى دينك وإنه محرف من كل من هب ودب... فى التلفزيون والإذاعة والجوامع والمدرسة والكلية والشغل وكل مكان ينظر اليك على انك درجة تانية... مش عاوز اقول ثالثة ورابعة... فكر لو مرة قرأت فى الجرنال واحد يكتب ويقول ويشرح كيف أن الدين المسيحى ده أى كلام وكتبه محرفة والمسيحيين دول أهل ذمة لازم يدفعوا لجزية لأسيادهم المسملين ويقوموا لهم احتراما فى مكان او مجتمع... حط نفسك مكان واحد مسيحى لم يحصل على وظيفة يستحقها عشان مسيحى... فكر ليه كل المحافظين ورؤساء الجامعات والأحياء والمدن والمخابرات والشرطة والقضاء مافيهمش نسبة معقولة أو حتى أقل كتير من الأقباط... هل الأقباط متخلفين عقليا مثلا عن المسلمين ولا الحكاية مقصودة وقلة أدب...
عن موضوع بنتك الصغيرة اللى صاحبتها مرضتش تلعب معاها... تكره مين ?البنت الصغيرة ?اللى ماتعرفش إيه الحكاية ولا أبوها وأمها اللى بيظنوا أنهم بيسمعوا كلام ربنا... ولا الشيخ والكتاب اللى قالله الولاء والبراء وفسرها هو على ما يحتمله فعلا التفسير... وتعمل ايه لو بنتك دى كبرت وبقت 15 أو 16 وحست بانها مستبعدة عن الشلة اللى بتحبها لأنها مسيحية فمثلا تسلم وتهرب من البيت وتدوخ انت على الأقسام وعلى الحكومة تشتكى وكل الناس تضحك عليك وتستهزأ بك وبمصيبتك...
كلم نفسك بصراحة وقل لى تحس بإيه لو أنت مسيحى ومريت بالتجارب دى وبأكتر منها... دا انت ممكن تكون صاحب دكان بقالة وماحدش يشترى منك لانك مسيحى والشيخ قال للزباين ينفعوا المسلم.
قل تحب الإسلام ساعتها؟؟؟
1

معلهش ترتيب الموضوع اتلخبط لكن ارجو ان تصل الفكرة

عزيزى و اخى الحبيب سامى
اولا انا احب اشكرك بسبب اسلوب حوارك الهادىء
ثانيا انا اؤمن ان من حق كل شخص فى هذه الحياة ان يؤمن و يعتقد بالدين الذى يقتنع به
وانا ضد التبشير او اجبار احد على تغيير دينه
كما اننى اكره و بشدة اى شخص يقول على اقباط مصر انهم كفرة ومشركين
طبعا انت حتقولى طيب ليه انت شتمت فى بعض مشاركاتك قبل كده
اولا انا لما شتمت فكانت الشتيمة موجهة الى شخص و ليس الى الديانة المسيحية نفسها
ثم لازم تعرف ان كل فعل له رد فعل
وانا لما الاقى دينى و معتقداتى يهانوا و يسبوا باسم حرية حوار الاديان فاسمحلى ليست هذه حرية
الاسلام يقول لنا ادعى الى سبيل ربك بالحكمة والموعظة الحسنة
و انا كمان اعرف ان تعاليم المسيحية السمحة و خصوصا فى موعظة الجبل التى القاها السيد المسيح لا تحض على الكراهية بل تشجع على التسامح و الخير
على العموم انا قررت اشترى دماغى و ما ادخلش المواضيع اللى فيها شتيمة على الاسلام او على سيدنا محمد سيد الخلق اجمعين
لانى حأتضايق من الكلام المكتوب و حأرد على الهجوم بهجوم و سباب
وانا يا سامى اعتذر لك بصفة شخصية اذا كنت تضايقت من اى سباب او شتيمة وجهتها للمسيحيين
وانا اعترف بخطأى فى هذا لأن ليس كل المسيحيين زى بعضهم
كما ان ليس جميع المسلمين لهم نفس الافكار
هناك متطرفون و متعصبين فى كل جهة سواء مسيحيين او مسلمين
كما ان هناك ناس عقلانيين و قلوبهم طيبة فى الناحيتين
يعنى باختصار عايز اقولك انى انا ضد اضطهاد الاقباط فى مصر من حيث المبدأ
و ضد التعصب ضدهم
واعترف ايضا انه يوجد ميراث فى نفسية الاقباط منذ فترة الحكم العثمانى
ميراث من الكراهية و الغضب ضد المسلمين
ولكن لاحظ يا عزيزى سامى ان المسلمين ايضا تعرضوا لنفس ظروف القهر و الاستعباد فى تلك الفترة و حتى حكم الاسرة العلوية فى مصر
يعنى اللى جرى عليكم هو اللى جرى علينا فى تلك الفترة
و لكننا الان نتكلم فى الواقع المعاصر
الاقباط الان ليسوا اقلية و عمرهم ما كانوا اقلية
هم مواطنون مشاركون و متفاعلون فى المجتمع
ولا يوجد ما يسمى باضطهاد الاقباط
لانه خطأ اكبر خطأ ان تعمم حوادث فردية على المجتمع كله

[sammy]

أخى الحبيب وليد ... صدقنى أنا مش زعلان منك عشان انت شتمت سابقا... والله أنا ما زعلان كلنا بنشتم من ضيقتنا ساعات ودى مش مهم ... لكن اقرأ وحاول تكون عادل... ضع نفسك مكان أى واحد مسيحى وقل لى رأيك ورأيك ده أسمح لى يعنى .. لا هايودى ولا هايجيب لكن هو لراحة ضميرك وعشان تعذر اخواتك اللى ساعات بيخرجوا عن شعورهم فقط...

