### المسلمين و المسحيين المتشديين طبعاً....

[moooda]

انا مكنتش عارف حاجة خالص عن الموضوع ده مع ان تقريبا كل جيراني ف الشارع مسيحيين
آآه كنا نقول ده مسلم وده مسيحي ف المدرسة لما تيجي حصة الدين بس غير كده كنا كلنا أصحاب واخوان ومعرفش كان ديمن حظي ف فصل اولى تاني وبعدين تانية تاني و تالته تاني
1/2 2/2 3/2 و فصول "تاني" ف مدرستنا كانوا بيجمعوا فيها الطلبة المسحيين عشان حصة الدين كن كلنا عادي ناكل معاهم و نشرب ماعهم و اشتغل معهم وصاحبي الأنتيم فى المدرسة كان مسيحيىاسمه محروس من الأقصر أصلن بس مواليد الجيزة ولى جارى اسمه وحيد مسيحى متربى معايا والله كنا بنروح الكتاب نتعلم القراية والكتابة سوا ورحت الكنائس و الاديرة فى المعادى و مصر الجديدة لدرجة ان الناس كانو فكرينى مسيحى مع أن ابويا أمام و خطيب مسجد خريج جامعة الأزهر وعمروا ما كرهنا ف المسحيين ولا شفنا ف اسلوبة و تعامله مع اي حد حاجة من الحاجات اللى قاعد اشوفها واسمعها دي افتكر مرة بابا سافر الحج و لما رجع قبل ما يدخل بيتنا راح على بيت أم وحيد جارتنا زارها عشان كانت مريضة و بعدها بليل جالنا كل جيراننا المسحيين و المسلمين وقعدوا يباركوله ويهنوه على العمرة واي فرح لأي واحد من الجيران المسحيين كانت ماما تحمينا وتلبسنا هدوم نظيفة ومكوية ونحط ريحه ههههه ونروح الكنيسة وتروح معانا وت بس الصراحة بابا مكنش بيروح بس لو الفرح ف البيت كان يروح يبارك و يهني وكنا نروح المصيف مع جيراننا المسحيين عادي وافتكر ف مرة سافرت مع صاحبي محروس بلدهم ف الأقصر و الناس هناك رحبوا بيا و شالوني من ع الأرض شيل محستش باضطهاد ولا كراهية و اي حاجة من الحاجات دي مع اني تقريبا كنت المسلم الوحيد ف القرية اللى زرتها دي لقيتهم ناس مصريين فلاحين و عمال و موظفين عاديين بسطاء معرفش ايه حصل للناس نسيتوا ايم ثورة سعد زغلول لما القسيس كان بيخطب و يدعي الناس للمقاومة والثورة من على المنابر فى المساجد والشيوخ و العلماء بتدخل الكنايس
يا ناس حرام عليكم زودوتوا همومنا هم و حطيتوا على مشاكل مصر مشكلة الإضطهاد لو موجود اكيد مش موجود بين الناس وبعضها الإضطهاد نابع من ناس لا بتحب المسلمين و لا بتحب المسحيين بتحب نفسها وبس و بتنفذ أموار جايلها من فوق اوي عشان يحصل اللى بيحصل ده


بصراحة حاسس بمرارة وغيظ من اللى بيحصل و الفرقة اللى بقت بين الناس الشعب المصري مبيضطهدش المسحيين بس الأيدي العابثة فى صفوف الشعب و العملاء المصريين المعروفين متأسلمين و مسحيين متشددين كلن لجماعته هما اللى بيضهدوا المسحيين و المسلمين


يارب احمي مصر من الفتن والفرقة بين ابناءها ووحد صفوفهم يا كريم

وساعدهم على حل مشكلة المواصلات و التعليم وزيادة حصص التموين و يارب مصر ترخص البنزين و أطعم أطفالها مسلمين ومسحيين وكتر عندهم الفيتامين
اللهم فك أزمات ميدان رمسيس و التحرير و زحمة العباسية وميدان الجيزة واقضي برجمتك على اختناقات المرور فى شبرا و الهرم والمهندسين

