|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
|
|
#1
28-02-2011
|
||||
|
||||
|
ولسه يأقباط حا تشوفوا أيام سودا
ولسه يأقباط حا تشوفوا أيام سودا  كتبها د. ماهر حبيب الاثنين, 28 فبراير 2011 09:04 بعيدا عن الهجايص الأعلامية بأن مصر ولدت من جديد يوم 25 يناير وكل الزفة الأعلامية إللى حصلت ومحاولة إقناعنا إن كله بقى تمام يا أفندم وإن المصريين تحولوا إلى مخلوقات نورانية يهتدى بيهم العالم وإن العالم يقف الأن يستعجب كيف يبنى المصريون المجد وحدهم وكلنا عايشين فى حلم جميل لكن الواقع بيقول حاجة تانية خالص صحيح الدنيا بقت وردى وتحققت احلام كانت أشبه بالأحلام لكن الموضوع ده يخص إخوان طظ فى مصر إللى فى يوم وليلة الدولة إعترفت بشرعيتهم تحت ضغط شيخ البلد حسين بركة وفجأة وجدوا نفسهم على مائدة الحكومة يتشرطوا والحكومة عايزة بس تنول الرضا وكل طلباتهم أوامر الحزب يتعمل حاضر القرضاوى يحضر حالا من قناة الجزيرة ويقص شريط دولة الأخوان حاضر الدستور يتغير حاضر إللى يغير الدستور يكون من تبع الإخوان حاضر المادة التانية المسرطنة للدستور خط أحمر حاضر أحمر وأزرق وإسود وكل ألوان الطيف لو حبيتوا . أما أقباط مصر فهم فى غيبوبة وكل حاجة بتنطبخ قدام عينيهم ومش عارفين يعملوا حاجة بالرغم من إنهم راحوا ميدان التحرير ورنموا بارك بلادى ودلقوا المية لأخوانه علشان يتوضوا وعملوا حاجات كتيرة أثناء الشو الإعلامى فى ميدان التحرير علشان يقولوا يا جماعة إحنا هنا لكن تقول لمين وهما بينفخوا فى قربة مقطوعة والدليل هو ما شفناه من تحرك قوات الجيش إللى ما حدفتش نواة بلح على المتظاهرين بإعتبارهم زهرة شباب مصر الجديدة لكن شفناهم بيطلقوا الرصاص الحى والميت على رهبان فى ديرهم كانوا مرعوبين من هجمات العربان على ديرهم وبنوا سور يقفل مدخل الدير وسواء كان التصرف صح أو غلط قانونيا لكن مينفعش يكون الرد برصاص الجيش إللى أول ما نزل ميدان التحرير قرر إنه ما يطلقش النار على المصريين لكن لأن العرف السائد إن الأقباط دول كفرة ومش مصريين ممكن نضربهم بالرصاص ونمسح بيهم الأرض حتى يافطة عليها أسم الدير تتخرم برصاص الجيش المصرى. وتبع لنظرية فؤاد المهندس حسس وإعتذر فقد خرج علينا قائد من الجيش يعتذر لما حصل وإن إللى حصل من ناس متطرفين!!!! يا سلام يعنى الجيش فيه متطرفين يا وقعة سودا وكمان فيه ناس فى الجيش ممكن تعمل حاجة من غير أوامر دى تبقى كارثة وطبعا حكاية الإعتذار هو نفس الحدوتة بتاعة الحكم السابق وهى تبويس اللحى بعد كل مصيبة تحل بالأقباط ويا جماعة دول ما كانوش يقصدوا وعفا الله عما جرى ويحيا الهلال مع الصليب وشيخ وقسيس يبوسوا بعض فى برنامج العاشرة مساءا وقناة المحور وكل واحد يروح لحالة لغاية الكارثة الجديدة. طبعا مش بس حادثة الديرلكن دبح قسيس فى بيته والفاعل مجهول معلوم ومعلش يا جماعة دول دبحوه شرعى بعد ما سموا عليه ويتم التعتيم على الموضوع كأن الضحية دبحها القذافى مش واحد عايش على أرض أسيوط المصرية ده بالأضافة للحكم الكارثى فى قضية نجع حمادى فالقاضى طبق الشريعة والكمونى أخد إعدام لقتله جندى مسلم وزمايله إللى كانوا راكبين معاه العربية وسايقينها أخذوا براءة لأنهم ساعة الحادثة كانوا يبتفسحوا مع الكمونى وأخدهم على مشمهم وقتل الأقباط وهما مش دريانين وطبعا الحكم ده إمتداد لأحكام الكشح وتمهيدا لإعدام جرجس الفرشوطى كعربون محبة من قضاة مصر لكفار المحروسة. لسه يا أقباط مصر حا تشوفوا أيام سودا أسود من قرن الخروب ولو ولعتوا صوابعكم العشرة شمع حا تفضلوا درجة ترسو وياريت نشوف الحاج حسين بيتمطع ويطلع تصريح واحد يفتكر إن فيه شعب قبطى فى مصر من حقه يعيش وياخد حقه زى بقية المخاليق وبكرة نشوف لما الإخوان يمسكوا البرلمان إللى جاى حا يعملوا أيه فيكم يا أقباط مصر المنكوبين من 1400 سنة سودا الأقباط الأحرار
__________________
(من يُقبل اليَّ لا أُخرجه خارجاً )( يو6: 37) (حينئذ يسلمونكم إلى ضيق و يقتلوكم و تكونون مبغضين من جميع الأمم لأجل إسمي) ( مت 24:10 ) مسيحيو الشرق لأجل المسيح http://mechristian.wordpress.com/ http://ibrahim-al-copti.blogspot.com/ 
|
|
#2
28-02-2011
|
||||
|
||||
|
مشاركة: ولسه يأقباط حا تشوفوا أيام سودا
بجد الواحد إكتئب جدا .. حاسس ان مافيش امل خالص .. كنا شايفينهم فى المظاهرا ت باللحى والجلاليب والنقاب .. كنا حاسين انهم هيسرقوا الثورة .. ولكن تصرفات الجيش بقت تقلق .. الأديرة .. البشرى رئيس لجنة تعديل الدستور المعروف بميولة الإخوانجية الشديدة .. والباقى جاى .. ربنا يستر ...
