نقل البابا شنوده الى المستشفى

[mmee2000]

القاهرة (رويترز) - قال محامي البابا شنودة الثالث الزعيم الروحي للاقباط الارثوذكس ان البابا نقل يوم الثلاثاء الى المستشفى للعلاج من شرخ في قدمه بعد تعرضه للوقوع في مكتبه بالكتدرائية المرقسية بالقاهرة.

وقال المحامي ممدوح رمزي لرويترز "يبدو أن قدمه فيها شرخ أو شيء من ذلك."

وأضاف أن البابا (84 عاما) نقل الى مستشفى في القاهرة بعد الحادث.

[Pharo Of Egypt]

نطلب الشفاء العاجل من رب المجد يسوع المسيح لقداسة البابا المعظم شنودة الثالث و يعود سريعاً لشعبه و غنم رعيته .. و أن يعطيه أزمنة سلامية مديدة و يخضع جميع أعدائه تحت قدميه سريعاً

و يعطينا نعمة و رحمة بصلواتك طلباتك يا أبانا القديس ذهبى الفم أثناسيوس العصر الحديث

آمين يكون

[sky]

ربنا يحفظك ويرجعك لينا بالسلامة ياسيدنا
ربنا يديلك طولة العمر والصحة
الف سلامة عليك وباذن رب المجد هتخف و تشفي من الامك

[Pharo Of Egypt]

جاء على محطة "سى تى فى" الفضائية أن الشرخ فى عظمة الفخد و سيطير قداسته الساعة العاشرة هذه الليلة إلى مستشفى كليفلاند بالولايات المتحدة على متن طيارة خاصة و مجهزة أمر بها مشكورا الرئيس حسنى مبارك. و سيمكث هناك ما بين شهر و 6 أسابيع.

نتمنى لقداسته الشفاء العاجل و الصحة الموفورة لقداسته

هنا أتوجه بالشكر للرئيس حسنى مبارك على هذه المبادرة الطيبة و اللفتة الكريمة .. و نتمنى أن تكون بداية لأحترام حقوق المواطنة لكل مواطن مصرى مهما كانت هويته الدينية

[fanous2102]

ربنا يمد يده بالشفاء سريعا ليعود لنا في آسرع وقت ممكن

[موسي الأسود]

ربنا يتمجد و يد الله قبل يد الطبيب


أتمني صلاة قداس موحد في كل كنائس مصر القبطية لشفاء قداسة البابا وعودته سريعا لمقر كرسيه .

[honeyweill]

المشاركة الأصلية بواسطة Pharo Of Egypt

جاء على محطة "سى تى فى" الفضائية أن الشرخ فى عظمة الفخد و سيطير قداسته الساعة العاشرة هذه الليلة إلى مستشفى كليفلاند بالولايات المتحدة على متن طيارة خاصة و مجهزة أمر بها مشكورا الرئيس حسنى مبارك. و سيمكث هناك ما بين شهر و 6 أسابيع.

نتمنى لقداسته الشفاء العاجل و الصحة الموفورة لقداسته

هنا أتوجه بالشكر للرئيس حسنى مبارك على هذه المبادرة الطيبة و اللفتة الكريمة .. و نتمنى أن تكون بداية لأحترام حقوق المواطنة لكل مواطن مصرى مهما كانت هويته الدينية

البابا وهو في القلايه وقع او اتزحلقت رجله تحتة فوقع وبما انة كبير في السن العضم بيبقي هش شويه والكسر او الشرخ بين الفخذ والحوض

[Dr.Emad Boulos Abd]

لنرفع جميعا صلواتنا ، ولنستعد لنقرن بها صوما طاهرا سيبدأ الأثنين القادم ( الرسل ) ..
و أذا كان ربنا سمح بهذه التجربة لقداسة البابا شنودة الثالث، فنحن نؤمن بحكمة الله ، و أن
لا تسقط شعرة واحده بدون أذنه .
قداسة البابا زادت أحماله جدا , وعلينا الصلاة معه ليرفع الله أتعابه .
جدير بنا أن نتقدم بعظيم الشكر لرئيسنا المحبوب حسنى مبارك على لفتته الأنسانية بأمره بطائرته
الرئاسية لنقل البابا و أتصالاته المشكورة ,الرب يبعد عن فخامته الشر،و يحفظ لنا رئاسته بسلام .
و ليحفظ لنا الرب قداسة البابا سنين عديدة و أزمنة هادئة سلامية مديدة .