امين امين

[iwcab]

منهم لله اللى غزوا مصر وعلموا الناس الشر والكراهية والحروب والقرف

[moooda]

إحنا هنقعد نقول منهم لله و نحط ايدنا على خدنا ونقعد ندعي ونستني الحل يجيلنا لحد عندنا تعالي نفكر ونحل الأزمة اللى وقعنا فيها كلنا الفتنة نار بتحرق المسلم و المسيحي

لا يغير الله ما بقوم حتي يغيروا مابي بأنفسهم

[servant2]

يا استاذ moooda

انتق الفاظك اثناء كتابة مواضيعك

[iwcab]

المشاركة الأصلية بواسطة moooda

إحنا هنقعد نقول منهم لله و نحط ايدنا على خدنا ونقعد ندعي ونستني الحل يجيلنا لحد عندنا تعالي نفكر ونحل الأزمة اللى وقعنا فيها كلنا الفتنة نار بتحرق المسلم و المسيحي

لا يغير الله ما بقوم حتي يغيروا مابي بأنفسهم

أصل الناس اللى غزونا دول ماينفعش معاهم إلا دعوة مقبولة ، وساعتها ربنا هيحل كل المشاكل والخراب اللى عملوه

[moooda]

معلش اصلي منغاظ ع الأخر وهطق من اللى شايفه ف المنتدي هنا وبرا المنتدي

يا اخ ميدو اتكلم براحتك هو فية اية انتو نسيتو الموضوع وخلاص اتكلم حلو يا ميدو كتر خير الراجل عاوز يصفى النفوس وهو اجرم لو كان عندة غلط فى حرف ولا حروف فى اللغة العربية وشكرا

[moooda]

على فكرة أنا أقدر أتكلم باللغة العربية الفصحي وأشكل الموضوع كمان أنا محامي مش بياع بطيخ مع إحترامي لكل بائعي البطيخ بس أنا بفضل أتكلم باللغة المصرية العامية اللى الكل بيفهمها كويس اوي

[moooda]

و أنا كلي اسف أعلن إنسحابي من هذا المنتدي المتعصب و الذي يدعوا للفتنة من خلال مشرفينه الذي اشك كثيرا فى عروبتهم أو مصريتهم

[makakola]

المشاركة الأصلية بواسطة moooda

من خلال مشرفينه الذي اشك كثيرا فى عروبتهم أو مصريتهم

تشك فى عروبتنا، هذا أمر صحيح 100%، فنحن لم ولن نكون عربا نحن مصريون ومصريون فقط

[Zagal]

المشاركة الأصلية بواسطة moooda

و أنا كلي اسف أعلن إنسحابي من هذا المنتدي المتعصب و الذي يدعوا للفتنة من خلال مشرفينه الذي اشك كثيرا فى عروبتهم أو مصريتهم

يعنى يبقوا متعصبين لما يقولوا لك كن مؤدب ....

عندك حق لان الكتاب قال : " من يوبخ مستهزئا يكسب لنفسه هوانا و من ينذر شريرا يكسب عيبا
لا توبخ مستهزئا لئلا يبغضك وبخ حكيما فيحبك "

[رافت متى بخيت]

هل من المعقول انا يكون هذا نقاش بين اعضاء المنتدى بكل هذة العصبية هناك طرق اخرى للنقاش

[moorad]

على فكرة التعصب والارهاب والكره موش من المسيحية لكن للاسف من خاينين باعو وطنهم للحركة الوهابية السعودية وعلى راسهم السادات اللى كان عايز ياسلم كل المصريين المسيحيين وكان واضع خطة لهزه العملية لكن الله اللى بيحمى كنيسته واولاده وعدنا وقال لن تقوى عليها ابواب الجحيم وياما ملوك واباطير السادات يكون صفر عالشمال بجانبهم حاولو يقضو على المسيحية لكن كانت نهايتهم لا تقل بشاعة عن السادات وكلهم انتهو وفضلت المسيحية وهتفضل بازن المسيح للابد ولن تقوى عليها ابواب الجحيم