__________________
(( افتحي يا كنيسه زراعك لكل متنصر جذبه المسيح اليه .. احتضنيه و اعترفي به فهو ابن لك و انت ام له ))
((فأنت الصدر الحنون له في محيط المخاطر و الكراهيه و الظلم و الارهاب الذي يتربص به ))
|
|
#3
28-02-2011
|
|||
|
|||
|
مشاركة: ولسه يأقباط حا تشوفوا أيام سودا
لالالالا انا مش مع الكاتب المحترم ده ابدا ده نوع من انواع الولوله والندب طيب فيت الحل قلنا عليه وحهنا ليه لالالالا ابدا مش ده الاسلوب الواجب اتباعه بصوا احنا طلعنا المظاهرات وانضربنا ومات منا ناس لالالالا ان كانو عايزين يهمشونا احنا مش حنسكت اول شئ عملنا بطاقات انخابيه مش حنسكت مش حنراجع لالالالا اشكرك اختى الحمامه ويارت نشوف تعليق لكى
|
|
#4
28-02-2011
|
||||
|
||||
|
مشاركة: ولسه يأقباط حا تشوفوا أيام سودا
إقتباس:
مع إنى معاه شويه فى كلامه
عندما تقرأ أدبيات ثوره يوليو1952 لاتجد فرقا كبيرا بينها وبين مايجرى هذه الأيام بعد ثوره 25 يناير 2011 العهد البائد الفساد الآمال العريضه طهاره اليد القضاء على كذا وكذا تداول السلطه الديمقراطيه حتى حسنى مبارك نفسه قال فى اول ولايته أعلن أنه لن يبقى فى السلطه مايزيد عن مدتين رئاسيتين وهو ماتندر عليه محمد صبحى فى إحدى مسرلاحياته عنما قام بتقليد الرئيس الراحل مبارك وكل ماتسمعه يقال ويتردد على الألسنه هذه الأيام سبقى وتردد فى الماضى لافرق تقريبا إلا أشياء بسيطه الله وحده يعلم ماذا يدبر وماذا يتم فى الخفاء لايعرف أحد جميع أوراق اللعبه ليتمكن من التنبؤ بالمستقبل كلها تخمينات وامنيات يتمناها المصريين وأمل فى غد أفضل يعوضهم عن السنين العجاف لاجديد أبدا فى تاريخ مصر نفس الدوره تتكرر
|
|
#5
01-03-2011
|
|||
|
|||
مشاركة: ولسه يأقباط حا تشوفوا أيام سودا
ياريت بلاش تنبؤات .... وكفانا اليوم وشرة .. نعمل اللى علينا ونشتغل ونتكلم ونعارض كمان علشان مصلحة البلد مش نقعد فى البيت ونفضل نندب اهنا لحد دلوقتى موجودين ...وموجودين بقوة نستغل هذة القوة فى مصلحة البلد ....وياريت بلاش كسل واتكال على الاخر
|
|
#6
01-03-2011
|
|||
|
|||
|
مشاركة: ولسه يأقباط حا تشوفوا أيام سودا
قال احد الحكماء
لن يستطيع ان يركب ظهرك احد االا اذا كنت منحنيا نحن الذين نعطيهم الفرصه حتى يركبونا مايدور فى الخفاء نحاربه بكل قوه فى العلن لن نخاف مره اخر سجن اتسجنا ضرب انضربنا خطف اتخطف بناتنا ايه فى ايه بعد كده لالالالالالالالالالالا شخصيا مش حسكت مش اخاف من اى شئ واظن ان كتير زى كده
|
|
#7
01-03-2011
|
|||
|
|||
|
مشاركة: ولسه يأقباط حا تشوفوا أيام سودا
بطلوا اسلوب الولولة والمسكنة وانكم مغلوبون على امركم
انكم مواطنون مصريون كما المسلمون والقانون فوق الجميع ها هو القانون طال المفسدين الكبار وليس الصغار فقط لستم مغلوبون على امركم محلاتكم مفنوحة وانتم تسيرون فى الشوارع بأمان وتذهبون الى الكنائس ولا يتعرض لكم احد وابناءكم فى المدارس والجامعات كأى انسان مسلم اذا كان هناك تطرفا اسلاميا فهناك ما يقابله تطرفا مسيحيا ولا ننكر ذلك ابدا
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
النمط الشجري