الاسلام يقول لنا ادعى الى سبيل ربك بالحكمة والموعظة الحسنة

ماأختلفناش .. سواء قال كده أو حتى ماقالش متهمنيش ... لكن الواقع غير ياأخ وليد؟ هل من الحكمة والموعظة الحسنة أن كل شيخ فى التلفزيون والإذاعة والجرايد يفضل يعيد ويزيد أن ديننا محرف؟؟؟ هل من المحكمة والموعظة الحسنة أن كل شيخ جامع لغاية وقت صغير (ماعرفش أيه اللى جارى دلوقت) بعد ما يصلى يفضل يدعى ويقول اللهم شتت شملهم ورمل نسائهم ويتم أولادهم وأجعل نساؤهم وأموالهم غنيمة لنا؟؟؟ من فضلك قوللى شعورك لو انت مسيحى... ليه مش بتريحنى وتقول لى رأيك بصراحة على ممارسات كهذه؟؟؟

هم مواطنون مشاركون و متفاعلون فى المجتمع
ولا يوجد ما يسمى باضطهاد الاقباط

أنت ياأخ وليد اللى مش حاسس... النار مش بتحرق إلا اللى ماسكها... تفسر بإيه أن مافيش محافظ ولا رئيس جامعة ولا حتى رئيس حى ولا أعضاء منتخبين فى مجلس الشعب حتى, ولا رءيس جامعة ولا عميد جامعة ولا تعيينات للأقباط؟؟؟ ولا حتى لعيب كورة قبطى ياأخى هو الأقباط يعنى عجزة ولا حاجة؟؟؟ صدقنى فيه تفرقة كبيرة فى المعاملة لكن انت مش شايفها لأن زى ما بقوللك النار مش بتحرق غير اللى ماسكها... .... تانى هاقوللك فكر وحس بمشاعر أخ ليك فى الوطن وشوف قد ايه الظلم بيعمل حتى ان الواحد ينسى دينه وتعاليمه من كتر الغضب... وسلام ومحبة

عزيزى سامى
لقد قلت لك قبل ذلك انى ضد اضطهاد الاقباط
و لكن ليس معنى كلامى انه هناك حملة اضطهاد و تعذيب للاقباط فى مصر
يا سيدى الفاضل انا عايش فى مدينة اسيوط و يشهد الله انى لم اجد اى معاملة سيئة للمسيحيين
بالعكس هناك احترام لهم و لعقائدهم
لدرجة ان فى مولد السيدة العذراء فى دير العذراء يتواجد فيه المسلمون مع الاقباط
و هناك حرية للاقباط فى ممارسة التجارة واعمالهم الخاصة
حتى بالنسبة للتعيين فى الوظائف الحكومية فأنك تجد هنا فى اسيوط نسبة معقولة للمسيحيين فى الوظائف العامة
و فى العلاقات الاسرية و الصداقات هناك علاقات قوية ما بين المسلمين و الاقباط
طبعا انا لا انكر ان هناك بعض المشاكل ولكن هذه المشاكل ناتجة عن الفساد فى الجهاز الحكومى و الادارى للدولة
و هذا الفساد و مشتملاته مثل المحسوبية و الواسطة و الرشاوى كل هذه الاشياء يشكو منها المسلمين قبل الاقباط
يعنى العملية مش عملية اضطهاد دينى لكن عملية اضطهاد للشعب بأكمله بكل فئاته

[knowjesus_knowlove]

واعترف ايضا انه يوجد ميراث فى نفسية الاقباط منذ فترة الحكم العثمانى
ميراث من الكراهية و الغضب ضد المسلمين

طيب ممكن نرجع بالتاريخ للوراء ونشوف كلامك صح ولا غلط يا أخ وليد..
مثلا فى العصر الفاطمى... أليس مافعله الحاكم بأمرالله هو تطبيقا لتعاليم محمد

http://www.coptichistory.org/new_page_97.htm


وكمان نرجع شوية ..أليس مافعله القادة المسلمون هو تطبيقا لتعاليم محمد
http://www.coptichistory.org/new_page_49.htm

وكمان نرجع شوية ..أليس مافعله عمر بن العاص هو تطبيقا لتعاليم محمد
http://www.coptichistory.org/part1.htm

أليست .... أقتلوهم يعذبهم اللات بأيديكم ويشف صدور قوم مؤمنين هى آية قرآنية؟؟؟؟

ممكن بقى تسلم لى ع المترو؟؟؟؟