[boraee]

بيقولوا هتحتاج عكاز

معقولة يا ولاد ؟؟

م إحنا عكازك ..

يا للي لفيت البلاد

ولادك ..

من سنين

مسنودين ..

على عكازك ..

*******************************

عكازك

ربنا موجود

القلب مصلوب

لكن البدن مفرود

سندك

صدق الوعود

دفء القلوب

وصبر القبطى

اللى ماله حدود

*******************************

سأل الطبيب

فين الوجع ..؟

قال في بلادي

والكسر فين ؟

في ولادى

والحق على مين ؟

مفروض على البادي ..

والظلم ..؟

بطول الـــــوادى !

*******************************

بيقولوا سافرت ..

امال ليه حاسيين

انك وسطنا

بجد انكسرت ..؟

الكسر ده في جدار قلبنا ..

وحملنا

يا حلمنا

مين يشيله معانا

وعننا ..

امتى ترجع لنا ..

محتاجين حضنك

يا بابانا

يضمنا ..

*******************************

سأل طبيبه

إيه الفرق بين وجع البدن

ووجع الروح ؟؟

الأول يومين ويروح

والتاني ..؟

في القلب سكن ..

اجتهد الطبيب

يمكن علاجه يصيب ..

وإيه علاج

اللي دائه

الوطن ..

*******************************

لا يوم اشتكيت ..

ولا انحنيت ..

يمكن بكيت ..

لكن لا بعت ..

ولا اشتريت ..

غيرك باع

وتراب الوطن ضاع

وانت واقف زى اسد الكاروز

ارجع يا عيد النيروز

يموت الوالى

ودم الشهدا

يفوز ..

*******************************


بيقولوا هتحتاج عكاز

معقولة يا ولاد ؟؟

م إحنا عكازك ..

يا للي لفيت البلاد

ولادك ..

من سنين

مسنودين ..

على عكازك ..

عن موقع الأقباط الاحرار

[تيتو7282]

منتهى الروعه

شكرا لك الحبيب الاستاذ برعى

على هذه الكلمات الرائعه

وكانها انشودة من السماء

محبه وسلام لصاحب هذه الكلمات

تحياتى

[scorpion_man]

ربنا معاك يا ابونا ويكون فى عونك شايل هم كتير
من اولادك وحبك ليهم وحجرحهم ليك برد الحب مسامير وصلب
ومن اعدك الى برضه حسب الوصيه وحسب قلبك الكبير بتحبهم برضه
من خوفك على اولادك
واكيد عكازك هيكون المسيح يسندك ويعنك
لو اقدر اعمل اى حاجه تساعدك
كل الى ممكن اعمله اقول ربنا يعينك يا رعينا

[برنسيسة الاسكندرية]

بسم الاب البادى والابن الفادى والروح القدس علية قوتى واعتمادى
بصراحة جيت لقص جزء منها للتعليق لقيت كل حرف يحتاج من القصيدة مليون قصيدة للتعليق رائعععععععععععععععععععععععععععععععع
ويارب يرجع بالف سلامة
وسؤالى ليسوع بجد كل يوم اية حكمتة فى تعب وعمليات فى الايام دية اية بجد حكمتة ؟ونفسى الاقلها اجابة غير اللى تعبانى
بس اكيد كلنا نفسنا تقوم وترجعلنا بالف سلامة حتى لو كان التمن دمنا بس يارب ترجعلنا

[Pharo Of Egypt]

آمين يا رب
كلام من القلب طالع .. ماحدش يقدر يضيف عليه كلام
ربنا يشفيك يا سيدنا وترجع لنا بكل صحة

[Jene]

صور لقداسة البابا بعد العملية (يالله خش واطمن على البابا)

[Jene]

المشاركة الأصلية بواسطة jene

صور لقداسة البابا بعد العملية (يالله خش واطمن على البابا)

ربنا يديم حياة قدسك لينا ياسيدناsssssss sss10